صورة من فيلم jeune et jolie ...
من اقوى افلام لتفرجت فيهم تصوير اخراج قصة مضمون soundtrack نفس كرونيكات لنكتب فيهم تفرجو فيه بدون تفكير .... ❤️☺️
قصة جديدة مغامرة جديدة شاركونى افكاركم كى عادة ، مش باش نقول نفس كلام اما تقريبا فهمتو اسلوب كتابتى إل...
Oops! This image does not follow our content guidelines. To continue publishing, please remove it or upload a different image.
ملاحظة : جزء يحتوى على مشاهد عنيفة جريئة جدا اى حد يتحرج يقرا او عندو مشكل عادى نعملو ملخص نظيف فى الخاص شكرا ❤️🙏🌺
*مع الوقت باش تلقى أولوياتك تبدلت و نظرتك للدنيا تبدلت. باش تلقى روحك بعدت... بعدت على ناس عمرك ما تصورت نهار تبعد عليهم ... باش تلقى روحك تحب تبعد على كل حكاية تقلقك على كل إنسان يحكي مواضيع ما تعجبكش ولا يستفزك أو يعملك مشاكل من لا شيء ومعادش إدّخل روحك في مشاكل و لا في أمور ما تخصكش .. مع الوقت و كل ما تكبر كل ما تتأكد إلّي راحة البال ما كيفها شيء .. و إنو اللامبالاة هي أقوى سلاح تنجم تقاوم بيه .. اللي ما يعطيكش قيمتك قلو بالسلامة و إلّي مايقراش فيك النية الصافية ماعندك علاش تبررلو المهم قدام ربي ضميرك مرتاح.. واللي داخل لحياتك باش يتعبك بلاش بيه خير . و إلّي تحس روحك ماكش غالي في عينيه .. أبعد عليه الحياة قصيرة .. عيشها مع اللي يستاهل وأعطي وقتك وتعبك وصحتك للي يستاهل ...الدنيا بش اتعبك وتعلمك وتبدلك و تكسحك و تقويك ..✋ _________________________________________
....-يسرا نحب نطلق ...
Oops! This image does not follow our content guidelines. To continue publishing, please remove it or upload a different image.
عمرو ما جاء لبالها الكلمة هذى تسمعها من عمر حتى انو تقالت بينهم بفذلكة قبل ما تقالتش ابدا قد ما تعاركو مستحيل وصلوها لكلمة طلاق و تالمون مش مصدقة انها تقالت توقعتو يفذلك... -هههههه تى بربي يزى بلا واحد متاعك -يسرا مانيش نفذلك نحكى بجدى -نعم ؟؟؟؟ -انتى شايفة عيشتنا كيفاش ولات ؟! شهر و نص و انا مرمى فى اوتال لا نهار كلفت خاطرك و سألت عليا! -اسمع اسمع تبداش تسبب انتى خليت دارك و صغارك و طلعت -طلعت خاطر تعبت و فديت و تقهرت و تذليت منك يعنى انتى الغالطة انتى لتكلمنى انتى لتسأل على راجلك لباس لا تعشا لا شنيا صحتو شنيا عامل اما انتى مكلفتش خاطرك حتى تكلمنى ... -و انتى من وقتاش تحسب فيها معايا؟ يعنى لتعدا عليا بريود الاخرة ساهل باش ركز مع إللى مشى و إللى قعد ... -راجلك يسرا انا راجلك ! كى متتلهاش بيا شكون باش يتلهى بيا ... قعدو ساكتين و قت طويل هى دموعها هابطة تبكى فى صمت و هو يخزرلها متأسف على حال لوصللو ... -تحب طلقنى عمر ؟ بعد ٢١ سنة حب تحب بسهولة طلق. .. -صدقنى كى قعدت مع روحى لقيت هذا انسب حل حتى قصتنا لبدات بداية مزيانة توفى بالقدر ... رجع سكوت مخيم كان شهقات صغيرة طالعين من يسرا ... -باش يكون فيبالك، أنا حاولت معاك برشا، أعطيتك من جهدي و من وقتى و مش مزية كنت ديما نقول يا عمر ما تخسرش حب حياتك ما تخسرش مرتك ما تخسرش ام صغارك ديما نغمض فى عينيا عليك و نخزرلك فى عينيا اكا البنوته الصغيرة لجاتنى تبكى خاطر فكولها بسكليت تاعها و خليتك تتصرف كيما تحب، تغيب و تحضر وقت ما تحب و يكون فى علمك زادة إللى انا حاولت حاولت معاك برشا، و وقتي مشا خسارة، حاولت نلم و نصلح، أما شي تمهمشت لا عرفت نرجع القديم، ولا نبني الجديد مكش متجاوبة معايا فى شي و يكون فيبالك زادة يا يسرا إللى انا وقفت برشا و ستنيت برشا وصلحت برشا وراك و قدامك و حاولت برشا، اما توا وفيت معادش نجم نستحمل و معادش فيها ما يتصلح معادش فيها ما يتعاش..القدر و طاح و رجوليتى و تبعثرت يسرا انا ضايع من داخل انا عايش خديم ليك و لطالبتك كهو انا ما نأخذ فى شي منك كان فى كلام مرزى صدقني، حاولت، و كان جا ليدي نعطيك أكثر من فرصة، و نخلي روحي يتيم لآخر فرصة..أما معادش عندي ما نعطي -ولقيت انسب حل هو طلاق ؟ -وصلت لقرار هذا بعد برشا محاولات .. يسرا نطلقو و الا نخونك و نحل دار اخرى نخون العشرة و الماء و الملح لكليناهم مع بعضنا اعطينى انتى الحل اعطينى حل يضمنلى لو تراجعت عن قرارى ما تضحكليش نهارين و تنفرنى ١٠ .... قامت تنطر و تصيح... -اوك عمر باهى توا لمد دبشى و نمشي لدارنا كى انتى حابب هكا و نطلقو -بلاش صياح من فضلك قاعد نحكى معاك بسياسة و أولادك راقدين لداخل -باهى تحبنى نسكت هانى ساكتا هانى ساكتا بدات ترمى فى اى حاجة تعرضها تقطع فى غطاء الفرش و تصيح لربي الخبير يحاول يسيطر عليها تضربو دخلو اولادها لبيت شادين يدين بعضهما يبكيو طردتهم و سكرت الباب على يد طفل صغير زاد ما فحم بالبكاء هذا لكل و عمر واقف يخزرلها معادش منجم يسيطر عليها اكثر غلبتو ما حكمها الا ما جابلها طبيب زرلقها حتى اعصابها تهدأ ____________________بعد شهر_____________
