يوم الخميس
يجهزون للطلعة والكل فرحان.
منيرة :جلنار حطيتي التمر
جلنار جت وبيدها الفناجيل :ايه حطيت.
منيرة تتأكد :ما نسينا شيء؟
جلنار تفكر :لا ما نسينا شيء يالله نمشي
منيرة :نادي نيار يجي ياخذ هاذا ثقيلة لا تشيلينها انتي وانا جاية الحين
جلنار:طيب
حطو كل الاغراض بالسيارة
وركبو متوجهين للبر
و وراهم سيارة ريان وابو فرح
اما مسفر ف مو موجود اليوم راح للمدينة عشان يبيع الصقر راح من امس
فرح مرة مبسوطة انها رايحين كلهم مع بعض
جنبها هديل تخزها؛ روحي شوي هناكك
فرح؛ يا ربيي منك اجلسي زي الناس وخلص
هديل تقول لريان؛ انت ليه ما ركبت مع ابو فرح مضيق علينا السيارة
ريان :انتي ليه تطفشين الواحد وتكرهينه في حياته هيا شوي ونوصل
فرح قاطعتهم :يمه مرةة متحمسة
هديل؛ تكفين على وش متحمسة رايحن صحرا
فرح :انتي شعرفك بذا الاجواء اسكتي بس
اخييرآ وصلو
ونزلت فرح وهي تشوف البر مرة يجنن خاصة الحين الجو يجنن ومناسب للطلعة بالبر
نزل خالد وهو يقول :هنا تمام؟
نزل ريان :ايه تمام
وقعدو ينزلون الاغراض والحريم فرشو فرشة بالارض ومن جانب الثاني الرجال بعد فرشو فرشة ويفصلهم السيارات
ام فرح نزلت وقعدت بعد ما فرشو الفرشة
وام هديل ومنيرة يسلمون على بعض و هم اول يشوفون بعض
منيرة :والله فرحت بشوفتس يقلبي من زمان مرة ودي اشوفتس
ام هديل :والله وانا سمعت عنك كثير من هديل وكل ما قلت بجيك زيارة طلع لي شغل بس اليوم صار النصيب وشفنا بعض
منيرة ابتسمت؛ يا قلبي انتي "ولفت تنادي جلنار " جيبي دلة الشاي والقهوة يا بنتي
جلنار:طيب
وفرح عند الرجال قاعدة وسط خالد وابوها
فرح؛ طيب متى تشعلو النار تحمست
خالد يضحك على حماسها؛ بس ياذن المغرب اصبري
فرح :الله احب هاذي الاجواء مرة
خالد مسح على شعرها بحنية
نيار؛ يبه
خالد لف له؛ هلا
نيار:مسفر قال متى بيجي؟
خالد؛ مدري قال لين المغرب يوصل ان شاءالله
نيار:المفروض يوصل الحين
خالد؛ مدري والله
نيار لف ينزل الاغراض
وقامت فرح وهي تروح عنده تبي تساعده ينزلو الاغراض
نيار وقفها؛ خير وين وين؟
فرح؛ بساعدك انزل معك الاغراض
نيار يبعدها :لا لا هاذا مو شغلتس هاذا روحي اقعدي عند الحريم
فرح؛ طيب ابي اساعدكك
نيار:هاذا شغل الرجال تبين تشيلي الاغراض الي ثقيلة
فرح؛ عادي
نيار اخذ كرتون الفحم :روحي ويا ويلتس لو شلتي شيء
وراح يحطه بالارض
وفرح اخذت وسادة وتكاية ومشيت قدام نيار بنذالة يعني ما سمعت كلامك
نيار؛ صبرك يا ربي
راحت فرح للجهة الثانية وقعدت جنب منيرة
منيرة :وينتس يقلبي من اول ادور عليتس
فرح؛ كنت عند ابوي
منيرة حطت قدامها فنجان الشاي؛ تفضلي
فرح :شكرآ
هديل جت جلست جنبها :وينك من اول ادور عليك.
فرح؛ كنت هناك
هديل :تخيلي قبل شوي شفت صرصور
فرح تضحك؛ بالله بتشوفين كثير ترا
هديل؛ والله وجسمي تقشعر كله واحس مقدر اقعد هناا متى بنرجع يخي
فرح؛ اقول بلا دلع زايد بس
هديل؛ يختي ابغى احد اطفشه
فرح :اليوم انا ماني صديقتك خليني اتامل المناظر الطبيعية. والحلوة واتركيني بحالي
هديل تقوم من عندها :انا رايحة ادور شنطتي ريان الزفت ذا مدري وين حطه يا خوفي ناسيه والله اذبحه
فرح :لا شفته موجود في السيارة شوفيه زين
هديل :طيب
مشيت وراحت للسيارة تدور شنطتها
وجلنار تتمشى هي وجيلان
وجيلان توها تقول السالفة الرسالة لجلنار
وجلنار منصدمة :معقولة
جيلان؛ ايه والله ذا الي صار
جلنار :احس مو مستوعبة
جيلان :ولا تخافي الرسالة موجودة عندي
جلنار؛ وانتي ليه ما قلتي لي قبل ما تشوفيني لي ايام مهمومة وين طاحت الرسالة
جيلان :نسيت اقولتس واصلآ ما حصلت وقت
جلنار تناظر فيها :اسفة لاني طحتي بموقف زي كذا بسببي
جيلان؛ ولا يهمتس يقلبي الحمدلله مرت بخير
جلنار قعدت تفكر انه بأي وقت من الممكن انها تنكشف ب حبها لمسفر
جيلان قاطعتها :طيب متى بيجي هو؟
جلنار؛ علمي علمتس والله
جيلان؛ اصلآ هو ليه راح المدينة
جلنار:مدري ابوي قال عنده شغل هناك بس مفهمت وشذا الشغل
جيلان :يالله ان شاءالله كل خير
جلنار؛ ان شاءالله
جيلان؛ تعالي نروح نقعد تعبت وانا اتمشى
جلنار:انتي روحي اقعدي انا ودي اتمشى شوي
جيلان؛ طيب
راحت جيلان وقعدت معهم
و جلنار تتمشى وهي فرحانة. بالجو وبنفس الوقت تفكر في مسفر وعلاقتهم ببعض لأنه لو يحبها المفروض يخطبها يجي من الباب مو من الشباك وش الي مانعه انه يخطبها
شافت سيارة جاية عندهم وابتسمت يوم عرفت السيارة
ورجعت ماشية تبي تروح تقعد
جيلان ضحكت عليها بخفة؛ اشوفتس رجعتي قلتي بتتمشين
جلنار تخزها؛ اسكتيي بس
YOU ARE READING
عيال خالد
ספרות נוערغلطة من المستشفى تغير مصير ثلاث اطفال اب متعصب ومتكبر من المدينة واب حنون وطيب من الديرة اختلاف شديد بين العائلتين وندم بعد عشرين سنة لاكن هل الاطفال الي كبرو وصار اعمارهم بالعشرين بيتقبلون الواقع؟ ادخلو واستكشفو الرواية ولا تحكمو عليه من غلافه _...
