🔸️حلقة 44
🔸️إلينا_تحكي:
تنهدت بالقاوي و حليت الباب نزلت بعد ما وصلنا عديت عينيا على القصر و غزرت لويليام لي نزل و قرب من الكرهبة لي كانت فيها اللوحة...و جبدها ضيق عينيه و قرب منا...غزر لأركان يحكي
ويليام:المرة الجاية لازمك تاخو بالك أكثر
نزلت على شفايفي و غزرتلو بالوقت...هزلو براسو باهي يحكي
أركان:وااضح
قحرلو و عطانا بظهرو...خذيت نفس و هزيت عينيا في وجهو نحكي
أنا:منقصدش لي صار...أما ويليام حساس في ما يخص لوحاتو و ميحبش شكون يفسدهم
أركان:ما صار شي...هيا إيجا
غزرت ليدو لي تمدت ليا...قربت منو شوية و حطيت يدي في يدو..كبست عليه و دخلت معاه...أول ما وصلنا للأصونصير...بعد على جنب و وقف وحدو تنهدت بالقاوي و دخلت...كبس على اللوحة أكثر يتفقد فيها هزها في يدو و خرج بعد ما تحل الباب يحكي
ويليام:مكاانش لازم نااثق فييه جملة
أركان:كأنو اللوحة فسدت برشا ؟
أنا:لااا...أما بالعادة يتقلق من أقل حاجة...غير هكا لازمني نخبرو بكلشي صااار
أركان:باهي عزيزتي...حاول أنك ترتاح و ما تخمم في حتى شي...إنتي بأماان و إذا خذيت إذن منك في إني نعرف الماضي اللي يخصك الكل...صدقني اللي عمل هكا باش يكون تحت ساقيك
عديت عينيا على وجهو و خذيت نفس نحكي
أنا:أنا بحاجة راحة و كهو
هزلي براسو باهي و نزل عليا شوية...باسني من جبيني يحكي
أركان:حاول ترتاح ملا و ما تخمم في حتى شي
هزيت روحي شوية...بستو من خدو و حطيت الفاست متاعو في يدو و دخلت لجناحي...غزرت لويليام لي مزال يتفقد في اللوحة و غزرتلو نحكي
أنا:ويليام شبيها اللوحة ؟
ويليام:كان لازمني نركب بجنبها...اللون هذا هبط شوية على لون ثاني
أنا:مش واضح هوني
ويليام:ماكش باش تفهم في الألوان...غير هكا وين الفاليز متاعي ؟
أنا:تو يطلعها واحد من الخدم
ويليام:علاش رجعنا لهوني ؟
أنا:خاطر بعد العرض تلقيت تهديد جديد بالقتل و صور عليها إسم صوفي و غالي و حتى نورا و آخر صورة كان عليها إسمك و أنت مرديتش على تليفونك وقت طلبتك للحظة توقعت أنو صارلك شي في غيابي...هاذي أول مرة نخاف لهدرجة ويليام و معرفتش شنوة نعمل...كان لازمك تهز عليا و تخلي تليفونك في يدك لين نرجع لدار
غزرلي ندرا كيف و قرب مني شوية...مد يدو و عدا صوابعو على خدي يحكي
ويليام:بااهي...أسكت...متبكيش إلينااا
أنا:خفت برشااا...خفت نخسرك أنت زادة و نبقى وحدي
قرب مني أكثر و عنقتي بالوقت...خذيت نفس من ريحتو و دورت يديا زوز على ظهرو...معادش نحب نخمم في اللي صار و لا حتى نعيش نفس الشي مرة أخرى...جبد روحو شوية يحكي
ويليام:أنا لبااس...غير هكا أنا قتلك معادش تخاف عليا و متعتبرنيش نقطة ضعفك إلينا...حتى لو تنفذ التهديد هذا...نحبك تكون قوية ديما و تتحدى الظروف الكل و تكون النجمة الأولى اللي باش يحكيو عليها الناس الكل
خذيت نفس طويل و حطيت يدي على خدو نحكي
أنا:ماا نحب حتى شي من غيرك...غير هكا أنا مستحيل نخلي شكون يضرك و لا حتى يحرمني منك...واضح ؟
باسني من يدي و هزلي براسو باهي...جبد روحو شوية مني و غزر لساعتو يحكي
ويليام:تعشيت ؟
أنا:ما عيني في حتى شي...نحب نرتاح و كهو
ويليام:أنا تاخرت نصف ساعة على موعد نومي
تبسمت و رجعت خصلات شعري لتالي...نحكي
أنا:نعرف...أكا علاش تنجم تمشي لبيتك توا
ويليام:متأكدة ؟
أنا:أنا لباس...باش ناخو دوش و نرقد
