عيال خالد

البارت 25

دخلت هديل على فرح وهي تقول : فرررح
فرح الي كانت سرحانة :هلاا
هديل :العم خالد موجود بالمجلس ويبيك
فرح رفعت حاجبها :ابوي خالد موجود بالمجلس وش يبي مني
هديل :علمي علمك بس قومي بسرعة
فرح قامت :طيب دقايق بس اغير
هديل :تعالي يا شيخة بلا ملابس بلا بطيخ وشوفي وش يبي منك
فرح طلعت وراحت المجلس
دخلت وسلمت عليه وحبته في راسه
فرح:كيفك يبه اخبارك عساك بخير وكيفها امي
خالد :بخير الحمدلله يا روحي كلنا بخير وانتي اشلونتس عساتس بخير
فرح:الحمدلله زينة
خالد : اسمعي يا بنتي
فرح :هلا يبه
خالد يناظر بعيونها وردة فعلها : :مسفر خطبس مني وهو يبيتس وشارييتس  وهو رجال ونعم فيه وما يعيبه شيء
فرح انصدمتت ولا فكرت ابدد مسفر بيوم يخطبهاا
وقعدت تقول بداخلها معقولةة مسفر الثقيل الي ما يعطي وجه يخطبنيي لا ما اصدقق
خالد :هاه وشقلتي يا بنتي
فرح :هاه "ونزلت عيونها وهي تقول" الي تشوفه انت زين لي
خالد :لا كلمتس انتي هي الي بتمشي والي تشوفينه زين لنفسك هو الي يصير
فرح : طيب بفكر
خالد حط راسها بكتفه ويمسح بشعرها  وهو يقول : كبرتي يا بنتي وصرتي عروس
فرح ابتسمت
وخالد نزلت دمعة من عينه وهو يقول بداخله المفروض الحين اقول هاذي الكلمة لجلنار
يا رب سامحني بس مو بيدي بنتي جلنار والله مو بيدي سامحيني
مسح دمعته بسرعة وهو يبعد فرح عنه :يالله انا الحين ماشي جيت اقولتس  بالسالفة وامشي
فرح:طيب انتبه لنفسك
خالد:انشاءالله يا روحي وانتي انتبهي لنفستس
طلع خالد
وفرح ركضت ركض لغرفتها وهي مو مصدقةة انه مسفر خطبهاا تحسه حلم مو حقيقة
هديل جت عندها وهي تقول بقلق  :وشقاال للكك
فرح مو مصدقة للحين : تخيلي هدييل
هديل مستغربة: وشش؟؟
فرح: تخيلي يا هدييل مسفرر خطبنيي ما اصدقق والله ما اصدقق هذاك الثقيل خطبنيي
هديل ناظرت فيها بعدم تصديق : ميين علمكك؟؟
فرح:ابوي خاالد قالي انه مسفر جا وخطبني منه اخخ يا هديل فرحانةة فرحاانة
هديل : طيب وسعوود
فرح: مو موافقة عليه بوافق على مسفر
هديل مستغربة كيف فجأة كذا الامور تغيرت : كيف كذا فجاة يعني ؟
فرح تنط من فرحتها :انا ابي اتزوج عشان امي ما تاخذني من الديرة وسواء مسفر او سعود المهم ابي اقعد بالديرة خلي اختار الي يعجبني
هديل :يعني بتتزوجين هذاك الخق
فرح مبسووطة: اييه تصدقيين المتلثم هذاك  يويل حاالي يجنن يا هديلل يجننن
هديل : يمه مو مصدقة يا بنتت
فرح : صدقي صدقيي انا بتزووج اخ مو مصدقة
هديل :اهجديي الي يشوفك يقول ميتة تتزوج
فرح:وش اسوي فرحاانة

خالد دخل دكان نيار
ونيار توه يلف للجهة الثاني واول ما شاف ابوه ارتسمت الابتسامة على وجهه وراح عنده وهو يقول : اهلين اهلين يبه تعال اقعد اقعد
حط له الكرسي عشان يقعد وهو يقوله : تبي شاي او قهوة؟
خالد : مابي شي  غير سلامتك تعال اقعد
نيار راح قعد قباله وهو فرحان انه هاذا الزعل الي بينهم بينتهي
خالد : تبي ارضى عليك؟
نيار : وش ذا الكلام اكيد ابغاك ترضى علي وينتهي الزعل الي بيننا
خالد : بطلب منك طلب واذا سويته رضيت عليك تلدنيا والاخرة
نيار : عيوني لك انت اطلب وبس
خالد :طلق جيلان
نيار اتسعت عيونه بالصدمة : وشههوو؟
خالد مثل ما سمعت:طلق جيلان وخلها تعيش حياتها كافي العذاب الي عاشته بحياتها لا تحرمها من حياتها
نيار سكت وهو يقول بداخله لو طلقتها ولا لا هي ما تحبني ولا بتحبني ما تغير شيء : ابشر ما طلبت
خالد :اليوم قبل بكرى تطلقها فااهم
نيار: فاهم
خالد قام وطلع وهو يقول بداخله جيلان وحليت موضوعها وفرح وحليته وعشان جلنار يا خالد؟ ما فكرت ب فرحة عمرك
قلبه متقطع من الي سواه مر من قدام دكان مسفر وهو يشوفه كيف وجهه يلمع للحزن ورفع راسه وطاحت عينه على خالد
مسفر قال بقلبه وهو مو عارف وش الحل الحين :ليه سويت كذا يا عمي ليه سويت كذا والله اني احب جلنار اشلون تبيني اتزوج فرح وانا قلبيي وعقلي عند جلنار يا ربي انا وش سويت في نفسي كيف بطالع في عيون جلنار  بعد الي سويته وش بقولها كيفف اعيشها نفس الشعور مرتين كيف اخذلها وانا داري انه قبلي كانت مخذولة
يا ربي ساعدني والله اني احبهاا اشلون اجرحهاا بهاذا الطريقة القاسية يا ربي