غلطة تضحيه

البارت الثاني

أملك تعابير رائِعة تُخفي تمامًا أني الشخص الذي ذاق كُل تِلك المَرارة .

..................

عادتاً تجهل الامهات ان القدر الذي تعيشه سوف يتكرر وتعيشه بناتها ان الاذيه الذي لاقتها لابد ان تتأذي بها بناتهم لابد ان يأتي يوم فتشرب بنتها من نفس الكأس الذي شربت منه ..

لان بكل بساطة الام مدرسه فلا بد ان يأتي يوم ان يعيشو حياتها ويكررو اخطائها

وانا من وجهت نظري ان البنت معكوس لماضي امهاا ..

كانت امي تعيش عند عائله تتكون من ثمانيه بنات بدون اخ عاشت حياة بسيطة حياة اهلنه القديمين ع كولتهم يوم حلو ويوم مر ..

تزوجت خالاتي وبقت امي م اجت قسمتها عاشت وهي تخدم امها وابوها ومنتظرة نصيبها ..

في احد الايام ماتت احد خواتها اثر مرض الله يرحمها حيل حزنت امي عليها واجدادي وبعد فترة من وفاتها سمعو بيت جدي ان زوج خالتي جاي يبحث ع زوجة لتربي اطفاله ..

كانت خالتي عدها اثنين ولد من ماتت كان عمرهم لم يتحاوز ال12 سنه ..

فبيوم امي كاعدة صاحلها ابوها ..

بيداء: تفضل بويه امرني ..

ابوها: كعدي بعد ابوچ عندي سالفه اوياچ ..

اجت كعدت امي وهي تباوع الابوها وامها بأهتمام تريد تعرف شنو السالفه ..

الاب: انه اعرفچ بويه انتِ كلبج كلش حنين وخصوصا ع خواتج وتحبينهم اكثر من روحج مو صحيح بويه لو انه غلطان ..

بيداء: خواتي هذول شلون م احبهم بويه ..

الاب: ورويدة ..

نزلت راسها وغوركت ادموعها وهي تكول الله يرحمها ..

الاب: بويه انه جايج بسالفه ويا ريت تفكرين وم ترديني ..

بيداء: كول حبيبي ..

الاب: مثل م تعرفين زوج اختج رويدة الله يرحمها لزم خاجيته وخلاها ع عيونه وكعد يبجي ويمسح بعينه

م تحملت منظر ابوها وامها وهمَ يبجون بجت اوياهم ..

وخر الخاجيه ومسح ادموعه وهو يكول انا لله وانا اليه راجعون اي يا بويه سمعتي زوج اختچ يدوره ع مرة وانه الصراحة كلش م مرتاح كلبي يزوج غريبه واولادها يعيشون تحت رحمتها ..

فليش يا بويه م تزوجي انت وتربيهم ماكو احن من كلب خالتهم الي هيَ بمثابه امهم عليهم ..

بيداء: رفعت راسي متفاچئه بالي سمعته كان عمري م يتجاوز ال20

سألت ابوي متفاچئه بابا شلون ازوچ فارس وهو اكبر مني ب25 سنه؟ !!

للحكايا بقايا ..

#غلطة تضحيه

شوگ