حروف متناثرة .

- 14 .

                            أختنگنة
             وچان مضموم لنفس بين لغراض
         ما گدرنة گبال أهلنة نطلع ألبوم لصور

                 #حروف_متناثرة
          
                        لـ فاء
           ......……………………………

مصطفى:-

گاعدين كلنة بديـوان بيت جدي لـ ساعة بـ 9 وأجة أتصال

- ـلا ، شوكت هاي ، الله يرحمة ، أي جايين جايين ، سد لـ أتصال وأحنة منتضرينة يحچي ولـ سؤال على وجهنة

- خير شصاير منو لمات ؟

- أبن مؤيـد هيثم لـ بلبصرة يگولون ميت گومو هسة خلنروحلهم خطية

- ـلا حول الله شلون مات ؟

- مادري والله يگولون كاتلينة نروح ونشوف ،

بيبي : چا أنة هم أروح وياكم

جدي : أي يلة گومو ، رحنة أنة وعمامي ولولد وبيبيتي ونسـوان عمي بَـس ثنين مرة قاسم وباسم

جهزنة كلشي وطلعنة صعدنة بلسيارة وحركنة مر لطريق وصفينة يـم محطة فولنة بانزين ونزلو للحمامات وكملنة لطريق ، طـول لطريق تفكيري بريم وشصاير بيها

وصلنة بعد وقت هواي ـلأن أزدحامات چان بداية لـ صبح صفينة لسيارة ناصبين چادر ولناس هواي وشرطة واگفين دخلن جوا لنـسوان وأحنة رحنة يم مؤيـد سلمنة علي عيونة حمر وگوة يحچي

رحنة أنة ولولد سلمنة على أخوانة زين واگف بلركن ويباوع ولثاني مخلي لچفية على وجهة حضناهم ورجعنة ساعدناهم بلفاتحة وغير من جابو لتابوت ويايابة لناس أجت عيني على ريم نايمة على تابوت وتبچي وجهة أحمر نكسر گـــلبي عليها وعلى حالها

شيعنة وأخذنا للنجف زورنا لـ أمام علي "؏ " و ودينا دفنا نزلت دموعي علي كملنة قرينالة لفاتحة ورحت جبت ماي لـ أبو ريم ـلأن تخربط وحالتة حالة غسلنالة ورحنة للسيارة رجعنة وشغل وحضرنة لـ أكل وأجو ناس هواي يعزونهم مر أول يوم بلفاتحة صار ليل وأنة بَـس أريد فراش وأنام لوجع يدگ بضلوعي

كملنة كلشي فرشلنة للولد رغم لتعب لتعبتة ولركض ما گدرت أنام ردت بَـس أسبح أحس بروحي وصـخ ، صحت على بنية صغيرة

- تعاي يبنية ، أجت يمي خليت أيدي على جتفهة

.. روحي صيحيلي أمي

- شنو أسمها ؟

- بَـس گولي وين أم مصطفى أبنها يريدها

- خوش

- عفية حبيبتي ، راحت تركض وأنة واگف أنتضرها شوي وأجت

- ها يمة ردتني ؟

- أي يمة فدوة لگلبــچ هدومي أريـد أسبح ،

راحت تجيب شوي وطلعت أخت ريم أعتقد شمس وبيدها ملابسي