زوجتي السمينة

#زوجتي السمينة
حلقة 9

بعد ماروحوا الناس أنور جاب السفرة لكانت برا القي ريناد قدامه
أنور :ريناد أنا نبي نعرف شن صاير
ريناد: أعرف روحك شن مداير وخشت سيباته
أنور :ياودي حد يفهمني أنا شن مداير ياناس
نجاح جت
نجاح: أنور تبي حاجة
أنور :نبي نعرف أنا اليوم درت حاجة غلط
نجاح: مافهمتش
أنور: ريناد بكري كلمتني وقالتلي أنسى كل شي بينا وتوا قالتلي تعرف روحك شن مداير وراسك يانجاح من يوم حبيتها ماكلمت بنت ولا فكرت نشوف بنتها ولو تبي نحلفلك والله مانعلمش شن صاير معاها لأنه أنتي الوحيدة لتعلمي بكل شي هدا ليش خبرتك أنتي
نجاح: تمام نشوفها ونفهم منها وبعدها نقولك
أنور: بالله عليك ماتعطليش عليه راكبة فيا نار من العشية

نجاح خشت للحوش
نجاح: ريناد تعالي نبيك
ريناد: بلا نية ها نجاح شن فيه
نجاح: توا كلمني أنور قالي اليوم أنتي زعلانة منه شن صاير بيناتكم
ريناد: على أساس ماتعلميش أنتي وياه خليني في همي بالله عليك
نجاح: شن هو لمانعلمش بيه أنا مافهمت شي
ريناد: لفهمته انه أنور بيخطبك فهمتي توا
نجاح: من قالهلك
ريناد: إكرام سمعتها تتكلم مع أختي فاطمة
نجاح: ياريناد فهميني شن صار أكيد تمزح معاها معقولة ماتصدقيش أنور تصدقي الهبلة إكرام
ريناد: نبي حد يفهمني شن قصة مستحيل نكلمه لعند مانفهم كل شي
نجاح: بس حرام عليك معقولة تخليه زعلان اليوم وتوا نمشي نفهم من المهبولة إكرام ونجيك
ريناد: تمام

نجاح :سهى وين إكرام
سهى: في حوشهم مش قالت نبدل ونجي
نجاح: تمام تو نمشيلها
مشت نجاح لحوش عمها
دقت الباب فتحلها أنور
أنور: شن صار نجاح
نجاح: طلعت أختك إكرام أبصر شن مخلطة في الكلام وسمعتها ريناد وزعلت
أنور: والله لنمشي نقتلها الفرخة هذي اليوم جابت آخرتي
نجاح: كل شي إلا إكرام مستحيل نخليك تقتلها ايوا
أنور :هههههههه أكيد مش حنقتلها ماتخافي
نجاح: اها باهي طمنتني وسعلي بنخش
أنور :أنا آسف ماقتلتلك تفضلي
نجاح: أصلا أنا بنخش حتى من غير إذنك
أنور: عارف وعادي الحوش حوشك

نجاح: إكراااااااام 😡
إكرام: جت واقفة من قوة الصوت ها خيرني نجاح
نجاح :شن ناشرة من إشاعة اليوم
إكرام: ماقلت شي أنا
نجاح: شن قلتي لفاطمة العشية
إكرام: اها القصة هذيكا كنت نقهر فيها قالتلي يجيك يوم تبوسي ايديا ورجليا قلتلها نخطبوا نجاح لأكرم قالت أكرم ليا أنا قلتلها لو الطر الأمر نخطبها حتى. لأنور عادي
نجاح: تمام فهمت امشي ندمري كان بترقدي ماصاحبة المشاكل كان أنتي
إكرام: خيره شن فيه باهي قلتها من وين سمعتيها أنتي
نجاح: قالهلي بوك ياقردة مش تعرفي لمن وصلت مرة ثانية ماعاد تقولي شي
إكرام: بوي جت عادية ديما نقول فيها قدامه
نجاح: إكرام ساد كذب حطي عيني في عينك
إكرام: نبصر والله يقتلني حي عليه امشي كان سألكم عليه قولوله رقدت أو حتى ماتت عادي
نجاح: باهي تو نقوله انتحرت وماتت
إكرام: خزي هذا بكري قلت لفاطمة انه مستحيل نجاح تنتحر وتوا تقولي تو نقوله انتحرت باهي ماينفع فيك الخير
نجاح: باهي امشي معاي مش حيكلمك لما يلقاك معاي
إكرام: حقا كيف عرفتي
نجاح: لأنه خوتك بيقتلوك
إكرام :وْلي وليش بيقتلوني 😰
نجاح: لأنه حتى هما سمعوا بكذبتك العوجة
إكرام: لا امالا ماعاد صارلي طلوع مازال نبي نعيش 😧😱
نجاح: انتي عارفة أنا وخوتك أصدقاء فلهذاد مش حيكلموك امشي معاي وأنتي ساكتة
إكرام: باهي خليني نلبس عباية وخمار يحسابوني جاية مراة
نجاح: ههههههه باهي امشي ألبسي عليك وحدة مهبولة
إكرام :طلعت ولابسة العباية والخمار وطلعوا من الحوش
إكرام: نجاح راقبي إدا مافي حد من القاتلين لحتى مايلحقوني
نجاح: شكله مأثرة عليك أفلام الاكشن هلبا قاتلين ويلحقوك وجو
إكرام: ساد من دوتك خليني مركزة
وصلوا للحوش
نجاح: هيا بنات للنوم اليوم مافيش سهر غدوا ورانا يوم طويل من أوله لا آخره
نسرين: نجاح بس أنا مش جايني نوم
نجاح: أنتي يافصعونة مانلقاكش 5دقائق راقدة بنجيبلك الكلب ياكلك
نسرين: 😏أصلا مانخافش منه الكلب
نجاح: البلي فيه جيل توا زمان كنا نخافوا حتى من صوت الريح المهم من شن تخافي امالا ياحلوة
نسرين: تعالي نقولهلك في وذنك
نجاح: ومن من خايفة يسمعك
نسرين: خايفة من أكرم يسمعني
نجاح: وليش خايفة منه وعادي وكان سمعك
نسرين: لما يسمعني خايفة من الغول يحسابني مازلت الصغيرونة
نجاح: ربي يجيبك ياطولة البال وكان سمعك شن بيصير يعني
نسرين: ماهو بعدين لما نتزوجوا أنا وياه يقول تو نجيبلك الغول وبعدها نديرها تحتي بعدين تقعد حشمة قدامه
نجاح: قعمزت ووووه أنا لصغيرة مش أنتي طياح سعدي تو نمشي نخبره أنا باهي والغول وراك ووووووووووه
نسرين: جت تجري لنجاح وقعدت تبكي 😭😭
نجاح: تعرفي نسرين انه أكرم وراك توا قصدي زوجك المستقبلي
نسرين: ناضت هيي وينه وينه
نجاح: نوضي ارقدي مرقد الدجاج
نسرين :سكرتلها فمها 🤫 اسكتي عن يسمعك
نجاح :باهي اسكتت امشي ... عليك وحدة مهبولة