البارت الثاني
طلع أبو عزيز بعد ماتطمن على ولده متوجه للمحل
أبو عزيز : سلام عليكم
الكل : وعليكم السلام
عزيز : اقول يابوي
أبو عزيز: سم وانا ابوك وش بغيت
عزيز ابتسم بخبث : ماودك تزوج هذال وتفرح فيه
أبو عزيز : هذي الساعة المباركة يوم اللي ازوجه
هذال ضاق : مانويت اعرس يابوي
أبو عزيز : وراه مانويت تعرس كامل والكامل الله
هذال : ونعم بالله ، مالقيت بنت الحلال اللي تناسبني
أبو عزيز : الله يهديك ويصلحك
جابر : افا يالغالي اشوفك مادعيت الا له وانا وعزيز وسعد وخواتي وين رحنا
أبو عزيز ضحك : الله يصلحكم ويهديكم جميع ويفرحني فيكم واشوف عيالكم
الكل : امين
جابر : انا برا الموضوع
ضحكوا عليه وبتدوا يشتغلون
عند سعد اللي قام مصدع : اعوذ بالله وش هالصداع
أم عزيز : وش فيك ياوليدي بسم الله عليك
سعد : صداع يايمه صداع
أم عزيز : بسم الله عليك
رهيف : سعد خذ ذي بتخفف عنك الصداع ان شاء الله
سعد : ان شاء الله
أم عزيز : اقول يابنتي جهزتي اشياء الغداء
رهيف : اي يمه كل شي جاهز
أم عزيز : زين الله يعافيس
رهيف : اميين انا بروح اسويه انتي ارتاحي
أم عزيز : هاه ياوليدي شلونك عقب هالدواء
سعد : الحمدالله اشوا
أم عزيز : الحمدالله
سعد : انا بروح قريب واجي لا تحتروني على الغداء
أم عزيز : وين انت رايح
سعد ضحك: قريب قريب
أم عزيز : زين الله يستر عليك ياوليدي
دخلت تغريد على امها : شلونس ياحلوه اللبن
أم عزيز : هلا يابنيتي بخير وانا امك
تغريد : ياجعله دوم
YOU ARE READING
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
