شخصية إيجار.

5- كيف تصبح كلبًا بدون روت.

الشخص الّذي بدأت مشاعري تتحرك نحوه.. ابتلع إحدى مُركبَّات والدي.

المعنى الحقيقي لسقط الحظ من السماء فوقع على رأسي فكسرها.

ركضت للخارج بالطبع قبل أن يبتلع باقي الكوب مثلما كنت أفعل، نظر كليهما ليّ بدهشة متسائلة لماذا أركض من الأساس فسرعان ما أجبت بتوتر وأنا أشير نحوه وعيناي بين هذا وذاك:-
"يوسف شرب المُرَّكب.. فِضة بدلته بالمايه!"

توسعت عيناه بدهشة وهو يدور بنظره لي ولأبي بينما ينطق:-
"يعني إيه! هو حوار المُرَّكبات ده طلع بجد!"

"أنتَ مكنتش مصدقني!!"
قلتها بهجوم مستنكر فوقف والدي يقطع حديثنا ذاهبًا ناحية معمله ثم للمطبخ عندما قالت له أمي مكان التواجد ليرى ما الناقص ممّا يصنعه بينما يقول:-
"استنو بس مش لما نعرف هو شرب إيه الأول!"

ذهبنا جميعنا خلفه وكذلك كان يوسف الّذي تعتليه ملامح مصدومة ومال ناحيتي قليلًا هامسًا:-
"لأ بس قمر وأنتِ متوترة."

توسعت عيناي بدهشة ممّا أسمعه منه في موقف كهذا وهمست أجيبه بغضبٍ:-
"أنتَ شارب مُرَّكب يخليك في عالم موازي ولا إيه! إحنا في مصيبة دلوقتي."

"طالما هتبقى معاكِ معنديش مانع."

من الواضح أنه ابتلع إحدى المُرَّكبات الّتي تجعله رومنسيًا أكثر مما كان عليه.. الوضع لا يُحتمل صراحةً!

التفت أبي إلينا يمسك بأحدى الزجاجات الفارغة والتفت إلينا متنفسًا الصعداء:-
"الحمدلله جت سليمة."

نظرت إلى الزجاجة أحاول قراءة أسم المُرَّكب وسرعان ما ارتفع صوتي صائحًا بسعادة تلقائية:-
"ده المُرَّكب اللي مختاراله الأسم!"

سأل يوسف:-
"أيوه يعني إيه مش فاهم، طفحت إيه أنا بردو؟"

"ده مُرَّكب 'كيف تصبح كلبًا بدون روت'.. اسمه creative 'مختلف' جدًا لو تلاحظ لأني مختاراه بعناية."

"بعناية إيه! أنتِ بتهزي يا دينار! كلب إيه! أنا هبقى كلب!"

"مجرد تشبيه يعني متأڤورش! حاجة كده كناية عن الوفاء.. وبعدين مالها الكلاب! دي أحسن مني ومنك!"

قطع حديثنا والدي عندما لاحظ دفاعي في النهاية بعصبية قائلًا:-
"بس بس أسكتم كده أنا صدعت! تعالو نطلع برة هشرحلكم كل حاجة متنفعش وقفة المطبخ دي."

اثناء مغادرتنا أخبرته:-
"آه صحيح يا بابا.. المُرَّكب بتاع آخر مرة اللي افتكرته بيبسي ده.. طلع ليه مفعول."

جلسنا في ذلك الوقت ليسألني مترقبًا:-
"أستر يارب.. إيه تأثيره؟"

"كان بيخليني آخر حد في الشغل قبلي.. لما رحت الشغل يومها حسيت إني مكنتش أنا وكنت بتعامل بطريقة غير طبيعتي نهائي ومعرفش إزاي أنا كنت بتعامل كده أصلًا.. عرفت من واحدة كده إني شبه يوسف.." قلتها وأنا أشير لذلك الجالس بجواري ومن ثم اكملت "ومن بعدها جربت شغل تاني لقيتني بتقمص شخصية تانية تمامًا.. واحدة كده استغفر الله ربنا نجاني من تلزيق المرتبطين ده أخيرًا وحاليًا بقى أنا عاطلة عن العمل وأبحث عن شغل بس مش مع كلام في الحب لأ عايزة شغل بجد أقبض منه عشان مرتبي خلص وهشحت منك باقي الشهر."