البارت الرابع عشر
عند أنغام وفيصل
فيصل : أنغام تعالي بسرعه
أنغام : وش فيك
فيصل : بقول لتس
أنغام بأستغراب : وش
فيصل : ترا بنطلع لبيت اهلي بعد شوي
أنغام : بس مايمديني اسوي شي
فيصل : وش تسوين ياقلبي
أنغام : تدري فيني ما أحب اروح ما اخذت معي شي
ضحك فيصل : ياحبيبتي مهوب لازم كل مارحنا تسوين شي بس ذي المره لا تسوين عشاني
أنغام : أبشر
فيصل : يلا قومي تجهزي وجهزي عيالنا
انغام : طيب
""""
تعريف عائله (أبو فيصل )
سليمان أبو فيصل : انسان يحب الطبيعة والبر وبشوش ويحب احفاده حب عظيم ، عمره 52 سنة
هيفاء أم فيصل : حنونة وطيبة تحب زوجة ولدها وأحفادها وتحب الجمعات ، عمرها 51 سنة
فيصل الابن الكبير تكلمنا عنه في البارتات السابقة
تميم : انسان يحب المغامرات وطلعات الليل والشاهي بنسبة له شي عظيم جداً أعزب ، عمره 28 سنة
أمتنان : إنسانة كوميدية طيوبة ميكب ارتست الديره عزباء ، عمرها 23 سنة
أيناس : عصبية نوعًا ما خوافه جداً ماتحب تسهر لحالها عزباء ، عمرها 20
""""
في حوش العم سليمان
فيصل وهو شايل هتان : سلام عليكم
أبو فيصل : ياهلا وعليكم السلام
أم فيصل : ياهلا ومرحبا
فيصل : ياهلا بتس يمه ، شلونكم
أبو فيصل : بخير وانا ابوك ، شلونتس يابنتي
أنغام : ياهلا بعمي والله بخير انت شلونك بشرني عنك
أبو فيصل : بخير دامتس بخير يابنتي ، فيصل وانا ابوك عطني هتان
فيصل : أبشر
أم فيصل : يامرحبا ببنتي شلونتس ياعيني شلون امتس وخواتس
أنغام : والله بخير انتي شلونتس عساتس طيبة يمه
أم فيصل : بخير ياعيني
أنغام : ياجعله دوم
طلع تميم للحوش وشافهم : وانا اقول وش فيه البيت منور اليوم ، أرحبوا
فيصل : البقى يالله حيه شلونك
تميم : والله بخير شلونك انت
فيصل : نحمد الله
أنت تقرأ
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
