عيال خالد

البارت 28 والاخير

مرت الشهور بسرعةة ومرت على  موت ابو فرح كثيرر تغيرت كثيير اشيااء تفرقو الناس الي كانت سنين العام تجمعهم وابتعدو وبيت خالد الي كان ما يخلى من الاصوات صار ما ينسمع لاحد صوت
اركانها صارت فاضية مافيها الا خالد ومنيرة الي استرجعو ايامهم قبل ينجبو و وشلون فجأة رجعت ذاك السنين الي كانت اكبر هم هو الضنا ،والمختلف ان الحين بدون هم يشيلونه َسوا ان عيالهم يكونو في افضل حال

راجعين هديل ونيار للديرة نزلو من السيارة ونيار يقولها :عبايتكك قفلي اĵزرارهاا
وهديل تقفل الزر وهي تتأفف
نيار : لا ترفعييين يدك يبانو اساوركك واظافرك
وهديل غطت يدها : خلاااص طفشتنيي
نيار : امشي امشي يالله ما عندنا بناات يمشون واظافير وزينتهم باينةة وش يقولون بكرى جت لنا خطيبة نياار وهي متكشخة والزينة طايحة منها
هديل : خل ندخل لاني شوي وشكلي بنفجر منكك
نيار راح ودق الباب
جت منيرة تركضض وفتحت الباب بسرعةة وضمت نيار لحضنها وهي تقول : نياار حبيبيي اشتقتلك
نيار وهو يبادلها الحضن ويشم ريحتها : اخخ اشتقت لريحتس ياالغاليةة
منيرة بعدت عنه وهي تشوفه مربي له ذقن ومتغيير كثير : ومتغير
نيار يمسح على ذقنه :شرايتس
منيرة ضحكت : تهبللل
منيرة توها لاحظت لهديل :هدييل يا حبيبة قلبيي وشلونتس اخباارتس  وش ذا الحلا وشذا الزيين انتي يوم عن يوم تحلوين
ونيار راح عند خالد وضمه
هديل استحت :والله سارقة من حلاتس يا قلبي وانتي كيفك اخبارك
منيرة :بخير بعد ما شفتكم
دخلو لداخل كلهم
وهديل تناظر المجلس فاضي :بعدهم ما جو جلنار وجيلان هاذا وهم من الديرة ونحن من المدينة وقبل الكل وصلنا
منيرة تضحك : جيلان توها عروس معذورةة بس جلنار ما ندري وش عذرهاا
هديل ضحكت : شكله زوجها مو مخليها تجي
منيرة :والله امسكه من اذنه لو ما يخليها تجيي
هديل ضحكت

خالد ضم ولده وهو يقوله :كيفك يولدي اخبارك
نيار مبتسم به:الحمدالله بخيرر والله
خالد :كيف الشغل معك بالمدينة
نيار:حلو وتماام كل شيء انت كيف ماشي معك الدكان
خالد:والله مسفر مو مقصر بشيء شايل عني الدكان  كلها والحمدالله كل شيء تمااام
نيار سكت من سيرة مسفر وهو للحين مو ناسي وش سوا في اخته
خالد:تعال ندخل
دخلو لداخل
ونيار قعد مع ابوه يسولف عن الشغل والمدينة وهم من زمان مو شايفين بعض بس خالد راح المدينة كم مرة وزاره

عند جيلان كانت تحط لها مكياج و واقفة عند المراية تشيك على نفسها اخر نظرة شعرها الي وصل لين نص ظهرها بعد ما كانت تقصه كل فترة
دخل ريان وهو يقول :جيلان بسرعةة والله تأخرناا
جيلان : خلاص بس دقيقة والله
ريان قرب منها :الله وش ذا الزين
جيلان:بعدد لاا تخرب مكياجيي
ريان :ليتك تتزينين ذا الزين لي بعدد
جيلان :توبة اتزين لك نسيت امس يوم طقطقت عليي
ريان:خلاص والله ما اطقطق عليك بس تزيني لي كل يومين نرجع من الشغل تعبان ونرووق على الزيين
جيلان :تمام لو تبطل تتهاوش معي من عيونيي اتزين لك
ريان:فديييت عيونك الحلوه
فجا كذا شم ريحة
ريان :وشذا الريحة الغريبة "ويشم مرة ثانية" كنه في شيء ينحرق
جيلان ضربت خدودها : يا ويلييي نسيت الكيكة بالفررن
وركضت بالمطبخ وهي تطلعه وتشوف كله اسوود
جا ريان  وهو يقول بطقطقة :بشري ان شاءالله ما انحرقت
جيلان تناظر الكيكة :انحرقتت والله "وضربته" بسببك انت لو ما جيت عندي كان ما نسيتها
ريان :طيب انا وش دخلنيي والله جيت والهيتك لمدة دقيقتين والكيكة واضح من شكلها تنادي من ساعتين
جيلان :قصدك يعني انا ما اعرف اطبخ موو قولها ببساططة ليه تلمح
ريان : يا لييل والله ما قصدت كذاا
جيلان زعلت : انقلع انت والكيكة وام العزيمة
ريان تنهد وهو يقول لنفسه : تحمل محد قلك حب وتزوج بزرة هيا الحين روح راضيهاا
راح وقعد جنبها وهو يقول :اقولك قصيدة؟
جيلان سكتت وما جاوبت
قال ريان ببتسامة وسيعة :مشكلتي حبيت وحدة صغيرة
والمصيبة انها هي بعد تعشقني
صارت بقلبي الاولى والاخيرة
واتربعت بقلبي وعيت تتركني
اسرتني بحبها وهي بحبي اسيرة
وعيبها انها ما تقدر تبعد عني
والله انها متعبتني بالغيرة
وبدلعها وجنون شوقها تعذبني
لو تأخرت عليها مشكلة كبيرة
ولو جيت بدري تستغرب وتسألني
وان غيرت الموضوع تفتح سيرة
وان تكلمت تقول لازم تقنعني
ولو اغازلها واناديها يا اميرة
القاها تنقز بحلاها وتعاندني
ولو تركتها، تبان عليها الحيرة
وتجيني تقول ليه ما تغازلني
والله انه قصتي معها قصة مثيرة
وفوق هاذا انا احبها وهي تحبني
والي عمره ما عشق وحدة صغيرة
ما اتهنى بحياته تعال واسالني
جيلان ابتسمت :انا اسوي كل ذاا
ريان :واكثر
جيلان ضحكت :خلاص رحمتك
ريان ضمها لصدره:والله اني احبك حيل ولو فقدت الحيل حتى ببقى احبك
جيلان بادلته الحضن وهي كلها حب للادمي ذا