زوجتي السمينة

#زوجتي_السمينة
حلقة 18

عند المغرب وصلوا أهل العريس
وبعد شوي وصلت نجاح وكانت طالعة تجنن تحفة
فاطمة: جت قبلها بشوي شرطت على ليلى يرفعوها للمزين على أساس طيح سعدها المهم وكان باين عليها الارهاق وقلة الراحة

بعد العشاء لبسوا نجاح الدبلة 💍 والتعليقة ...
كان في حديث يدار بين فاطمة وأمها
خيرية: كيف حالك يافاطمة
فاطمة: بنموت مش متريحة بكل
خيرية: حتى لو هذا راجلك وولد خالك في الأخير وبعدين أول ماسمعتي أنه خطبك قولي يأرض اشتدي ماحد قدي طايرة من الفرح هذا نتيجته
فاطمة :أمي هذا بدل ماتواسيني
خيرية: نوضي ساعديهم
فاطمة :أنا تعبانة نوقف نطيح
خيرية: أكيد ماتكونيش حامل 🙄
فاطمة :😳 حمل شني يأمي مازال النوض أحسنلي

مشت فاطمة عالمطبخ على أساس تعاون وهي مشت تاكل وعبت بطنها جيعانة بتموت
إبتهال: غير بشوية عليك فاطمة ليشوفك تقول أسبوع مش ذايقة نعمة
فاطمة: خليني في حالي
إكرام: ليكون ماطيبيش ربي يعينك ياخوي على هالحصلة لحصلت فيها
فاطمة تشبحلها يعيني أنا عليه مش نعينه
نوال :هيا فوتوها امشن مدن الشاهي وأنتن طحتن فيها صحتين
فاطمة: القت من جي ونقدها من لساناتهن الله يسلمك

روحوا أهل العريس والعرس كان الشهر الجاي
ونص المعازيم روحوا قاعدة فاطمة وعيلة عمامها بس
فاطمة :عمتي كلميلي أنور نبي نروح
نجاح: هيي وين راجلك
ليلى: شبحتلها نظرة تتمنى روحك تموت في لحظتها ... طالع خدمة
نجاح: في خاطرها ربي يعينك يأنور عالكلوط لمتحملها
أنور :إكرام قوليلها هيا وانا 24 ساعة حاصل فيكم تي شن الحالة هذي ماهو ناقصني أنا وناقص نتحمل البلاوي كلهن
فاطمة: طلعت وروح بيها أنور
وروحوا كلهم
نجاح: خشت تبدل وتمسح في مكياجها سمعت صوت رسالة شافتها القتها من أكرم :(مبارك عليك تتهني ان شاء الله)
نجاح: بعد ماقرتها حست كأنه دارت شي غلط أو مش معروف إحساس متلخبط وقاعدة بين نارين بين شخص يحبها ومتزوج وبين شخص ماتعرف عنه غير اسمه وخاطبها

بعتلها رسالة ثانية: (عارف أنك شفتيها ومش حتردي عليه وعارف أنه ماعاد عندي ليا الحق نكلمك بس أعرفي انه أنا قاعد أكرم نفسه وليحبك ومش حيتغير هذا الشي ولو بعد خمسين سنة سلام )
نجاح: في خاطرها والله يأكرم ماعاد عندي ماندير خلاص شفت نصيبك وشفت نصيبي وكل واحد يعيش حياته بس خاطري نعرف حاجة وحدة شن لغيرك بس وفجأة خطبتها وتزوجتها في أسبوعين بس كانت مرتك بعد تدكرت كلام فاطمة لقالتلها خلال شهر بس نخليه خطيبي ومتزوجني تي والله ماعاد فهمت شي خشيت في دوامة بجد

في اليوم الثاني:
أكرم روح الصبح للحوش
أكرم: أنتي اليوم مانبيش نشوف وجهك نحبسي في خربتك وريحيني من بلاك
فاطمة: حتى أنا ماشية مش ناقصني حد عنده انفصام شخصية زيك نتعارك معاه
أكرم: 😡 كان شايطة فيه النار شدها من شعرها ونزل فيها ضرب من عنده انفصام شخصية ياحقيرة آه
فاطمة :ياحيوان سيبني في حالي ماسدش معذبني ومش مخليني لاطلعة ولاخشة
أكرم: سيبها ووقف والله الله أحسبيها شهر من اليوم لو ماكشفتك وفي المستقبل يعرفوا اسمك بس وأنا قلتلك انتلفي من وجهي خير مانبتلي فيك
فاطمة: خشت للدار شن هالمعيشة هذي لكيفي متزوجة ليها أسبوع عايشة على كفوف الراحة غير شن تبي
أكرم: ماعاجبك ماحد قالك اقعدي لأنه بقعادك هذا تقربي في نهايتك ليوم نفصل فيك انتي وخلقتك السودة المغبرة من يوم شفت وجهك ماريت يوم أبيض وأنا في الأيام السود
فات اليوم وكل واحد مندمر في الدار الاثنين
عند نجاح :بس نبي نعرف شن السر وراء تغير مرت عمي بس لو نعرف شن هو لتكون في حد محرضها عليه وأنا مانعلمش 🤔😞