وصل البيت الي كان جاي له قعد لحظات يناظر فيها وهو يتذكر انه قبل سنوات طوييلة جا هنا عند ابو محمد عشان يقوله الشيء الصح ويرشده للطريق الصحيح وما كان بكلامه والا هو متطمن انه القرار الصح
توكل على الله ودق الباب فتحه ولده محمد
محمد :اهلييين ب خالد تفضل تفضل
خالد :اهلين فيك يا محمد كيفك اخبارك
محمد :الحمدللله وانت كيفك اخبارك عساك طيب
خالد :بخير الحمدلله، الوالد بالبيت؟
محمد :ايه طبعآ بالبيت تفضل
دخله عند ابو محمد الي السنين اهلكته ورايح فيها
دخل خالد وسلم عليه وحب راسه :كيفك يبه عساك بخير
ابو محمد يعرفه وتذكره :اهلييين يبه خالد متى جيت
خالد:توي يبه
ابو محمد :كيفك انت يا ولديي
خالد:بخير الحمدلله
ابو محمد :كيفهم عيالك
خالد :بخير الحمدلله، "وتنهد" انا جاي لموضوع يخصهم
ابو محمد بخوف :تفضل ولدي
خالد سكت وبعدها تكلم :تذكر يبه جيتك قبل سنين وقلتلك عن الي صار بالمستشفى وعن ابو عبد العزيز
ابو محمد عدل في جلسته :ايه طبعآ اتذكره يا ولدي
خالد نزل عيونه لسبحة الي بيده :امس رجعت شفته
ابو محمد: وش يبغى؟
خالد :سألني عن عياله بس ما قلتله عن بنتي بس قلت له عن نيار وبس
ابو محمد :وهو قلك عن ولدك انت
خالد سكت وبهاللحظة تذكر الصورة وابتسم ب حب :ايه قالي انها بنت و ، وسماها فرح
ابو محمد :طيب الحين وش المشكلة
خالد : من حقي اني خبيت الموضوع عليه لأني من امس ما نمت وانا افكرر لأنه هو قلي عن بنتي واسمها حتى انه وراني صورتها بس انا قلتله عن ولدي وبس ما قلت له لا اسمه و ولا شيء حتى وبنفس الوقت خبيت عليه موضوع بنتي النوم مجافيني وانا اقول انه غلط الي قاعد اسويه خايف من ربيي
ابو محمد :صح كلامك يا خالد مو من حقك تخبي عليه وهو ما خبى عليك دامه راجع بعد كل هالسنوات ندمان وهو ما يبي مشاكل وبيمشي تقدر تقوله عن بنتك و ولدك وعن اسمائهم ولو يقدر يشوفهم حتى
خالد سكت وهو عارف انه خبى عليه وذا الشيء غلط :وفي موضوع ثاني
ابو محمد؛ تفضل ولدي
قاله عن سالفة جيلان
ابو محمد سكت للحظات وهو يفكر ويستوعب
وبعدها قال : سبحان الله البنت معكم من 17 سنة وبالاخير يطلع خالها هو الشخص الي انت تهرب منه سبحان الله
خالد سكت بحزن وهو داري انه ذا الموضوع كله من القدر الي جمعهم عن طريق جيلان
وجيلان مجرد رابط بينهم عشان يجتمعون بعد هالسنوات
كمل ابو محمد :انت الحين يحق عليك انه تعرف البنت على خالها وما تحرمها من وارثيها يا ولدي
خالد سكت وهو يحس في بصدره حجر
خالد عارف انه يقدر ياخذهها بدقيقة وحدة لأنه هي متزوجة من نيار عند الشيخ وبس بالاوراق القانونية لا
ابو فرح جهز اغراضه عشان يمشي وهو فرحان انه عنده ولد من يوم عرف وهو الارض مو سايعته يحس شيء حلو يوم يقول ولدي ويتخيل كثير اشياء بينه وبين نفسه
ابو فرح ينادي على ريان :رياان
جا ريان: هلا
ابو فرح :انت خليك هنا لفترة تقولي عن الي يصير طيب
ريان سكت وبعدها قال :طيب
ابو فرح :والحين خذني لدكان خالد
