زوجتي السمينة

#زوجتي_السمينة
حلقة 1
وصلوا للسوق
نزلوا البنات:
أكرم: شن نجاح نساعدك في النزول أو تقدري تنزلي
نجاح: 😡 نعرف ننزل بروحي مش جديدة عليه السيارة
أكرم: باهي قبل بنساعدك قلت بالك تحصل ماتقدرش تطلع
نجاح: لا شكرا ونزلت مع البنات وخشوا للمحل
صاحب المحل: شن يامدام تبي ملابس مناسبة بيان
نجاح: من قصدك مدام
صاحب المحل: أنتي يامدام
نجاح: 😡 تي شن تحسابني جايبة عشرة قدامك أنا تي هيا اطلعن قدامي ناس معاد تتحشم
أكرم: كان واقف قدام المحل وميت ضحك عليها 😂

إبتهال: تي غير خيرك ضربتي في الولد ماقالك شي هو
نجاح: إبتهال اسكتي خير مانبدأ فيك وخلي هاليوم يمشي
إبتهال: باهي سكتت
أكرم: تي غير روقي شوية عنده الحق يشوف في دجاجة وشواشيوها قدامه يحسابه بناتك وين يعلم بيك وليشبحك تقول مخلفة 10
نجاح: ربي يجيبك ياطولة البال لمعلومتك الكلام هذا مش ليك ياسلمك فالح
أكرم: والله تحمست المهم هيا مشي

مشي للمحل الثاني:
نجاح: تفتح الباب قريب ماقلعاته الولد: ماعاد قدر يتكلم شكله خايفها تنقز عليه لأن قارنة حواجبها يالطيف
المرة هدي خش معاهم أكرم عجبه الجو وفاته الجو لفي المحل الأول مايبيش يفوت شي ويزيد يحرق نجاح

مشوا البنات كل وحدة على حالها والدور
أكرم: تي شن يانجوحة ابسطيلنا هالوجه ودوريلك حاجة معاهن
نجاح: ماليكش دخل أنت بيا
أكرم :😏 الحق مش فيك في لينصح فيك
نجاح: تبي تنصحني أنصح روحك قبل وتعرف منظرك زي الهبل ماتحساب روحك تنكت راه
أكرم: يالطيف شن هالفانص هدي
نجاح :شن يابنات خديتوا حاجة
نسرين أنا نبي هدا ومازال نبي ونبي ...
نجاح :هذا كله شن تحسابيني قاعدة على بنك روما خودي المهم واطلعي
أكرم :تعالي يانسرين اختاري شن تبي وأنا نشريلك
نجاح: طياح السعد تي كان تحسب حقهم تروح مجلوط
اكرم: عادي أنتي مادخلكش ألهي في روحك هدي الصغيرونة ودلوعة أكرم
نجاح: ان شاء الله الطلعلك عيونك كانك عليه أنا
مشت نسرين مع أكرم الدور على تبيه وحطهم بيخلصهم
صاحب المحل: هذا سعرهم بـ250
أكرم: تي شن خديت أنا حتي يطلع بالسعر هذا
صاحب المحل: والله هذي بضاعة تركية غالية واخدها
أكرم: والله وكان نحسب لفي الدولاب كلهم مايطلعوا 250 اضرب ياعمك أكرم وتشبح فيه نجاح وهو يشبحلهم بقهرة 😂😂😂😂 يستاهل جت من وكلاته السم

نجاح: هيا لبتخلص وهيا بنطلعوا نشوفوا غيره خير ماواقفين
نوال: تعرفوا والله بضاعته غالية شن هذا
فاطمة: قالك بضاعة تركية طيح سعده حتى البقرة يصدروا فيها من تركيا
ريناد :ههههههه قوية هذي
نجاح: هيا ساد مشن
كملن وطلعن

مشوا للمحل لبعده ولبعده
خشت نجاح ومعاها الفيلق متاعها منظرهم عنجد دجاجة وكتاكيتها 😂😂🐥🐥🐥🐥🐓
وصاحب المحل: فتح عالأغنية دخل الفيل ويموت ضحك مع الموقف لصار معاد قدر يقاوم شرب امية لعند ماطلع بره
فاطمة: خيره هذا
نجاح: 😡 يضحك عالأغنية طيح سعده تقول جديده عليه
إبتهال :تعالي نجوحة القيتلك قفطان يهبل
نجاح: 😍😍 وينه
إبتهال: هوا مطلعتلها قفطان امتاع مواليد
نجاح: خزي علي وجهك ناقصة تمسخيرك هو توا 😠
إبتهال: تي غير روقي شوية والله القيتلك قفطان غير وسعي بالك امشي ألبسيه
خشت نجاح: تقيس فيه
مايسمعن إلا في صوتها تنادي تعالن ياحيوانات طلعن القفطان خش ماعاد طلع 😂😂
خشت نوال وريناد يطلعن في القفطان لحصل فيها
بعد جهد جهيد وقطع معاليق طلع ومانحكيلكمش على منظر نجاح ومنظر البنات لميتات ضحك وبس 😂
نجاح: وقت ضحكن هو اهيا أمي تتصل أبصر شن تبي توا
سعاد: وينكن شن كملتن
نجاح: ايه مروحين في شارعنا توا
سعاد: شن حصلتي قفطان
نجاح: بالله كان عندك فاضل قطعة رداء من حيات جداي طلعيهلي بنخيطه قفاطين باصمة نتبرد فيهم في هالصيف
سعاد: والله الباين ماخديتي حاجة المهم هيا مع السلامة
نجاح: بالسلامة مافيش حد يقولك حاجة فيها تفاؤل بكل التشاؤم وخوه
إكرام: ماعليشي ماعندكش أحجام كبيرة
صاحب المحل :أشر على نجاح زي هدي لالا
نجاح: حمقت تي مافي حد سألك ولايبي بضاعتكم لمعفنة هيا اطلعن شن دخلني فيه أنا بكل
صاحب المحل: لاحول ولا قوة إلا بالله تي شن هالناس تو قلتلها خشي للمحل أو خودي من العفن لعندي

