البارت السابع عشر
إنتهت هالليلة الحلوه على خير والكل رجع لبيته والعيال حبوا كلهم ينامون بالحوش
ناصر : ماما ابي انام معهم تكفين شوفي كلهم نايمين هنا
ألهام : بتبرد يابابا
ناصر نزل راسه بحزن : طيب
عزيز شافه : والله ماتروح ان تنام عندنا ما نخليها بخاطرك جيبوا لناصر فراشه حطوه جنب فراشي
ناصر استانس : صدق
عزيز ضحك : ايه وانا عمك صدق يلا تعال
جابر : والله لو يتعب اني لا اطلع عيونك تسمع
عزيز : وش بتسوي يعني ماجايه شي انت اسكت بس ورح لحرمتك وفكنا
انصدم جابر ولف عليه : اعقب يالسلوقي
عزيز : اقول انقلع بس
جابر : والله لو اني مانيب تعبان كان وريتك شغلك لكن اصبر علي الصبح بفرك وجهك فالارض جهز عمرك بس
عزيز : ايه يصير خير رح اخمد بس
هذال : بس انت وياه خلونا نرقد تراي دايخ ترا بقوم اكفخكم الحين اهجدوا عني
سعد : صادق دايخين نبي نرقد مابكم نوم ادخلوا داخل
عزيز : اذلف خلنا نرقد
جابر : قاعد على قلبك ناصر رح لـ امك قل لها تجهز لي فراش وجبه ، انتظرك
ناصر : طيب
عزيز : يليل النشبة
هذال لف عليهم : انتم بتسكتون ولا اقوم
عزيز بضحك : قم
هذال المنزعج : ان قمت والله مايحصل لك خير ارقد احسن لك
عزيز وهو يتلحف بينام : زين زين
جاء ناصر يركض : خذ هذا فراشك تعال هنا
جابر : هاته وانا ابوك
جابر سوا فراشه وانسدح جنب هذال وناموا بعد تعب الملكة
""""
اصبح الصبح وقام أبو عزيز توضى لصلاة الفجر وطلع لقى عياله كلهم نايمين بالحوش وحفيده ناصر قرب عندهم
أبو عزيز : يلا ياعيال الصلاة قوموا صلوا
حس فيه عزيز : أبشر
أبو عزيز : قوم اخوانك والحقوني المسجد لا تبطون
عزيز : أبشر ان شاء الله
أبو عزيز وهو طالع للمسجد : احتريكم
عزيز لف لـ اخوانه : قوموا الصلاة جابر ، هذال، سعد صلاة
سعد وهو يفرك عيونه : طيب
قام هذال : وش عندكم
عزيز : صلاة قم
YOU ARE READING
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
