باعوك صفقة خشب
واحد يريدك درج
و واخد يريدك جسر
وثنينهن تنداس
#حروف_متناثرة
لـ فاء ،
*******************
ريم ::-
گمنة بسـرعة من لريوگ ركضنة للصالة
لگينة نور واگعة ولازمة بطنها ولدم ماخذ
مجرة شهگت وخليت أيدي على حلگي
ركضت للغرفة أجيبلها شي وعمة ومصطفى
نخبصو أخذتلها بشت وشال لبسها فوگ ملابسها
وشالها شمرة شمر شالها وركضت عمة أخذت
عبايتها ونور مستمرة تبچي
مصطفى : ريـم أبقي هنا قفلي عليـچ لباب
وديري بالچ على نفسچ
هزيت راسي وطلعو بسرعة ونور تعيط
راحو سديت لباب وضليت أدعي كون مابيها
شي رحت للمكان لواگعة بي مليان دم ومدري
شنو چبت منضفات نضفت لمكان وخليت معطر
وگعدت بلصالة أهز برجلي وخايفة أنتضرهم
مر ساعات وهمة ما أجو أخذت جهاز عمة
باقي بلبيت أتصلت على مصطفى ردت عمة
و هية تبچي
ريـم : ألـو ها عمة شنو شبيها
بدور : ولـچ چانت حامل وطرحت ـلأن
طاحت من فوگ
ريـم : يروحي سودة علي وهسة شنو
شلونهة ليش تأخرتو ؟
بدور : شلونهة يمة بَـس تبچي وبطنها
أموتتها
أجة صوت لممرضة يمها تحچي ترخصت
وسدت لجهاز وراحت ضليت گاعدة أنتضرهم
للضهر أجو ندگ لجرس وطفرت بسرعة
فتحتة ألهم دخل مصطفى وعمة لازمين
نور تمشي ولازمة بطنهة حضنتها وحضنتني
وبچت مصطفى رجع طلع يجيب غدة وعمة
تباوع ومبينة مقهورة
ريـم : يلة حبيبتي أهم شي سلامتچ أمشي
رتاحي بلغرفة
ساكتة أبد ما حچت وديتها للغرفة تمددت
وغطيتها طفيت لضوة وطلعت لعمة لگاعدة
بلصالة
بدور : ها يمة نامت
ريـم : أي ، شنو من شوكت حامل ؟
بدور : واللـه مادري يمة هذن لفاهيات كلشي
مايحچن ملصومات حتة لو نسألهن يديرن
وجهن ويرحن
شوي وأجة مصطفى جايب مندي گمت
أخذتة وحضرت وخليت لنور لوحدة رادت
بلغرفة صبيت بَـس لعمة ولمصطفى وأنـي
ضليت أتغدة وي نور وديتة ألهم بلصالة وگعدت
أباوع على لتلفزيون
مصطفى : يلة ريمة متجين تتغدين
ريـم : ماريـد أكل وي نور من تگعد
- براحتچ حبي ، تغدو وهمة ساكتين
گمت للغرفة لميت لجنطة وحضرت غراضي
كلهن وگعدت ألعب بلجهاز شوي وگعدت
نور گمت صبيتلنة غدا وتغدينة أنـي وياها
أنت تقرأ
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
