🔸️حلقة 25
🔸️أركان_يحكي:
دورت راسي شوية نغزرلها...ضيقت عينيا مستغرب كي ريتها تحرك في راسها..غير العرق لي كان هابط على وجها...مديت يدي شوية نتفقد في سخانتها لي طلعت على غفلة...كبست على خدها نحكي
أنا:إلينااا...إلينااا حل عينيك
حركتها شوية باش تفيق من اللي هي فيه...خاصة كي حسيتها باش تتخنق...حلت عينيها مروهجة و ردت النفس فرد مرة...وين قعدت لحظات و هي تستوعب في اللي صار...دارت عندي و حطت يدها على صدري تحكي
إلينا:أ..أنت حي...م..مقتلكش...أنت هووني
مدت يدها شوية تتحسس في رقبتها و دور في عينيها على الدار...كبست على أكتافها نحكي
أنا:إلينااا فييق توااا...اللي صااار معاك مجررد كاابوس
عزيزتي
إلينا:غ..غالي هووني..أنا ريتووو...هو هووني أكيد
جبدت روحها مني و وقفت...بعدت عليا شوية كأنها تفركس عليه و تحكي
إلينا:كان فما سلااح في يدو...قتلك و كان باش يقتلني أنا زاادة...لا...لا...لا...كان باش يعذبني قبل و باش يحرقني مرة أخررى
قربت منها شوية...محاولة مني باش نهديها و نخرجها من حالة الهستيريا لي دخلت فيها...حطت يدها على صدري تتفقد فيا من جديد...حاوطت وجها بيديا زوز و مسحت دموعها...نحكي
أنا:أناا لبااس و ما صاار حتى شي...إنتي حلمت بيه مش أكثرر
إلينا:لا..لاا...مستحيل...هو باش يعمل فيا نفس الشي مرة أخرى...و..ويلياام...أكيد باش يقتل خووياا زاادة
أنا:إليناااا...ركز معاياا عزيزتي...حاول أنك تركز معايا
إلينا:أ..أركاان متخليهش يهزني عندو مرة أخرى منحبش نكون مع الوحش هذاكا مرة أخرى...أكيد رجع باش ينتقم مني خاطرني قتلتو
غزرتلها مصدوم...خاطر هاذي آخر كلمة توقعت إني نسمعها منها...فرد وقت تصدمت في خوفها منو و منحبش نخمم في العذاب لي خلاها تعيشو و هي متعداتش 18 سنة...جبدتها عندي و عنقتها...عديت يدي على شعرها نحكي
أنا:تنفس فينوسي...حاول أنك تاخو نفس و تهدي روحك...و حط في بالك أنو مدامني حي حتى حد ماهوش باش يقرب منك و لا يحاول يضرك...أنا هوني و باش نحميك ديما...مهما تطلب الأمر...نوعدك
دورت يديها زوز على ظهري و كبست عليا...بقيت نعدي في يدي على شعرها لين حسيت أنفاسها هدات شوية و بدات تستوعب اللي صار معاها...جبدتها من عندي شوية نحكي
أنا:لبااس توا ؟
إلينا:أ..أركاان...منقصدش لي صار...أنا جيست حسيت بيه قريب مني مرة أخرى
أنا:مهما كان اللي صار في الماضي هو مجرد كابوس يوفى بعد لحظات...صدقني حتى انا نعاني من نفس المشكلة
إلينا:بسبب موت دانييل ؟
هزيتلها براسي إيه...مدت يدها شوية و مسحت دمعتها تحكي
إلينا:م..مكانش عندي حل آخر...باش نجم نهرب منو أنا مانيش مجرمة و مقتلتش صووفي...من غير ما تخبر أي حد...مستعدة نبعد عليك و على المسرح يكفي أنو حياتي مع خويا تبقى هادية كيما خططنا ليها ديما
