صورة من فيلم jeune et jolie ...
من اقوى افلام لتفرجت فيهم تصوير اخراج قصة مضمون soundtrack نفس كرونيكات لنكتب فيهم تفرجو فيه بدون تفكير .... ❤️☺️
قصة جديدة مغامرة جديدة شاركونى افكاركم كى عادة ، مش باش نقول نفس كلام اما تقريبا فهمتو اسلوب كتابتى إل...
Oops! This image does not follow our content guidelines. To continue publishing, please remove it or upload a different image.
كي تعرف قيمة الحب تو يولي كل نهار تعيشو مع اللي تحبو عيد موش نهار عادى ....♥️♥️ وقتلي يجي نهار باش تختار فيه تحب و إلا ترتبط بحد.. حب الشخص اللي ماكش باش تحشم منو جملة..حب اللي تنجم تخرج معاه بالمشوار في ايديك و خشمك مسكر و أحمر و وجهك مستخضر ..حب اللي عادي وقت الظروف الصعيبة و الإكتئاب و يشوفك شعرك مشبشب و أيامك تكرب، يقلك محلاك حتى في أسوأ حالاتك ..حب واحد يغزرلك في عينيك و يفهمك، يشوفك من بعيد يعرفك آش بيك ! يحبك بعيوبك قبل الباهي اللي فيك، بتفاصيلك بكل شيء فيك.. و اللي تتصرف قدامو كإنك قدام مرايتك..حتى ولو تحشم منو في حالات ديما تتصرف بتلقائية ونية صافية..حب اللي معاه متفركسش عالكلام وكل شي تلقائي..حب اللي يخاف على مصلحتك وينصحك و يعطيك على راسك وقت اللي يلزم..حب اللي يخاف فيك ربي..يتلهى بيك ويخاف عليك يمسحلك دمعتك بيدو موش بالموشوار..حب اللي كلامو وتصرفاتو ما يختلفوش..حب اللي يستاهل خاطر موش بالساهل تلقى اللي يستاهل ..حب اللي مهما كانت ظروفو يخليك أقرب الناس ليه وكل شي في حياتو.. و معاه لحظة بلحظة تفاصيل نهارو تعيشهم معاه حتى كي يبدا موش معاك..وبأبسط الحاجات والمواقف يخليك فرحان... الي يعطيك قيمتك ويخاف عليك من النسمة..❤ _____________________________________
...قعدت تخزر فى عينيه شفايفها يرعشو دموعها هابطا وحدهم صدرها يتهز و يتحط من الخوف من عمر و كلامو ... -بلحق باش ترمينى فى الشارع؟ 🥺 -مالا نفذلك !! انتى وصلت روحك انتى إنسانة مريضة فى مخك مكش حابة تفهم قدرك و تصون روحك رامية روحك عليا اش تسيخبنى بربي ؟ ولد حرام باش نخون مرتى ؟ و نطلع مع وحدة عمرها 16 سنة ؟؟؟ مع كل كلمة يتكلمها ترمش عينيها من رعب معادش منجمة حتى تشد روحها ركيبها ترعش ... ما تخيلتش ردة فعلو باش تكون هكا! -سامحنى -انا نسامح فى حالة وحدة انو تكون غلطة صارت مرة و عن غير قصد و فعلا انا نبهت عليك ووصلتلك بدل مرة ١٠٠٠ انا رانى مش تع خمج و نعمل كل شي فى حياتى اى حاجة تجى فى بالك الا حاجة لإنتى فى بالك ، نلعب بكل شي الا بعواطف مرتى و علاش هذا لكل على خاطر فلوس -لا موش صحيح 🥺 -بالك بهيم عندك انا و الا ماشي فى بالك تلميذ معاك باش تعديها عليا و الا بيدوفيل ريقتى سائلة ريق خمج هذا امشي سيبو على واحد بلاش همة و لا ضمير كيفك اما انا ما تحلمش بيا حتى فى أحلامك و توا تحرك لمد دبشك و اطلع من دارى و ما يمشيش فى بالك إللى باش نكتفى بخروجك من دار فقط باش نكلم بوك و نحكيلو كل شي و انتى تعرف رأى بوك فى مواقف لكيما هكا... -سامحنى نوعدك اخر مرة
