إستثمر في روحك
برشا مشاكل في حياتنا تتحل بمجرد إنو "نحبو رواحنا أكثر " ، أكثر من الأصحاب والحباب❤️ حب روحك و خدمتك و قرايتك و بدنك و عقلك ، حب روحك تو ترتاح .. خاطر عمرو ماهو باش يجي نهار و تندم عالطاقة إلي إستثمرتها في نفسك !
عيش لروحك موش للناس ، كان فشلت أنت المسؤول الأول عالفشل و كان نجحت أنت إلي لازم تفتخر بروحك ، ما تخممش في خزرة المجتمع و الناس ، خاطر أصعب حاجة إنك تقعد تركز في كلام قالوه ناس و هوما ما يعرفو شي عليك و علي تحس فيه ، ما فما حد يعرفك قد روحك ❤️
ما تعطي لحد أكثر من حجمو في حياتك ،
تعلّم التجاهل ، لازم دمك يكون بارد باش تعيش مرتاح ، فما مشاكل توفى بمجرد بلوك و فما مشاكل توفى ب Vu و فما مشاكل تخليها للوقت ❤️
إستمتع بحياتك و ما تاخو موقف من شي و ما تحكم على حد خاطر أغلب الأفكار و القناعات إلي عندك توا باش يتبدلو و إلا يتطورو مع الوقت 😉
________________________________________-سوار ، سوار اخرج شوف شكون جبتلك😊
طلعت من دوش شافت ميلا ...
-ياااااه محلاها 🤗
-😒😒
هبطت شدتها من دڨنونتها...
-عسلامة يا صغرونة شنيا اسمك انتى 😊
عطاتها ميلا كف و هربت تجرى
-اى 🥺 علاش ضربتنى ؟!؟!
-خاطر قتلها لإنتى بنتى الكبيرة 😅 غايرة منك هههه
عنق سوار و قعد يمسح على خدها لضربتو ميلا دقيقتين و يسمع فى صياح و بكاء و تكسير طلع يجرى ووراه سوار دخل لبيت ميلا يلقى امها و خالتها شادينها يهديو فيها و مش منجمينها تصيح لسماء و تنڨز و تقلهم انا كهو بنت papa 🥺😭😭😭 دخل عمر نطر ايد سوار إللى شادة فيه من تالى..-شبيها شبيها !!!
-ما نعرش احكى معاها انتى
قامت سرور سكرت الباب فى وجه سوار بدون ما طلبت حتى سماح على قوة جهدها رزعت باب.. 😟
قعد عمر يهدى فيها و يفهم فيها اللى عيب تضرب حد اكبر منها و مفماش علاش تبكى و هى اميرتو اولا و يحبها اكثر وحدة فى الكون و هى عندو قبل ناس لكل مسح دموعها و حطها فى حضنو يبنن بيها و هى تشهق ...🧑🏼🍼
-امان papa طردها 🥺
-ما نجمش هذيكا أختك كبيرة توا ترا محلاها و قداش باش تلعبو مع بعضكم و تحبك و تعملك برشا فازات فى شعرك احسن ماللى انا نعملهم هيا عيش بنتى ننى توا و غدوة قوم العب معاها 🧑🏼🍼
-باهى 🥺
فى الأثناء كانت سوار فى سويت تاعهم لداخل تبكى من موقف إللى صار و كيفاش سكرو الباب فى وجها .... حتى دخل عمر
-ااااه بطوط نجيبلك حاجة تأكلها؟؟؟
-نحب نروح لدارى 🥺
YOU ARE READING
صديق بابا ..🍭
Teen Fictionصورة من فيلم jeune et jolie ... من اقوى افلام لتفرجت فيهم تصوير اخراج قصة مضمون soundtrack نفس كرونيكات لنكتب فيهم تفرجو فيه بدون تفكير .... ❤️☺️ قصة جديدة مغامرة جديدة شاركونى افكاركم كى عادة ، مش باش نقول نفس كلام اما تقريبا فهمتو اسلوب كتابتى إل...