صديق بابا ..🍭

#4

العلاقات تستحق برشا تشذيب وتهذيب وتنقيب....
شمعناها تنقيب... كل علاقة تستحق تنقبوا فيها على جذور بواطنكم مميزاتكم سلبياتكم مشاكلكم خصائصكم الحاجات الي متعلقة بمخاوفكم وباحلامكم... المرحلة هذيا مهمة في كل علاقة على خاطر هي الي تخلي العلاقة تركز على اساس صحيح والا ما تركزش أصلا من الأول بش يبدا كل شي واضح... يعني نجموا نقولوا المرحلة هذي هي مرحلة الإكتشاف وقرار المواصلة أو الإفتراق...
بعدها هيا إذا تواصلت العلاقة ندخلوا في مرحلة التهذيب... والي هي المرحلة الي كل شخص في طرفي العلاقة يحاول يطور من لاخر ويدفعوا نحو شخصية أفضل وارقى وأجمل من شخصيته القديمة وهذا هو المغزى من العلاقة السوية الي هي تخلي الطرفين يقدموا لقدام مع بعضهم ويواصلوا نحو بناء سوي متكامل يسعى للرقي والتطور...
بعد المرحلة هذي مباشرة نوصلوا للمرحلة الأخيرة وهي مرحلة التشذيب وقد يخيل للبعض انها مرحلة مادية نظرا لاسمها
" تشذيب " جاية من القصان والسويان لكنها في الحقيقة مرحلة روحية بحتة...
المرحلة هذي توصلها الارواح الي تبدا وصلت حققت نسبة تفاهم عالية من 95% وانت طالع... وتعني المرحلة هذي انو حدود الحب بين الطرفين منعدم ولا توجد حواجز ولا موانع ولا اي إطار يحد قوة هذا الحب وانو اي حاجة تعترض هذا المسعى سوف يقع قطعها وابعادها روحيا عن طريق استمرار هذا الحب... بمعنى آخر يعني يقع تشذيبها وتحجيمها...
المراحل الثلاثة هذوما ثلاثة مراحل رئيسية في العلاقة.... وفي كل مرحلة فما مراحل فرعية وخاصة المرحلة الأخيرة الي ما يوصلولهاش الناس لكل خاطرة مرحلة متقدمة برشا من الوعي بالعلاقات باش يتم تسوية ما بينهم تلاثة لازم برشا وفاق و قوة و صبر ....

______________________________________________

اول ما شافها فى سترينچ احمر دور وجهو وقف قدام باب ...
-سامحنى سامحنى انا فى بالى مفما حد... هونى سامحنى
وجهو حمار نشو العرق طلع طول ...
قامت خزرت لروحها فى مراية عدات يديها على بدنها... تبسمت بمكر "نرمال واحد قدامو البدن هذا الكل و يدخل و يخرج ما غير حتى ما يشبع عينيه..."