قرب مني شوية باسني من خدي و هز اللوحة متاعو قبل ما يمشي..أصلا مستحيل يتأخر على موعد النوم متاعو...خاصة أنو يفيق قبلي بساعات...نزلت شوية و نحيت حذاء الباليه لي فسد جملة...فرد وقت كبست بيدي على الطاولة و أنا نسترجع في التفاصيل لي عشتها مع غالي و صداقتي بنورا...غير السنين لي تعرفت فيهم على صوفي...منعرفش قداش عديت وقت و أنا واقفة في بلاصتي...تنهدت بالقاوي و دخلت لبيتو قربت منو شوية و غطيتو بعد ما غرق في النوم...فرد وقت عديت يدي على شعرو و بستو من راسو...لتوا منجمتش نستوعب فكرة خسارتو كيما نحس في الأفكار الكل ظغطت عليا و معرفتش نتصرف...و لا حتى نجمت ندخل لبيتي...كيما محسيتش بروحي كيفاش وصلت للأصونصير..كلشي خممت فيه هو إني نحاول نحكي لي نحس فيه يمكن نرتاح من الظغط لي أنا فيه توا...ظغطت على الزر متاع الجناح متاعو و عديت يديا زوز على وجهي أول ما تحل الباب...دخلت من غير تردد...غزرت للفاست متاعو لي خلاها على الفوتاي و كملت لبيتو أصلا منعرفش إذا رقد و لا مزال سهران لتوا...حليت الباب و دخلت...عديت عينيا على السرير و قربت منو شوية...هزيت الكادر لي كان مقلوب و دورتو عندي تبسمت و أنا نغزر لملامح ولدو...أصلا مستحيل يعدي ليلة وحدة قبل ما يتفرج على تصاورو هذا الشي لي لاحظتو طول فترة وجودي معاه...دورت راسي شوية و غزرت لباب الصالدوبان لي كان محلول شوية حطيت الكادر من يدي و قربت من الباب...حليتها و كملت دخلت...غزرتلو من ورا البلار...لي كان مغطيه البخار الكل...خذيت نفس و قربت منو أكثر و من غير تفكير...تلفت عندي بعد ما حس بوجودي.. غزرلي مستغرب...عديت عينيا على وجهو و مديت آخر خطوة لعندو...وين حسيت بالما لي هبط عليا في لحظة...مد يديه زوز و عداهم على زنودي يحكي
أركان:شبي حبي ؟
دخلت في حضنو من غير حتى كلمة...وين دور يديه زوز عليا..مديت يديا زوز و غطيت وجهي مع دموعي لي هبطو...للحظة حسيت طاقتي وفات و معادش نجم نكمل في الثنية هاذي و لا حتى مستعدة باش نعيش نفس الأحداث مرة أخرى...كبس على ظهري أكثر و عدا يدو على شعري فرد وقت..أصلا كنت بحاجة إني نحط راسي على صدرو و نخرج الظغط لي نحس فيه الكل جبدني من عندو شوية يحكي
أركان:شبي فينوسي ؟ علاش الدموع هذوما الكل توا ؟
أنا:معاادش نحب نكمل في المسرح و لا حتى نرجع لغديكا مرة أخرى...أصلاا كانت غلطة مني إني تبعت أحلامي و نسيت الماضي اللي باش يلاحقني في كل مرة نتشهر أكثر
حط يدو على جنبي و رجع بيا خطوة لتالي..تكيت على الحيط نغزر للما لي كان هابط عليه..مد يدو لأخرى و عدا صوابعو على خدي يحكي
أركان:مانيش باش نسمحلك تضيع أحلامك بسبب الخوف..المسرح ملكك إنتي و كهو و ماكش باش تتخلى عليه جملة و بالنسبة لقضية صوفي...إنتي معفية منها و ما ينجم حتى حد يتهمك في حضوري أما بالنسبة للماضي...منجمش نعاونك إذا إنتي مصرة تخليني خارج الدوامة اللي إنتي فيها...أنا نحب نسمع كلشي منك إلينا مثلا شكون نورا ؟ و علاش مخبرتنيش عليها قبل توا ؟ و شنية علاقتها بالماضي متاعك ؟
