သေဆုသာ ပန်ပါရစေ အရှင်မင်းကြီး (Completed)

အပိုင်း ၁၄

စိတ်ရောဂါအထူးကု ဆေးခန်းမှ မာတင်က ပြန်ထွက်လာသည်။ 

အလိုမကျနိုင်သော မျက်နှာဖြင့် ကားထဲသို့ဝင်ကာ ခြေပစ်လက်ပစ် ထိုင်ချလိုက်သည်။

ကားအရှေ့ခန်းတွင် ဒရိုက်ဘာ ဘေးမှာထိုင်နေသော ကိုရဲက မာတင်၏မျက်နှာပေါ်က စိတ်အလိုမကျမှုများကို နောက်ကြည့်မှန်ကနေ တဆင့် လှမ်းမြင်လိုက်မိသည်။ 

မာတင်၏ နက်က်တိုင်ကြိုးကို လက်တစ်ဖက်ထဲဖြင့် ဆွဲဖြည်နေရင်း

"ကိုရဲရေ ကျွန်တော့်ကို နောက်ထပ် ဆရာဝန်တစ်ယောက် ရှာပေးပါ". . . .

'ဟုတ်ကဲ့ဆရာ'

>>ထင်တဲ့အတိုင်းပဲ . . ဒီဒေါက်တာကိုလည်း မကျေနပ်ဘူးထင်တယ်. .။ ရှိသမျှ အတော်ဆုံး အထူးကု ဆရာဝန်တွေကိုလည်း လိုက်ပြနေတာပဲ.။ သူတကယ်ပဲ အရူးရောဂါ ရှိနေလို့များလား. ။<<

'ဆရာ . . အခု အိမ်တန်းပြန်တော့မှာလား. .။ 

ဒီနေ့ အောက်တိုဘာဖက်စ် ရှိတယ်ဆရာ . .Area 51 ဘားမှာ ကျွန်တော်တို့တွေ VIP card ရထားတယ်. . ဆရာအဲတာ သွားချင်မလားလို့'

"ဘယ်မှ မသွားချင်ဘူးကွာ . . ငါအရမ်းစိတ်ရှုပ်နေတယ် အိမ်ပြန်မယ်. . ဘားတွေဆို လူတွေ ရှုပ်ရှုပ်ရှပ်ရှပ်တွေနဲ့"

စိတ်ဓါတ်ကျနေသော လေသံဖြင့် ပြောလေသည်။

'သြော်မဟုတ်တာ ဆရာကလဲ. . ဆရာလည်း အခုတလော အလုပ်တွေများနေတာ ဆိုတော့ နည်းနည်းပါးပါးလောက် သောက်ပြီး စကားလေးဘာလေး အပျင်းပြေ ပြောကြရင် စိတ်ဖိစီးမှုတွေ လျော့သွားပြီး. . ဆရာများ စိတ်ကြည်သွားလေမလားလို့ . .။ 

ဒီလိုလုပ်ပါလား. . အဲ့ဒီ့ကို မသွားလည်း ကျွန်တော်တို့ ၂ ယောက်ထဲ အေးဆေး ထိုင်သောက်လို့ရတဲ့ နေရာလေး တစ်ခုခုလောက် သွားကြမလား ဆရာ. . '

မာတင်က လေသံပျော့ပျော့လေးဖြင့် ပြန်ဖြေသည်။

"လုပ်လိုက်လေ. . ကိုရဲ အဆင်ပြေမယ်ထင်တဲ့ နေရာတစ်ခုခုဆီသာ သွားပါ"