عيال خالد

البارت 17

قاعد ابو فرح وهو فرحان لابس ثوب
وخلا ام هديل تجهز كيكات وعصيرات وحلويات منتظر جلنار تجي معنو جلنار ما قالت بالحرف الواحد انها بتجي بس هو من فرحته خلاص  و واثق ومتاكد انها بتجي
طلعت سميرة من الغرفة واندهشت يوم شافت الطاولة مليانة ضيافات  وحلويات وابو فرح لابس ثوب ومجهز نفسه قالت وهي رافعة حاجب :منتظر احد؟
ابو فرح:ايه منتظر جلنار
سميرة: هي قالت بتجي؟
ابو فرح: ايه امس قالت اشبك
سميرة ضحكت بخفة :ومصدق انها بتجي وخالد يقولها روحي روحي يا بنتي
ابو فرح:ايه بتجي اكيد
سميرة: لا حبيبي ما ح تجي وهاذا وجهي لو جت الواضح كان انها امس بعد جت بالخب والدس ما شفتها قعدت نص ساعة وراحت وكل شوية. تناظر ساعتهاا
ابو فرح سكت وهو ما يبغي يخرب فرحته: بتجي انشاءالله
سميرة تقعد جنبه: نشوف

جلنار قعدت بغرفتها بالجوال بعد ما خلصت من المواعين وما حست على الوقت ابدد ناظرت للساعة وشافت الساعة 11 وقريب يصير 12 المفروض من زمان نزلت وساعدت امها بالغدا حطت الجوال بسرعة وهي تقول صدق الواحد لما يقعد بالجوال ما يحس كيف يمر الوقت
نزلت شافت امها بالمطبخ فعلآ
جلنار بإبتسامة:تبين مساعدة
منيرة :تعالي غسلي المواعين ذا وبس يقلبي
جلنار: من عيوني، وينها فرح ما اشوفها؟
منيرة :بالحمام (وانتو بكرامة) تتروش
جلنار:اهاه
غسلت المواعين وخلصت
جلنار: انا طالعة للحوش طيب
منيرة:طيب يقلبي
طلعت جلنار للحوش وراحت عند الزريعة تسقيهم لا يجي نيار ويهاوشها لانها ما سقتهم استعجلت وهي تسقيهم
جت من وراها فرح وهي تقول جلناار
جلنار: هلا
ولفت وجهها لها  تشوف وشتبي وانصدمتت
انه القماش الي شرتها هي عشان امها تسويه لها منيرة سوته فستان لفرح ولابسته
فرح فرحاانة: شرايييك
جلنار ما رمشت من الصدمة هي قالت لامها انه انا حطيت القماش بغرفتك معقولة قاصدة سوته لفرح ولا كيف :هاه ....ايه حلو مرة ما شاءالله
فرح بفرحةة : امي سوته لي احس فرحانة لاني لابسة شغل من يدها
جلنار ابتسمت لها غصب ولفت وجهها مرة ثانية تسقي الزرع وهي تقول معقولة امي سوته لها قاصدة ولا كيف طيب ما زعلت بس ليه تسوي كذاا فييني
لا اكيد مو قاصدة هي امي واعرفها ومستحيل تجرحني ولو بكلمة فما بالك تسوي كذا
رجعت دخلت وحاولت تشغل نفسها بشيء لا يخونها الدمعة راحت للمجلس وقعدت تنظف الغبرة وهي كل ما طاحت دمعة من عينها مسحته بسرعةة وتكمل شغلها وهي ساكتةة وتقنع نفسها بمليون عذر وتواسي نفسها بنفسهاا
بهاللحظة سمعت انه نيار ومسفر جو
وجا نيار للمجلس وهو يقول: السلام وعليكم
جلنار قالت بصوت واطي:وعليكم السلام
نيار ناظر فيها معطيته ظهرها قال:فيتس شيء؟
جلنار لفت وجهها له وتبتسم غصب :لا مافيني شيء
نيار عارف فيها شيء  طيب جيبي لي شاي الله يسعدس
جلنار: ابشر
وراحت تجيب له
هنا نيار تاكد فيها شي ذي مستحيل جلنار الي حافظها لا م تتهاوش معه ولا تسوي شيء
راحت جابت له شاي وعطته ورجعت المطبخ
جا خالد بعد وجلس بالمجلس وقعد يسولفو هو ونيار بسوالف الشغل والرجال
وجلنار ومنيرة حطو الغدا
ونزلت فرح وهي لافة المنشفة بشعرها ودخلت المجلس راحت باست راس ابوها:كيفك يبه
خالد: بخير يا عيون ابوهاا
فرح توريه فستانها :شراييك
خالد:تهبلين ربي يحفظتس
فرح:امي خيطته لي هاذا من شغل يدها
خالد :اقري على نفستس يا قلبي
فرح فرحت: إن شاءالله
دخلت جيلان وقعدت ويوم شافت فستانها تعجبت لانها هي تدري ذا القماش اخذتها جلنار كيف لابستها فرح بس سكتت وقالت بعد الغدا بسالها
منيرة جت جلست
خالد: وينها جلنار؟
منيرة: بتجي الحين اخذت الغدا  لمسفر
خالد: طيب
وكمل ياكل