زوجتي السمينة

زوجتي السمينة
حلقة 6

في اليوم التالي:
الحوش كئيب والجو مش زي العادة قبل مقالب أكرم ونجاح معبية الحوش

ناضت نجاح وطلعت للمطبخ
نجاح: والله ماعندي خلوق ندير حاجة اليوم والجو مش تمام ونبي نبكي ونعيط وكأنه المصيبة صايرة معاي واااااك
ناضت سعاد
سعاد :تي خير دعوتك وكأنه تهدرزي مع حد
نجاح: نهدرز مع روحي خيرها ماناقصها شي لحتى مانهدرزش معاها
سعاد: هدرزي هدرزي ياحنة لغدوا ماتكملي أنتي دوتك طويلة وين عمتك
نجاح: يمكن قاعدة راقدة وين الفرخة نسرين
سعاد: قاعدة راقدة في الحوش
نجاح: اها باهي أنا طالعة
سعاد: وين ماشية
نجاح: بنمشي للحوش بنغير حوايجي
سعاد: اها باهي ماشية معاك بما انه مافيش حد ناض هنا
نجاح: وهيا مشي

مشت نجاح غيرت وطلعت لحوش جدها
نجاح: تي لازم نطمن على وضع فاطمة ونستفسر من لكان تحب فيه تو يانجاح ياغبية ليش مافكرتيش فيها من وين سمعتي بالقصة من الأول لكن شن بندير غبية الله غالب عليه وااااك لكن اليوم لازم نراقبها ونراقب تحركاتها لكن كيف مافكرت فيها خليها نفكر فيها بعدين ماعارفة دماغي يشتغل بوقت الشغل بس ايه هيا للعمل
طلعت للمطبخ حطت الشاي ومشت للوين ماراقدين الأولاد
دقت عليهم طلعلها يوسف عمها
يوسف: مافي حد هنا أنور في الحوش وأكرم ناض الصبح بكري
نجاح: 😁😁 يي لا أنا جااية نقوللكم هيا للفطور كلكم ماندور في أنور وأكرم
يوسف: فوتيها على واحد ثاني مش على عمك لعارفكم من وين كنتوا صغار
نجاح: لا جيت نشوف أكرم أمس كان مش تمام
يوسف: اها ايه لأنه أمس مارقدش طول الليل والصبح أول ماطلع طلع من هنا
نجاح: ايه فهمت تمام سلام
يوسف: شن صار في الفطور
نجاح: بعدين بعدين
يوسف: قوليلي من الأول هكي تبي معلومات مني 😠
نجاح: عادي عادي سلم عمي الحلو فوتها 😉😉

نجاح: قعدت تتصل بأكرم وهو مايردش عليها

عند أكرم كان واقف بجنب سيارته عالبحر وحاط التلفون صامت وفي السيارة
مشي نهار نجاح نستنى في أكرم يروح للحوش وتتصل بيه مايردش عليها من كثر نشغلت عليه نست قصة فاطمة وحبيبها المجهول
نجاح :أنور أنور تعال نبيك
أنور :ها شني يانجاح
نجاح: تعرف أكرم وين من الصبح ماهناش ومايردش عالتلفون
أنور: حتى أنا من بكري نتصل بيه ومايردش ودورت عليه عند أصحابه حتى هما يدوروا عليه ومايعلموش بيه
نجاح: وين مشي هذا
أنور: لعند مايروح نعرفوا وينه توا امشي للحوش جايين ناس ليوسف

نجاح: باهي تمام بعدين لو جي قولي اليوم بطوله ندور عليه
.
.
.
أكرم: ناض فتح عيونه الصبح كان راقد بالسيارة وقاعد عالبحر وشاف للتلفون والقي اصالات من أنور ونجاح وغيرهم وغيرهم
أكرم: أكيد أمس كانوا يدوروا عليه وااااااك ولع السيارة وروح للحوش
خش للسور القي أمه مقعمزة برا وشبه راقدة أول ماسمعت صوت السيارة ناضت
ليلى ناضت تجري لولدها
ليلى: وينك ياولدي من أمس البارح مارقدت طول الليل نستنى فيك تروح معقولة الدير فيا هكي
أكرم: آسف يأمي بس لأني كنت مضايق ورقدت عند صاحبي البارح وتلفوني نطفي الشحن ماقدرتش نكلمكم
ليلى: آسفك اصرفه على حد ثاني مش على أمك يافالح أمس قلبي يرفع ويجيب قلت بلكي خطفوه وبالك صايرتله حاجة مش كويسة ومرات نطمن في روحي ونقول انه عند أصحابه وكل شوي نكلم أنور ويقولي لا كلمني وماصدقتاش
أكرم :ضمها أمي أنتي الغالية بس آخر مرة آسف آسف لأنه خليتك تقلقي عليه 😥
ليلى: باهي خش أرقد واضح أنك مرهق ومش راقد كويس وبعدها نديرلك حاجة تحبها
أكرم: شن هي 😍😍
ليلى: مفاجأة
خش للحوش
مشت ليلى للحوش الثاني
ليلى: صباح الخير
الكل: صباح النور
ليلى: وينكن إكرام وإبتهال شكلكن حولتن هنايا
إبتهال: الحوش ممل مش زي هنا توا مازال أسبوع ويرجع الملل من جديد
إكرام: ايه خلينا باقي لعند يكمل العرس ونروحوا
ليلى: ماقلت شي حتى لو تقعدن هنايا ماعاد تروحن بس امشن ضمن الدنيا وأنتن ماعاد روحتن بكل للحوش
خيرية: ايه يابنات امشن بعد الفطور ضمن دنيتكن وبعدها تعالن عادي هذا كله موجود في كل حوش
نجاح: عادي بعدين نمشي معاكن نضموا ونجوا هنا
فاطمة: حتى أنا بنمشي
نجاح: شبحتلها على جنب بنضموا مش بنديروا حفلة راهوا
فاطمة :ايه وعادي حتى أنا بنمشي بنضم
ليلى :عادي أمشن حوش حوشكن المهم ضمنه 😉
نجاح :ماتاكليش هم ساعة وتلقي كل شي في مكانه
ليلى :عارفة مادام أنتي معاهن أنا مطمنة عليهن يكملنه
نجاح: ايه 😂😂
بعد مافطروا كل البنات مشوا لحوش علي ولهو حوش أهل أكرم
نجاح: ديما القائدة زي كل مرة.
نجاح: يلا كل اتنين الدير حاجة فاطمة: وإكرام للحمامات (حشاكن)  وريناد وندى للمطبخ وابتهال ونوال للدبش عالغسالة وأنا وسهى للديار يلا كل وحدة في خدمتها ولتكمل تطلع للجنان تمسح