البارت السادس
بعد ما اخذوا طلبات اهلهم توجهوا للديره
سياف : ماش جوكم بيض اطربونا بقصيد ولا شي
جابر : ياولد لو انا السواق كان اطربتكم لكن اخوك جوه بيض يحب الهدوء شكله
سياف : مالقيت الا ذا عشان تقول يحب الهدوء
نايف : اسكتوا خلوني اسوق
عزيز وهو يضحك بخبث: خلاص اص احنا اسفين ياجدي حقك علينا
نايف انصدم من كلام عزيز : اعقب وانا ولد ابوي
الكل ضحكوا عليه
فيصل : وش نسوي فيك يارجال من ركبنا وانت ساكت ولا حتى اطربتنا بشي
عزيز : صادق النسيب
فيصل ضحك : دامني صادق اطربنا يا عزيز ندري بك شاعر وتحب القصيد
عزيز : لا يارجال فكنا
الكل : الا الا اطربنا تكفى
عزيز : خلاص ازعجتوني امري لله
الكل : ايه هذا عزيزنا الشاعر
عزيز قال :
"لا تنشد الساكت عن شفيه مافيه
تغني عن إسكاته سوالف عيونه
مثل الشجر لـ احتاج إنسان يسقيه
ساكت ونعرف حاجته من غصونه"
الكل: صح لسان شاعرنا
عزيز : صح بدنكم
سياف : وحده ثانيه وحده ثانيه
فيصل : يلا عطنا ثانيه
عزيز قال
"لي صاحب ملعون خير ورجال
بالطيب شيخ وبالردى ينضرب به
راعي صلاة وفيه خبث وسعة بال
يصعب علي المدح واصعب اسبه"
نايف : الله عليك الله
فيصل : صح لسانك
جابر : الله عليك ياكبير
حمد : صح لسان شاعرنا
سياف : صح لسانك ياكبير
سعد : خلاص عاد لا عاد تمدحونه اغار على اخوي ترا
عزيز مات ضحك : فديته اللي يغار
جابر : يشين اللي يغار
عزيز : حدك عاد الا سعد لـ اقوم افرشك هنا
جابر مات ضحك : اقول هش هش بس
عزيز انصدم : قدها
وضحكوا عليهم وكملوا طريق للديره
""""
عند أم غيم : غيم يمه
غيم : لبيه
أم غيم : تعالي وانا امك
غيم : أبشري
أم غيم : روحي المطبخ جيبي سكين وصحن الفواكه
غيم : سمي
أنت تقرأ
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : غزل قراءة ممتعة ?