بقيت نغزرلو من غير حتى كلمة..منعرفش من وين باش نبدا و لا حتى كيفاش ننجم نرجع للغرفة لي كنت محبوسة فيها شهور...أصلا ملقيتش جرأة باش نحكي في اللي صار حتى مع ويليام...كلشي كنت بحاجتو...هو مسح الذاكرة...حبيت شكون يفسخ الشهور هذيكا من راسي و معادش نتذكرها مرة أخرى..تنهد بالقاوي بسبب سكوتي..جيت باش نحكي قص عليا كي نزل على شفايفي...باسني بالوقت و عدا صوابعو على خدي يحكي
أركان:هدي رووحك تواا..نحبك ترتاح بالقدا و أنا مستعد نسمعك في أي لحظة
أنا:أنا بحاجتك معايا تواا
أركان:إيجا هوني تراه
جبدني عندو أكثر...عنقني مرة أخرى..باسني من رقبتي و عدا يديه زوز على ظهري يحل في الفستان و يحكي فرد وقت
أركان:باش تاخو دوش توا و ترقد شوية..بعدها نحكيو في الموضوع الكل
هزيتلو براسي باهي...أصلا معادش عندي جهد باش نحكي أكثر...خاصة في اللحظة هاذي...جبدت روحي منو شوية...كبس على الفستان لي كان مبلول و نزلو في لحظة..فرد وقت كبس على أجنابي و دورني باسني من كتفي و حط يدو على كرشي يحكي
أركان:ما تخمم في حتى شي...وعد مني خوك باش يكون في أمان و مفما حتى حد ينجم يضرو و أنا موجود
حطيت يديا زوز على يدو و تكيت بظهري على صدرو نحكي
أنا:عندي ثقة فيك
غمضت عينيا مع الما لي حسيت بيه في وجهي و تبسمت كي مد يديه زوز يفركلي في شعري و يحكي
أركان:نظن أنك تغسلو بالطريقة هاذي
هزيتلو براسي إيه...و تلفت عندو...حطيت يديا زوز على صدرو نحكي
أنا:هياا فيسع...الما سخون برشاا
أركان:تدلل يا روحي
تكيت عليه أكثر بعد ما كمل...مد يدو سكر الما و جبد الكاب متاعو يحكي
أركان:ألبس تراه
مديت يديا زوز و لبستو بالوقت...باسني من جبيني و خرج ورايا...جبد المنشفة متاعو...لبسها بالزربة و خلط عليا...كبس على يدي و قرب معايا لسرير قعدني يحكي
أركان:خليك هوني...تو نجيبلك حاجة تلبسها
هزيتلو براسي باهي...أول ما دخل لغرفة الملابس الخاصة بيه...دورت راسي و غزرت للمرايا لي متكية على الحيط...هزيت روحي وقفت و قربت منها شوية وقفت مقابلتها بالظبط...عديت عينيا على ملامح وجهي و غمضتهم مع إنعكاسها لي ظهر قدامي فجأة منحبش نخمم فيها و لا نتذكر لي عشتو وقتها...غير ترددات صوتها لي مزلت نسمع فيهم لتوا..منعرفش علاش إسمها كان على الصور..كيما منعرفش شنوة صار فيها بعد السنين هاذي..زعمة ماتت ؟ هذا السبب اللي خلى إسمها يكون ضمن الصور...تبسمت و أنا نسترجع في اللحظات لي عديناهم مع بعضنا إحنا الثلاثة...بالرغم أنو ويليام كان يتجنب الصداقة مع أي حد غريب...أما نورا كانت جزء من عيلتنا..مكنتش نستخايل أنو كلشي عشناه مع بعضنا يدمر و يوفى بالطريقة هاذيكا...كيما مكنتش نعرف انو الماضي باش يلاحقني بالطريقة هاذي و يرسمني على إني الطرف الشرير في القصة و لازمني نخلص حق لي عملتو الكل...حليت عينيا كي حسيت بيه واقف ورايا غزرتلو من المرايا..لبس الشورت متاعو و جاب مريول في يدو..قرب مني شوية يحكي
أركان:هيا إيجا..لازمك ترقد شوية
عديت عينيا على وجهو من غير ما نتلفت عندو و كبست على يديا زوز نحكي
أنا:أنا إرتكبت برشا حاجات سيئة..في سبيل إني نحمي روحي و نحمي خويا زادة
أركان:كلنا نرتكبو الحاجات هاذي كي يتعلق الأمر بالناس اللي نحبوهم
أنا:مكانش عندي سبيل آخر..أنا كنت باش نفقد عقلي بسببو...حتى حاولت إني ننتحر باش نتخلص منو أما ويليام منعني
كبست على يديا زوز و أنا نسترجع في ليلة هذيكا غزرلي ندرا كيف و قرب مني شوية...دورني عندو بالوقت...نزلت راسي نحكي
