حروف متناثرة .

- 21 .

هدوء ، وإرهاق وعيون ناعسة ومزاجاً
لا أدري ماذا يريد وقليل من الصداع
وكثير من التفكير .

#حروف متناثرة

لـ فاء ،

:- أسمع صوتها وهية تگح بقوة دگيت
لباب مرة مرتين مترد فتحتة ودخلت نايمة
تقربت يمهة وجهة عرگان وأحمر خليت أيدي
مصخنة حيل ضربت على خدها بخفة

- ريم يابة ريم متگعدين

گعدت بسرعة لعبانة نفسها گومتهة للحمام
لبلغرفة گعدت وضلت تستفرغ وجهة مرة أحمر
ومرة أزرگ ، كملت وگومتهة ملابسي تبللن
وهية كذالك طلعت برا وغيرت ملابسها ورجعت
دخلت رادت تطيح تقربت لزمتهة

- لا أله الا الله أمشي نروح للمستشفى
خاف بيچ شي

مغمضة عيونهة وبَـس شفايفها تتحرك
تحچي حچي مامفهوم من بين حچيهة
تهمس بأسم هيثم

ريم : أحضني

باوعتلها مصدوم فتحت عيونها بخفة
بتعدت وفتحت أيدي

- أحضني هيثم مشتاقة لحضنك

تقربت مني لزمتني من ياختي وتحچي،
ليش عفتني ها ليش عفتني لوحدي أني
أخاف بدونك حيل أخاف خطفوني وأنتة
ما أجيت هيثم يردون ياخذوني

رفعت أيدي خلتهة على خصرها ،
.. هاي شبيك أحضني لا أصطرك

- يمعودة على بختچ ضمنت لروحي جهنم
أصيحلچ أمي تنام يمچ ؟

ختل توازنها ورادت تطيح لزمتها علمود
لا تطيح

- اللـه اللـه دمشي أخذچ للمستشفى

- ماريد مستشفى

أخذتها رجعتها بفراشها وغطيتها رجعت
شعرها ليورة غمضت عيونها ولبتسامة
على وجهة عفتها وطلعت وصلت للباب ورجعت
باوعتلها وطفيت لضوة وطلعت گلت من أجي
من لشغل أخذها للدكتور

رحت أنام بلوقت لبقالي رجعت وقتت
لمنبه علمود يدگ بـ 5 ونص

    *********************
ويم :-

گاعدين أني وعمة بلصالة گامت تشوف
لتمن ننتضر مصطفى يجي ونتغدة

بدور : گومي يمة بلغرفة تمددي من
يجي أصيحلچ

گمت من يمها ورحت للغرفة لگيت جهازي
يرن لمتصل رقم غريب ما فتحت خط توقعتة
حيدر ، رجع يتصل أكثر من مرة فتحت خط
أجاني صوت ضحك أكثر من شخص

هدء لصوت وحچت لوجين ويمهة أصوات
بنات خالتي يضحكن

لوجين : أش أش بسچن دحچي ، ألـو هلو
ريوووومة ، حچتها وجرت لـ و

ريم : هـلا ؟

- هههه ستمرت تضحك هية ولبنات غصت
بضحكتهة گحت وگالت ، سمعنة بيچ زوجچ
ساحلچ وخاينچ وأمي طاردتچ ههه منو ملفيچ
هسة أستغفرالله بنات أحنة ما نشمت مو