البارت التاسع عشر
ببيت العم سلطان
أم غيم : وينكن يابنات تأخرنا على ام عزيز
روابي : جينا يلا ياغيم
غيم بفرح : جيت
ريماز : روحوا لا تتأخرون
لفت غيم بأستغراب : منتيب رايحه معنا
ريماز : لا
غيم : ليه
ضحكت أم غيم : عيب وانا أمتس المخطوبة ماتطلع لبيت رجلها قبل العرس ولا تروح مناسبات
غيم : توني ادري وبعدين ليه ماتروح مناسبات
أم غيم : المخطوبة وانا أمتس اذا طلعت قبل عرسها يسمونها قليله حياء ماتستحي على وجها
غيم بنفسها : يعني لو اتزوج عزيز بيصير لي كذا
روابي : هيه بنت اخلصي امشي
غيم استوعبت انها سرحت : يلا جيت
ريماز : الله يستر عليكم لا تبطون
أم غيم : ان شاء الله
راحوا وبقت ريماز لحالها هي ومنال وجلسوا يتقهوون ويسولفون
منال : الا بسالتس
ريماز : سمي
منال بأبتسامة : كنتي متوقعه هاليوم
ريماز : اي يوم
منال : يوم خطبتس من هذال وانتس صرتي حلاله
ريماز بخجل : ما اكذب عليتس كنت متوقعه لكن ماتوقعت انه هذال
منال ضحكت : افا ليش
ريماز : مدري توقعت اي احد الا هو
منال أبتسمت : هذا نصيبتس وانا اختس والله يوفقتس ويهنيتس
ريماز ضحكت بخفه : امين يارب وياتس
""""
عند أم عزيز وبناتها
أم غيم : سلام عليكم
أم عزيز : وعليكم السلام يامرحبا ومسهلا
أم غيم : مرحبا بتس شلونتس عساتس طيبه وشلون عزيز بشريني عنه
أم عزيز : والله بخير ، طيب جعلتس طيبة لكن حسبي الله على من كان السبب
أم غيم : عسى مهوب يوجعه
أم عزيز : الا بالله لكن خليها على الله وانا اختس
أم غيم : مايشوف شر ان شاء الله
أم عزيز : الشر مايجيتس
تغريد : وين ريماز ياخاله ليه ماجت معكم لها فقده
أنغام : مايصير تجي
تغريد باستغراب : وليه
أم غيم ضحكت : يابنتي اخوتس خاطبها ولا يصير تجي لبيته وهو ما بعد خذاها هذي عاداتنا وانا خالتس
KAMU SEDANG MEMBACA
"ضاع الغزل من ضحكة شفاها"
Fiksi Umumانها أول رواياتي اتمنى تنال اعجابكم للكاتبة : أمواج قراءة ممتعة ?