ريان استغرب: ايه دكان
ابو فرح :الي قلت لي ولده يشتغل هناك
ريان استغرب :تبي تشتري فرشة؟
ابو فرح سكت شوي وبعدها قال :ايه
ريان :طيب
نزلو لتحت وحطو شنطة ابو فرح بالسيارة وتوجهو لدكان نيار الي بعد شوية يقفله عشان يروح يجيب البنات
ريان ياشرله من بعيد :ذا هو الدكان
ابو فرح يمشي لجهة الدكان و ريان واقف من بعيد ويناظر خايف يهجم عليه زي مرة الماضية لانه نيار مب صاحي صدق
دخل ابو فرح للدكان ونيار كان معطيه ظهره وحس انه في احد دخل وقال وهو لاف وجهه :بسرعة بسرعةة عشان بقفل الحيين
ابو فرح منتظره يلف وجهه عشان يشوفه بس هو قاعد يزبط الشريط بالقلم ومستعجل
ابو فرح :ممكن تنزل لي هذاك الي فوق
واخيرآ نيار لف له:هذاك؟
ابو فرح سكت اول ما شافه ضاعت علومه وهو يسأل نفسه معقولة ذا ولدي لا ما اصدق
نيار مستغرب منه ومن سكوته وسرحانه رجع عاد كلامه :قصدك هذاك يا عم؟
ابو فرح صحي على نفسه :هاه ايه ايه هذاك اقصد يا ولدي
حس ب كمية الجمال في كلمة ولدي شعور حلوو
نيار راح ينزله :ابشر الحين انزله
ابو فرح : انت وش اسمك يا ولدي
نيار عارف انه مو من الحارة وعادي يسأل عن اسمه :اسمي نيار
ابو فرح بصوت واطي: نيار؟ اسم غريب
نزله نيار له ويفرشه بالارض وهو يوريه :هاه هاذي هي
ابو فرح يبي يطول عنده :لا ما عجبني ورني هاذا الي جنبك
نيار رجعه لمكانه ويوريه الثاني :بسرعة عشان بروح اجيب الي بالدوام لا اتأخر عليهم
بهاللحظة دخل خالد وشافهم واقفين اثنينهم
خالد وعيونه في ابو عبد العزيز:نيار روح جيب البنات من دوامهم الله يرضى عليك تأخرت عليهم
نيار :يالله يبه بس اخلص
خالد يرمي مفتاح السيارة له :لا الحين يا ولدي انت روح وانا اقفل الدكان
نيار يطلع مفتاح الدكان من جيبه ويحطه فوق الطاولة : طيب
وطلع نيار
وعيون ابو فرح تلاحقه لين اختفى
خالد بحدة :شفت نيار والحين تقدر تمشي
ابو فرح لف عشان يمشي :لا تخاف رايح
خالد وهو متردد لو يقوله ولا يسكت في صوت يقول بداخله قوله قبل يمشي وفي صوت اقوى يقوله لا تقوله بياخذ منك كل شيء لو عرف :ابو عبد العزيز
ابو فرح لف له وهو منتظره يتكلم
خالد سكت شوي وبعدها قال:توصل بالسلامة
ابو فرح:تسلم
وطلع من الدكان
وخالد قعد فوق الكرسي ومسك راسه
للمرة الثانية مو قادر يقوول رغم انه عاارف انه لازم يقوول
كل شيء عنده الا جلنار ما يقدر يعيش بلاها ولو ثانية ما يقدر يخاطرر مهما كانت الاسباب جلنار غيير
صحيح قاله عن نيار لأنه نيار ولد ويقدر يتكلم ويقول ما ابغى اجي معك وله كلمته
اما جلنار بنت هو لو بغى ياخذها غصب عنها يقدر ياخذها وهو ما يقدر يخاطرر
YOU ARE READING
عيال خالد
Teen Fictionغلطة من المستشفى تغير مصير ثلاث اطفال اب متعصب ومتكبر من المدينة واب حنون وطيب من الديرة اختلاف شديد بين العائلتين وندم بعد عشرين سنة لاكن هل الاطفال الي كبرو وصار اعمارهم بالعشرين بيتقبلون الواقع؟ ادخلو واستكشفو الرواية ولا تحكمو عليه من غلافه _...
