#زوجتي السمينة
حلقة 10
بعد ماروحت نجاح من نعيمة السحارة قصدي الحلوانية
وصلت نجاح ولعوا أغاني وقعدوا يغنن ويرقصن مع المنظومة ومع كل مرة جاي حد من العيلة لتكتمل جمعتهم 💃💃🎶🎶🎼🎼
العصر
كان الرجالة ملتمين ليقروا الفاتحة يوسف ووفاء خطيبة يوسف
بعد نص ساعة نقرت الفاتحة
داخل بدت يغنوا والدربوكة ...
بعدها تقديم المأكولات والمشروبات
كملوا المغرب
سعاد: هيا هيا للمطبخ ساد
نجاح: استنوني نكمل الطرف مشت نجاح وحاطة طرفين في كل جيب وواحد في يدها وواحد في فمها
طلعت للمطبخ لبرا
كان أكرم وأنور جايين يستطلعوا عالعشاء مازال أو لا
أكرم :شد نجاح تي وين ماشية بيه هذا
نجاح: وفمها معبي شن هو لماشية بيه
أكرم: لحاطاته في فمك ولمعبية بيه جيوبك
نجاح: تي وين عرفت انه حاطة في جيوبي
أكرم: على أساس مش باينات انه حاشيتهن 😂😂
نجاح: ههههههههه مازال جعانة ونبي ناكل وطلعوني خديتهم معاي
أكرم :لا باين عليك جعانة لعند وجهك كله معبي خودي منديل وامسحي وكأنه صغيرة وقاعدة تتعلم كيف تاكل 😂😂
نجاح: توا أنا صغيرة قدامك
أكرم: لا صغيرة لاسو طول وعرض قدامي
نجاح: كان مش عاجبك وبعدين خيرك جاي هنا
أكرم: جيت بنسأل عالعشاء
نجاح: العشاء بتسأل عليها أو جاي بتشوف ست الحسن فاطمة
أكرم: نجاح مش ناقصك راه
نجاح: باهي خلاص تلفتت وراها هوينا جاياتك ياحنة سلامات نشوفك بعدين
أكرم: ههههههه ربي يجيبك ياطولة البال حتى أنا طالع
جت فاطمة تجري
فاطمة: أكرم أكرم استنى
أكرم :تلفتلها ها شني أنا مش فاضيلك
فاطمة: لا فاضي كان بهديكا لاسمها نجاح: تضحك وتهدرز معاها
أكرم: عادي هدرزت معاها كنت فاضي وتوا لا واضحة
فاطمة: فهمت لتكون تحبها نجاح جد وأنت تمشي فيا أنا
أكرم :أنا نحب نجاح مستحيل أنا مدايرها زي إكرام وإبتهال
فاطمة: بس نظراتك ليها ومعاملتك معاها تعطي العكس
أكرم :يدعي انه يجي حد ينقده منها
مشي من بجنبه أنور
أكرم: أنور أنور تعال أنت فاضي وفاطمة فاضية هدرزوا مع بعض وانسجموا مع بعض أنا طالع 🏃♂️
أنور :فاطمة كيف حالك وينك هالأيام
فاطمة: أنا قاعدة أنت لماهناش وينك وبعدين سلام بنمشي
نجاح: أنور وينه أكرم
أنور :قال مش فاضي هرب ويهمز لفاطمة
نجاح :اها فهمت
أنور: ايه افهمي افهمي ياحنة
نجاح: على فكرة قعد كلامك زي البنات هالأيام انتبه على كلامك مع بوك وعمك
أنور: ماتخافيش عارف كل واحد شن نتكلم معاه ماتاكلي هم
نجاح: كان هكي تمام
أنور: تي هيا وين العشاء
نجاح: باهي وأنت يخلوك شوية تاكلونا مش العشية كنت تاكل
أنور: والله كان نقولك يانجاح بكري مالحقتش ناكل حاجة
نجاح: استنى شوي نطلعلك طرفين
أنور :لالا توا تمشي للحوش تفضحي بيا
نجاح: تي حوش شني هذا طلعتله طرفين من جيبها
أنور :والله لخطيرة هاتي
نجاح: شوي وتلقوه واتي
.
.
.
عند العشاء
نجاح: هدي آخر صونية كمل ماعاد عندنا
أكرم: أكيد مش حتخلونا جعانين يعني
نجاح: دبروا رواحكم في لرفعتوه
فاطمة: عادي نعطيكم عشاي إلا تقعدوا من غير عشاء بالأخص أكرم
أنور :🤨 شن قصدها هذي
أكرم: لا لو مافيش مافيش تمت وطلع
نجاح :مشت لفاطمة على فكرة مش وقت كلامك الفاضي قدام أي واحد باهي ومستحيل بنخلوهم من غير عشان لو نطيبوا مرة ثانية فكلامك هذا مش ضروري منه مش لازمنا وقعدتك هنا زي بلاها بالك الحوش تلقي فيه حاجة تلهي فيها خير من شوفة وجهك
فاطمة: أنا مانبيش مدايرة مشاكل معاك لأنه وقت مناسبة كمهدا طرحتك في نص المطبخ عالأربعة
نجاح: لو قدرتي تعالي
فاطمة: لا ماشية مش ناقصك هو ننزع مزاجي عخاطرك
نجاح: سلامتك
CITEȘTI
زوجتي السمينة
Umorرواية ليبية كوميدية خيالية ديما تتعارك هي وولد عمها وفي الآخير بتولد بينهم قصة حب تابعوني