أنا:كان لازمني نتخلص منو..موتي كان باش يحل الموضوع و يخليني نرتاح..يمكن لو تخلصت من حياتي مكانش باش يصير هذا الكل
هزلي راسي شوية و حاوط وجهي بيديه زوز...يحكي
أركان:أغزرلي هووني..نحبك تنحي الأفكار هذوما من مخك و معادش تخمم فيهم...تذكر ديما أنك أحلى صدفة في حياة أركان القايد
أنا:و أنت كنت صدفة غريبة في حياتي..متوقعتش باش يجي نهار و نقابلك و لا حتى نحبك
أركان:كأني باش نولي مدمن عليها الكلمة هاذي
أنا:و أنا نحب نسمعها منك أنت زادة
أركان:و أنا نحبك يا روحي
نزل عليا شوية..باسني من جبيني و عنقني...دورت يديا زوز على ظهرو نحكي
أنا:هاذي أول مرة ريحتنا تكون وحدة
أركان:صاار و أنا نقول شبيها ريحة بنينة هكا غير العادة
ضحكت و كبست عليه أكثر..أصلا كنت بحاجة وجودو معايا..كيما مزلت بحاجة إني نحكي معاه يمكن نرتاح شوية من الظغط هذا الكل...خذيت نفس و جبدت روحي منو شوية...كبس على يدي و جبدني معاه لتالي قرب من السرير و غزرلي يحكي
أركان:إنتي باش تعدي ليلة عندي...أكا علاش باش تلبس هذا توا و تشد بلاصتك
هزيتلو براسي إيه و مديت يديا زوز نحل في حزام الكاب...جبدني منو...يحكي
أركان:خلي عليك
عديت عينيا على تفاصيل وجهو من غير حتى كلمة و و نزلت راسي مع الكاب لي طاح عالأرض...هزيت يديا زوز دخلتهم في يدين المريول و قربت خطوة لعندو حضنتو بالوقت نحكي
أنا:خليك معايا و كهو
أركان:شقولك تاكل حاجة قبل ما ترقد
أنا:ما نحب حتى شي
أركان:باهي إيجا تراه
باسني من راسي و جبدني من عندو شوية...تسطحت بجنبو و حطيت راسي على صدرو دوب غمضت عينيا غطست في النوم من التعب لي حسيتو تمكن مني...غير هكا وجودو معايا كان كافي باش يخليني نتغلب على الأفكار لي تمكنت مني و فقت من نومي كي محسيتش بيه بجنبي...عديي يدي على بلاصتو و حليت عينيا مروهجة..جيت باش نحكي..أما سكت و أنا نغزر للباب هزيت روحي شوية و تقعدت...الباب هذا نعرفو بالقدا دورت راسي مترددة و دقات قلبي بدات تقوى كي لقيت روحي في نفس البيت...كبست على الفرش مع صوت أنفاسو لي كنت نسمع فيه...غير صوت السوط لي كان يتحرك معاه...كبست على يديا زوز نحكي
أنا:فييق إلينااا...حل عينييك
غمضت عينيا بالقاوي كي حسيت بيه قعد بجنبي قرب مني أكثر...لين حسيت بأنفاسو ضربت في رقبتي...قرب لوذني يحكي
غالي:توحشتك صغرونتي
أنا:أنت مااكش موجوود...م..مستحيل تكون موجود
حاولت نجبد روحي منو...شدني من شعري و رجعني عندو يحكي
غالي:حل عينيك عزيزتي...أغزرلي هووني
أنا:س..سيبني...أبعد عليااا
غالي:حل عينيك توااا و أغزرلي...ساعة إنتي تعرف بالقدا شنوة يصير فيك كي تعصي أواامري
أنا:أنت مجرد كاابوس كهوو
كبس على شعري أكثر...لي خلاني نحل عينيا بالوقت و نغزرلو مرة أخرى...تبسم و نزل عندي أكثر...قرب لشفايفي يحكي
غالي:نظن لازمك دروس جديدة في طاعة
أنا:س..سيبني غاالي...أنت توجع فيا
رخف يدو على شعري و عدا صوابعو على خدي يحكي
غالي:مقصدتش نوجع بنتي...و توا فما سؤال بسيط باش تجاوبني عليه...يكفي أنك تبدل إجابة العادة باش تتفادى العقاب...وااضح
بقيت نغزرلو من غير حتى كلمة...خاطرني حفظت السؤال هذا لي يتكرر يوميا...نزل بصوابعو لشفايفي يحكي
غالي:إنتي موافقة تكون ليااا ؟
هزيت عينيا في وجهو بالوقت و خذيت نفس طويل نحكي
