زوجتي السمينة

#زوجتي السمينة
حلقة 7

نجاح: أنا أنا نبي نفكر ونردلك
أكرم: مافيهاش تفكير عشان خاطري بس نبي نكون قدام فاطمة أو قدام الكل إنه نحن حبينا بعض
نجاح :وباه وبعدين نهاية الحلقة وهذا كله شن هو
أكرم :أكيد يعني ماتفكري أني حنحبك جد يعني نقهرها وبعدها كل واحد في طريق تلاقي نصيبك وأنا بنصيبي
نجاح :اها هكي هو باهي تمام موافقة ومشت من بجنبه
أكرم :وين ماشية
نجاح: نعست بنرقد غدوا ورانا يوم طويل ماتنساش راهوا عندنا عرس
أكرم: والله نسيته بكل باهي تصبحي على خير
نجاح مشت للدار وحطت راسها عالوسادة وتفكر بلي صار
نجاح :قداش غبية تسألي في اسئلة زي وجهك أكرم مش ليك ولا حيكون ليك والمفروض مامشيتيش طول هكي يحساب أني نحبه جد وااااااك عمايل ندير فيهم مايديرهم واحد كان الغبي لمايفكرش قبل مايدير شي
لكن ياربي أنا طلبت منك واحد يحبني يشبه أكرم وأنور مش يحبني أكرم وحب تمثيل ياربي إن كان هذا بلاء لي فابعده عني وإن كان خيرا فهو خير
تي أنا شن نقول خير ليا وهو يقولي ماتحلميش نحبك وااااااك الليلة هذي طويلة شن بيفوتها أحسن شي نمشي نشوف الأجواء برا اختنقت هنا
طلعت تسمع في حد يبكي متحسرة تبي تعرف مني هذا والدنيا ظلام وكأنه في أفلام رعب تمشي على رؤوس أصابعها وبشوي  بشوي
فتحت الدار القت فاطمة تبكي بدموعها
نجاح: قعمزت بجنبها خيرك يافاطمة ليش تبكي
فاطمة: نجاح نبكي من الحسرة والله نبكي قلبي بنموت
نجاح: تستاهلي تلعبي على من ... اها خيرك شن فيه من مات 🙂
فاطمة :ياريته مات ولا سمعت الخبر هذا كله
نجاح :أمك هنا تسمعنا نوضي في الصالة.واحكيلي
فاطمة :باهي هيا

طلعوا للصالة
نجاح :قعمزت ايه هيا احكيلي
فاطمة :أنا نحب واحد وهو كان على أساس يحبني ودرت كل شي على خاطره من الاخير لو طلب روحي عطيتهاله يطلب مني في الفلوس نعطي فيه ويقولي نبي نكمل بيهم الشقة ومش بعد نكمل نجي نخطبك على طول وأنا الغبية مصدقاته
نجاح :ايه فعلا غبية كيف تعطيه فلوس ومافيش أي شي رسمي أصلا لحتى مضمون وبعدين نعرفك لا عندك معاش ولا تاخدي في فلوس وبوك ان شاء الله يصرف عليكم من وينلك الفلوس هادم لدرجة بيكمل بيهم شقة يعني هلبا
فاطمة: هذي الكارثة الثانية نكلم في أولاد وناخد منهم في الفلوس وهما الحق يعطوا فيا ويجيبولي فيهم كاملات لكن ياحسرة بعد شني توا قالي ماعاد نبيك خديت المطلوب وبنخطب بنت تختارهالي أمي تخيلي يانجاح بعد درت عشانه كل شي كل شي
نجاح :تعرفي ليش صار معاك هذا كله
فاطمة: مسحت دموعها ليش
نجاح: لأنك لعبتي بقلوب غيرك القيتي من يلعب بيك مش معقولة هدا لصار معاك أنتي دمرتيه بيدك لأنه هو مايستاهل الديري على شانه هذا كله وتوا شوفي لروحك كيف مدمرة
فاطمة: مازال فيه عندي ورقة رابحة ماخسرت شي وماربحت شي
نجاح: جي في بالها طول أكرم ... من هي الورقة الرابحة
فاطمة: ولد خالي أكرم قداش ليا نكلم فيه غدوا حنعترفله بحبي ليه ويتزوجني وخلاص ينتهني كل شي قبل مايبدأ
نجاح: تحلمي شكلك قصدي من قالك هو يحبك
فاطمة: تو تشوفي أنت تفرجي واسكتي لو ماخليته يتزوجني خلال شهر بس نكون مرته ونخليه زي الأصبع في يدي هو عيلة خالي كلها من هي إكرام لتكذب عليه وتقولي خوي يرقد مع عمي يوسف وشوية شفته طالع من الدار كان راقد
نجاح :هو الصراحة فعلا يرقد مع عمي يوسف بس جت صدفة انه هو في الحوش في الأخير حوش اهله يرقد فيه زي مايبي
فاطمة: ايه أنتي هذا لفالحة فيه عاد عيونك اكرام وابتهال أنا نايضة بنرقد ومشت فرحانة قريب الطير
نجاح :قعدت جامدة في مكانها هذي مازال تحلم بخيالها الواسع كنت مش مقتنعة بحب التمثيل لأكرم بس توا موافقة وبقوة