حروف متناثرة .

- 33َ .

حتى وانتَ هناك أشمَّك
‏وحتى مِن يحچون يمي
بسالفة
‏وجابوك بيّها
اتغاضى ‏عن السُولفوهِن
‏وباليّ كُلة يصيّر يمَك
‏شِنهي عود مطشِرة أيامي
اعلة وينَك ؟
‏واليريد يلمنيّ
بَس يطخني بأسمَك .

#حروف_متناثرة .

لـ فاء ،

أنستا : _so. 7r
ريم ::-

.. أحچي أحچي ليش شعندي غير أسمعلك

گعد گبالي ولزم أيدي وبدة يحچي سكتت
أسمعلة بأصغاء وي كل حرف ينطقة

.. باعي هاي مرة چنت طالع ضلت هل خرا
شمس تتصل بية من رقم غريب رديت عليها
وچانت تبچي وتگـول تعال وهلحچي وداعت
أمي ما چنت أدري بلي راح تسوي

لمهم مدري شلون قنعتني وأجيت چان
محد بلبيت بَـس هية وأختچ لثانية نطتني
عصير ضلت تلح أشربة شربتة وما أدري مخلية
بي شي ألى أن فقدت وگعدت لگيت روحي بلغرفة
حتى ما أدري بيها مصورتني ، اللـه شاهد على كل
حرف حچيتة

ريم : يعني أنتة چنت تدري ؟

مصطفى : مو أگلچ ما أدري لو أدري
چان ما أجيت

ريم وحق كل حرف بلقرأن هاي لصدگ
أتمنة تصدگيني

ريم : مادري مصطفى ما جاي تگعد بعقلي
مالة من لتبريرات ولحجج تعبت نفسيتي
واللـه ما أريـد ينعاد علي مثل لسوا حيدر

غطيت وجهي وبچيت أحس نار شابة
بصدري وكأن لبچي راح يطفيهة ضليت
أبچي ومصطفى حاضني أريـد أسكت
بَـس ما أگدر

بعدني مصطفى عن صدرة وخر شعري
عن وجهي ومسح دموعي

مصطفى : كافي ريمتي أروح فدوة لدمعتچ
واللـه چذابة شمس ما أدري بروحي وعافيت
أمي

هزيت راسي وأني أمسح بدموعي لزمني
حيل بفرحة وحچة بلهفة

- يعني خلص مصدگتني ؟

ريم : أي بَـس ما جاي أقتنع

مصطفى : ميخالف هسة كم يوم وأنة أقنعچ

وخر وحدة من أيدي من چتفي وطلع
جهازة من جيبة شاف لساعة ورجعة
صوفر وگال

: أحوي باع لساعة يايابة

يلة حبيبي گـومي نامي ولتخلين بالچ وـلا
تفكرين ومعليچ بأختچ لبربوگ هجامة لبيوت

أجتني ضحكة وضحكت من بين دموعي
مصطفى : هية مــو مزوجة وخلصانين منهة
شعدها جاية چنهة ططوة ؟

رفعت أكتافي بمعنى ما أدري

مصطفى : يـلا كبد أنة رايـح

گمت ويا مشة شوي ولتفت حضني بقوة
وباسني

- أشوفچ باچر

هزيت راسي وطلع ، رجعت للغرفة سديت
لباب وتمددت ضليت أقرة أيات علمود أطرد
لـ أفكار من عقلي ألى أن غفيت