إبتهال: تي خيرك طحتي في الولد تهزيب
نجاح: تي ماشفتيشي كيف يأشر عليه تي شن يحساب روحه يوكل فيا من معاش بوه
أكرم: باهي ساد فضحتونا مشن وانتن والله ماعندكن كان لقلق حاجة
نوال: باهي خلاص سكتنا
أكرم :تعرفي يانجوحة
نجاح: نجوحة طياح سعدك
أكرم: تي افرديها خلاص والله نحكي معاك جديات عندي ليك محل اشري وارفعي
إكرام: قول والله
أكرم: شن حرك شعيرك أنتي مانحكيش معاك
نجاح: عارفة أنت مش مصدقاتك ونبي نروح للحوش طول ماعاد نبي شي
أكرم: أنتن أقعدن هنا في السيارة وأنتي هيا نجاح أمشي معاي
نجاح: يابنات ماتسيبنيش معاه بروحي نتوقع منه يقتلني
أكرم: ليسمعك يموت بروحه طول في عرض وبنقتلك تي أنا لتقتليني مش أنا الحق فيا لبندورلك هيا اركبي بنروحوا
نجاح :باهي وينه المحل هو
اكرم: في آخر الشارع
نجاح: باهي هيا مشي بس بشرط نبي شوكولاتة
أكرم :محماطة تمحمطك مش شوكولاتة تي هذا لزايدك هو مشي قدامي وماذوقي حاجة
نجاح: باهي 😔😥
خشوا للمحل للأحجام الكبيرة
أكرم: هيا خشي
خشت نجاح قعدت واقفة وتشوف بس
أكرم: والله عليك حصلة وحصلت فيها تي كان مش روحت بيهم وخلاص هيا اختاري
نجاح :مانبيش 😑
أكرم: قعد هو ليدورلها في آخر مقاس عندهم باهي غير قولي كم مقاسك مانبي تختاري ووووووك عليه
أكرم: هاك هدوما خشي قيسيهم
نجاح خشت تقيس وقاستهم كلهم وطلعت
أكرم: ها شن جو عليك
نجاح: لا
أكرم: 🤯🤯😡😡شن ماجوش هدي مازال تبي أكبر
نجاح: هههههههه تي لا جو عليه كلهم
أكرم: وآخيرا وشن خديتي
نجاح: نبيهم كلهم
أكرم :باهي المهم هيا مشي نخلصهم
نجاح: هاك الفلوس وين ماشي

وطلعوا من المحل ونجاح طايرة من الفرحة لروحت معبية وشاريه كل لخاطرها فيه وعلي دوق أكرم معاها أضرب هيْ

وصلوا للسيارة
البنات كلهم في كلمة وحدة: شن شريتي
نجاح: في الحوش نوريهلكن
نوال: والله يأكرم صح على يدك تي وين القيت مقاسها وبالسرعة هدي
أكرم :تي خطير أنا مش تعرفي ولد عمك بس قداش يعرف
نجاح: باهي ساد ياعبد الواثق
فاطمة: رجعوا لعراكهم كيف قلنا اهو وآخيرا تفاهموا
نجاح: لدماغه زي أكرم ماعمرك تتفاهمي معاه

روحوا وصلوا للحوش وكل البنات كانن يراجن شن الحاجات لشرتهن نجاح يستنوا غير أمتى يوصلن

وصلوا عالعشاء وكان يوم طويل
خيرية: شن شريتي يانجاح
نجاح: ايه شريت 😍
خيرية: باهي مبارك تبيدي بالهناء
نجاح: سلمك ياعمتي
خيرية: هاتي بنشوفهم
نجاح: عند البنات استلمنهن أول ماوصلنا
خيرية: ههههههههه ومايصدقن هنا وين ماشية أنتي
نجاح: ماشية للحوش بندوش وبنجي
خيرية: باهي ماتعطليش عالعشاء
نجاح: باهي تمام ياعمتي

بعد ماوصلت للحوش لاقتها أمها
سعاد: شن أكيد ماحصلتي شي هنا طلعتلك رداوات جداك كان بتخيطيهن طيح سعدك
نجاح: باهي خليهم تو نرفعهم غدوا
سعاد: طلعت مشت للحوش عزوزتها
سعاد: شن تشوفن
نوال: نشوفوا في حوايج نجاح
سعاد: قعمزت عمتك سعاد ترا ورولي حتى أنا بنشوف 🤗😍

وجتهم نجاح
ريناد :هيا يانجاح توا نبوك تلبسي كل وحدة وتوريهلنا بنشوفوها عليك
نجاح :باهي بعد مانتعشى ميته من الجوع
إكرام :البطن أهم خليها تتعشى قبل
بعد ماتعشوا وخشت نجاح تلبس وتطلعلهم مدايراته زي عرض الأزياء واحد وراء الثاني 💃💃💃💃
سعاد: تي وين طحتوا فيه المحل هدا
نوال: هذا يأمي القاه أكرم
سعاد :وين مكانه
نوال: مشي هو ونجاح بس
سعاد: باهي ربي يخليه ويفرحه ان شاء الله
كملوا هدرزة وكل واحد انبطح وارقد
.
.
.
Aml Mohalhel
يتبع ...