يا أني
وهَلي وصبري
وجَريب الناس
ياعُمري اليجي
وعُمري العزيز الفات
عريان السيد خلف
----------------------------------------------------
- مرت لـ أيام وشمس وگعت لطفل ، وليوم أول يوم أمتحانات أخر لـ سنة وراح أخلص من لـ خامس وأروح سادس ،
چان كل تركيزي على دراستي وكل همي شلون حتكون لـ أسئلة وأذا صعبة أو ـلا ؟
بلشت لمتحانات وذبيت كل حيلي عليهن أكلي شربي كلة صار بلغرفة وحتة أذا أجو يسهرون قبل ليجون أصعد لغرفة هيثم ،
قبل لـ أمتحانات بأسبوع أجة هيثم لبغداد نطاني فلوس وطلعنة لسوگ شترينة ملابس وأحتياجات وحفزني للدراسة وضل وياي نسهر يدرسني ويجيبلي حلويات وأخر يوم قبل ـلا يروح
گعدت لـ صبح وأني أدور على هيثم أتصلت علي گال طالع شوي وأجي ، مر وقت مو هواي ودخل للغرفة
- ها هيثومي وين چنت ،
طلع علاگة صغيرة من جيبة لونهة بنفسجي وأبيض وبيهة علبة طلع لعلبة وفتحهة
- جبتلچ گلادة عليها أسمچ تعاي ألبسچياها
- يا حبيبي تخبل شُكراً ، وحضنتة ضحك ودرت وخرت شعري من رگبتي علمود يلبسنياهة
سدها ودارني علي وباس گصتي
- أريدچ تخلين كل تفكيرچ بلدراسة وذا حتاجيتي شي بَـس تصلي علي
- يعمري صار
رجع للبصرة وبلشت لمتحانات ونتهت وهيثم طول ما أني أدرس وأمتحن مابطل تصالات وأبوي ـلأن قلت تواجدة بلبيت من يجي يمر يسئل أذا لسئلة زينة لـو أحتاج يروح يحاجي لـ أدارة
- ـلا زينة لسئلة وحتة أذا حاجيتهن شنو ممكن يسون
- يساعدنچ
- قصدك واصطات ، خو أني أدرس وأتعب علمود أنجح بتعبي وحالي حال لطالبات ومن أحصل شهادة أفتخر أني جايبتهة بتعبي مو كلة رشاوي واصطات
- براحتچ بنتي مجرد طرحت عليچ سؤال ، طلع وسد لباب
مرت لمتحانات وليوم أخر يوم
زينب : أويلي يمة وأخيراً كملنة متحانات وبعد مندرس
- هسة أروح للبيت گبل أتوجه للغرفة وأنام على لبراد ونعومة لفراش وعطر لغرفة لحلو وأنام نومة عميقة خالية من لتفكير بلمتحانات
- الله يا محلة هيچ نومة ، أگلچ ريم أني جايبة فوني دمشي ورا لمدرسة نصور
- يمعودة ستري هلينة ليشوفنچ ويرحن يگولن لست شهلة
- ولچ مناك طالبات كومة ديطُگن صور وليوم ـلا أخر يوم محد يفتن
رحنة ورا لمدرسة وثبتت لـ فون علحايط وفتحت تسجيل فيديو أجن بنات نعرفهن ومانعرفهن صورنة سوا وحفضناهن
أنت تقرأ
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
