ليتني حجر
لا أحن الى أيُ شيء
فلا أمس يمضي ، ولا الغدُ يأتي
ولا حاضري يتقدم أو يتراجع
لاشيء يحدث لي .
لـ فاء .
----------------------------------------------------
.. أفتح لـ باب وأيدي ترجف خوف على توتر تمنيت ما يطلع شي بيها
دفعت لباب على كيف وأني أدخل للمخزن ضلمة هندس أكو شباك گبال لباب علي بطانية مخلي علمود ليدخل لضوة
دخلت وأني أسمع صوت أنين ولهوا بيها نسمة باردة زادت رجفتي ولخوف ملة گلبي رجعت متراجعة أكمل ما بديت بي
درت ونزيت من ون بصوت شبه عالي متألم لخوف سرة بكل جسمي نداريت ماشية أوخر لغطة من لشباك علمود يدخل ضوة ، مشيت كم خطوة ولباب نطبگ
صار هوا بلغرفة وصوت أنينة حيل وترني سرعت مشيتي بتجاه لشباك ، ضليت أتلمس لزمت قماش جريتة وگع ودخل ضوة خفيف من برا
گمت من مكاني وأني أحاول أشوف شموجود بلغرفة ؟
رحت أتلمس لحايط علمود أشغل لـ ضوة تلمست مكان لـ ضوة شغلتة شتغل ضوة من لـ نص حيل خفيف بَـس يبين وي لـ ضوة لجاي من لـ شباك
تراجعت بخطواتي شاهگة من لـ منضر لدشوفة ؟
ولد يطلع عمرة بداية لعشرينات هيچ گاعد ؏ لـ كرسي ومربط بحبل وحلگة مشدود رجفت شفتي ولدمع ملة عيني وأني أشوفة بهل حالة تقدم بتجاها أباوع لجسمة مليان أثار صاير خريطة ميبين من كثرة لـ جروح ولـ أثار لعلي ، وأكو جويات واضح أنها جديدة
ضليت مصتكة مكاني وأني حايرة شسوي رجعت لورا ودموعي على خدي لـ ولد فاقد ماشفت وجهة ـلأن ندنگ وصوت أنينة مسوي صدة بلغرفة
تقدمت علي خليت أيدي على جتفة أتلمس حرارتة چان جسمة بارد حيل حيل بارد رفع راسة باوعلي بنضرات متوسلة بچيت من نضراتة ضليت أدور على راس لحبل لمربط بي علمود أفتحة ألة ما لگيت عاكري ميت عكرة ضليت أدور ودموعي ما سكتن وهوا على فد ونة گطعة لگلبي وأني أشوفة هيــچ
رجعت لورا نردم ضهري بلحايط گعدت بزاوية لغرفة وأني مخلية أيدي على حلگي وأبچي بصمت
شوي ونفتح لباب دخل أبوي باوع علي ورجع وجه نضرة للولد وعيونة حمر ، ـلازم بيدة جفوف ماعرف شنو وشي دائري شلون لـ صحن ستيل بي جمر
أخذ كرسي سحبة وگعد گبال لـ ولد بدون ميحچي أي شي
أخذ سجين وضل يگلب بلجمر ولولد يباوعلة ويرجع يوجه نضرة ألي بخوف
أريد اصيطر على رجفتي وأگدر أگوم وأمنعة من لديسوي ما گدرت أتحرك جسمي نمل حسيت دمي جمد
بقيت على گعدتي وأيدي لمغطية حلگي ودموعي ليصبن
صفنت بعيون لولد وهوا يهز براسة ونضراتة لمتوسلة لمليانة خوف حسيتة يگول نقذيني
YOU ARE READING
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