أنا:إلينااا...تتوقع الكلام لي قلتو باش يقلل من حبي ليك و لا حتى يخليني نبعد عليك...إنتي جزء مني توا و مهما كان اللي عملتو قبل و حسيت أنو في مصلحتك و مصلحة خووك...متخافش منو و متندمش عليه زاادة خاطر صدقني كان يطلع عايش نقتلو أناا مرة أخررى
إلينا:أنت باش تبقى تحبني حتى بعد الحقيقة لي سمعتها مني ؟
أنا:الماضي ميهمنيش إلينا...إنتي أنقذت نفسك منو و تحطيت في ثنيني...هاذي الحقيقة الوحيدة و مهما كان اللي باش يكلفني باش نخليك تنسى كلشي و تفسخ صورتو من ذاكرتك...أنا باش نعملو و بالنسبة لصوفي اللي قتلها يملك أسباب أكثر من اللي نملكوها إحنا...غير هكا أنا زادة غلطت و أخطائي متتغفرش و يمكن كان تسمعها توا...متبقاش في حضني لحظة وحدة...ملا معادش تخلي الخوف و الشعور بالذنب يسيطرو عليك واضح أميرتي ؟
هزتلي براسها إيه...خذيت نفس و عنقتها مرة أخرى بستها من راسها نحكي
أركان:مدامك متاعي صدقني مفما حتى ينجم يقرب منك و لا يضرك
إلينا:أنا ديما نأمن على روحي بوجودك معايا
بستها من جبينها و جبدت روحي منها شوية نحكي
أنا:هاني باش نجيبلك حاجة تشربها
إلينا:نحب نشرب شوية ماء كهو
هزيتلها براسي باهي و بعدت عليها شوية...عبيت كأس الما و غزرتلها...كأنها تحب تتأكد أنو مفما حتى حد موجود معانا...حطيتو في يدها شربت منو شوية وين حسيتها إرتاحت على قبل...تبسمت نحكي
أنا:إنتي باش تكون في أمان فينوسي
إلينا:خليك معايا ليلة هاذي
أنا:إيجا معايا
إلينا:منحبش نرقد...غير هكا طفي التلفزة...حتى هي ريتها في الحلم
طفيتها بالوقت...رجعت شعرها لتالي و قعدت على طرف الفوتاي...قعدت بجنبها و بعدتلها خصلة طايحة على وجها و تبسمت نحكي
أنا:أغزرلي هوني..منحبكش تخمم في الموضوع هذا أكثر...حتى أنو مستحيل نسألك على حاجة إنتي متحبش تحكي عليها..الموضوع يتسكر هوني كأنو مصارش جملة
غزرتلي ندرا كيف و قربت مني شوية..عنقتني بالوقت كبست عليها و جبدتها عندي أكثر...نحكي
أنا:إيجا عندي تراه
هزيتها في حضني و عديت يدي على شعرها نحكي
أنا:صدقني كلشي باش يكون كيما حلمت بيه ديما مستحيل نخلي شكون يعبث بأحلامك و يحطمك مرة أخرى
عدات صوابعها على خدي و دخلت في حضني أكثر هاذي أول مرة نحس أنها مزالت صغيرة بالرسمي على كلشي تعدات بيه..عديت صوابعي على رقبتها من تالي...نتحسس في آثار الحرق..تنهدت بالقاوي خاطر بالرسمي منحبش نخمم في اللي تعدات بيه و لي مزال مرافقها لتوا..كيما لأول مرة نحس بمسؤولية غريبة تخليني نخاف عليها أكثر خاصة بعد اللي ريتو الليلة مع إني مزلت مروهج من فكرة أنو مزال يأثر عليها حتى في أحلامها.
![](https://img.wattpad.com/cover/314097361-288-k925286.jpg)
YOU ARE READING
آفْرُودِيتْ 🦢
Action#حصرية🚫🚫🚫🚫 🧚♀️🧚♀️🧚♀️🧚♀️🧚♀️🧚♀️ #آفْرُودِيتْ 🧚♀️🧚♀️🧚♀️🧚♀️🧚♀️🧚♀️ ⚖⚖جريمة على المسرح⚖⚖ 《المزعج في الحب أنه جريمة لا يمكن فيها الإستغناء عن شريك》شارل بودلير 🧚♀️دوافع الجريمة مختلفة...تنجم تكون بسبب الغيرة و الخيانة و لا الحق...