حروف متناثرة .

-22 .

عَودتني و واعدِتني
و تالي مِن رِدتَك مِشيت
و فارگتني
ليش كُل عُمري أكابِر ؟
حَتىٰ أعيش مِتاني باجر
و هو باجر بِلا عيونَك شِنهو لَذته ؟

#حروف_متناثرة

لـ فاء ،

*********
ريم :-

"إنهيارات داخلية ، بمظهر ثابت"

گاعدة بلطرمة وأجة هيثم يمشي بتجاهي
ولـ أبتسامة على وجهة وگف مكانة وفتحلي
أيدي گمت أريد أركضلة ـلاكن أحس برجلي
متشابكة وماگدر أتحرك گعدي بمكاني أريد
أگول ماگدر ضل يرجع ليورة وهوا يضحك

گعدت من لنوم أتنفس بسرعة مسحت
لعرك لبوجهي گاملي مصطفى من مكانة
بسرعة تقرب خلة أيدة على وجهي وعدلني

مصطفى : أهدي أهدي ماكو شي

ريم : شفتة واللـه شفتة أجالي بلحلم
ما گدرت أروح أحضنة

- صلي على محمد عيوني حرارتچ مرتفعة

گام للمجر جاب لعلاج وويا مي طلع
لعلاج طلع 3 طبقات

- يلة ريمة فتحي حلگچ وبلعيها بسرعة

- ماريد واللـه تلعب نفسي مطيبة مرة
طعمة

- ميخالف چا شلون تصيرين زينة
خليها بسرعة وفوگها ماي وتزرگ

- حباب بَـس وحدة عادي ؟

- ـلا شلون ميصير خو لتاخذين أحسن

- حباب

- هههه مايصير يــگلبي أساساً هاي
مال لتهاب وهاي غير عن هاي يعني
وحدة متشبه لثانية فلازم كلهن يلة
غمضي وتخيليها حامض حلو وبلعيها
بسرعة

أخذتهن خليتهن بحلگي وفوگهن مي
وبلعتهن بسرعة بَـس هنة بسرعة يموعن
وطعمهن مر

ريم : مصطفى

- حيلة

- نورة شوكت تجي ؟

- باچر أن شاء الله

- شوكت باچر

- واللـه مادري بَـس أعتقد لصبح

- ليش متروح أنتة تجيبها

- چا شلون أعوفچ عادي أبن عمي يجيبها
ميخالف

- أذا نعسان نام عادي

- ـلا مانعسان خليني هنا ـلأن كلشوي
ترتفع حرارتچ

- أنتة شگد حنين

ضحك وسكتنة شفتة كلشوي يفرك
راسة وعيونة حمر

- شبيك ؟

أبتسم وگال ، مابية شي بَـس شوي
راسي

- لعد متاخذ علاج

هز راسة وگام فتح لجرار أخذ علاج
وضل واگف مدري شيسوي ، مديت أيدي
جوا لمخدة طلعت صورة هيثم باوعتلها
ببتسامة ومشيت أصبعي عليها جريت حسرة
لتفت مصطفى وضميتهة بسرعة