أنا:لااا و جواابي باش يبقى لااا...مانيش موافقة نكون ليك و لا معاااك...مهما كان اللي باش تعملو فيااا
غالي:توقعت جواب آخر بعد عقااب أمس
أنا:مستحيل نبدل جوابي و لا نوافق نكون مع شخص مريض كيفك أنت
ضحك و جبد روحو مني شوية...وين دقات قلبي قوات أكثر...خاطرني منعرفش الحركة التالية متاعو نزلت راسي شوية نغزر لروحي...كي العادة مفما حتى قطعة على بدني...جبدني من شعري على غفلة و رجعني لتالي حاولت نقوم...كبس على يدي و ربطها مع السرير و عمل نفس الشي ليدي الثانية...ربطني من ساقيا زادة و كبس على السوط في يدو...كبست على يديا زوز كي حسيت بالجلد متاعو يمشي على بدني...تبسم يحكي
غالي:بالعادة...وحدة أخرى في وضعك...عقابها يكون مختلف
أنا:أنت مجررد كااابوووس...سييبني توااا
نزل عليا في لحظة...دورت وجهي باش منغزرلوش كبس عليا و دورو لعندو مرة أخرى يحكي
غالي:إنتي مستحيل تتخلص مني و لا تتخلص من الجحيم متاعي يا رووحي
عديت عينيا تفاصيل وجهو لي حفظتها بمرور الأيام و تبسمت نحكي
أنا:و أنت مستحيل تتحصل عليا و لا تملكني
نزل عليا أكثر...باسني من جبيني و جبد روحو شوية غزرت ليدو لي دارت على مقبض السوط أكثر...و هزو في لحظة...أول جلدة كانت على كرشي و الثانية على صدري و تنقلت الضربات لساقيا و كل قطعة من بدني بالعادة نتلقى الجلدات هذوما على ظهري أما المرة هاذي كانت أقوى من كل مرة...حتى أقوى من الصعقات الكهربائية لي كان يضربني بيهم ساعات صياحي كان يقوى مع كل جلدة...و لي آخر وحدة فيهم حلت جرح في آخر كرشي...لي خلى فرش السرير الأبيض يتخلط بلون الدم...وين كانت آخر صيحة مني تعبر على قمة اليأس لي حسيت بيها أكثر من الوجيعة بحد ذاتها حركت يديا زوز باش نحرر روحي أما منجمتش...صوتو لي كان يتسلل لوذني من بعيد...خلاني نضيع معاه باش نرجع للواقع...حليت عينيا شوية و غزرتلو...كبس على يديا أكثر...يحكي
أركان:إليناااا...فيييق توااا
عديت عينيا على وجهو مصدومة...أصلا نحس في صوتي ضاع بسبب صيااحي لي كان حقيقي عالأغلب
رخف يديه عليا و غزر لعينيا يحكي
أركان:إلينااا...تسمع فيا يااخي ؟
بقيت نغزرلو من غير حتى كلمة و جبدت روحي من تحتو في لحظة...و وقفت وين حسيت الدنيا الكل دارت بيا...عديت عينيا على تفاصيل بيتو...محاولة مني باش نتأكد أنو اللي صار مجرد كابوس مش أكثر رغم إني عشت ليلة هاذيكا بنفس تفاصيل الحلم بالظبط...قربت من المرايا الكبيرة لي متكية على الحيط...وقفت قدامها و هزيت المريول شوية...فرد وقت حطيت صوابعي على أثر الضربة لي مزالت لتوا رغم السنين الطويلة لي تعدات...وين حسيت بنفس الوجيعة فيها و التفاصيل لي عاودت هدت عليا في لحظة خلاتني نفقد قدرتي على الوقوف أكثر من هكا سندني بالوقت و دور يديه زوز عليا..نزلت يدي من كرشي و غزرت لروحي مرة أخرى..يمكن آخر كلام قالو كان صحيح..أنا مستحيل نتخلص منو و لا حتى نخرج من الجحيم متاعو اللي غرقني فيه
![](https://img.wattpad.com/cover/314097361-288-k925286.jpg)
أنت تقرأ
آفْرُودِيتْ 🦢
Action#حصرية🚫🚫🚫🚫 🧚♀️🧚♀️🧚♀️🧚♀️🧚♀️🧚♀️ #آفْرُودِيتْ 🧚♀️🧚♀️🧚♀️🧚♀️🧚♀️🧚♀️ ⚖⚖جريمة على المسرح⚖⚖ 《المزعج في الحب أنه جريمة لا يمكن فيها الإستغناء عن شريك》شارل بودلير 🧚♀️دوافع الجريمة مختلفة...تنجم تكون بسبب الغيرة و الخيانة و لا الحق...