غلطة تضحيه

البارت احدى عشر

هَلي ماريَد عمري يطول هَلي كون العمر يَگصر
گضت عَشريني بَس شَـوغات چا المن بعد اكبر

.....................

لم تكون حياتي الجديدة سهله عليّ ابدا فان اعيش مع اشخاص م حبيتهم ولا استلطفتهم ابدا خصوصا احسان جنت حيل اكرهة وم كدرت اتقبله كلش ..

كانت حياتي عبارة عن مشاكل انه واحسان اخلص منه تطلعي زوجة ابنه وم اعرف ليش تكرهني وليش هل خباثه اوياي ..

لكن كلها سهل يم نظرات ابنه الثاني وانه اشوف نظراته المقززة او محاولاته وهو يتحرش بيه الا درجة فقدت الامان وحتى م اكدر ارتاح ساعة وامن ع نفسي واغمض عيني ..

يوم جنت كاعدة اطبخ غدة اجت زوجة قصي العلج بحلكهاا ومدري شلون تمشي ..

ندستني بصبعها بضهري وكالت شنوو اليوم طاوبخه اشم روائح طيباا ..

جاوبتها سم وزقنبوت تردين ؟

_اوععع لا هذا الج مو اولنى ..

انه نفستي تعبانه وهي جاية تتمضيك وجر الكلمة بالكوة كضيتها من دشادشتها وشمرتها برة المطبخ تولين مني ترا م ناقصتچ ..

رجعت اطبخ م احس الى اندفعت المركة حارة بحيث من القوة الدفعه غطيت ايدي بيها روحي شاغت كعدت اصرخ من كل كلبي احس الحرك بكلبي مو بيدي ..

ركض احسان الي شاف حالتي بسرعه اخذني ووداني للمستشفى احس انتهيت الحد م نضفوها وعالجوها ايدي احس اتشوهت ..

رجعت للبيت وانه الشهكة مجلبه بيه ع كد م بجيت

دخلني للغرفه نومني واجة نام يمي ..

م انكر تصرفاته وحنيته اوياي بحيث انه من اهلي م شفت هيج حنيه واهتمام بس انه جنت م احبه فالتصرفات الي تطلع مني غصب لا ارادية ..

بقه يباوع الوجهي غمضت حيلي مهدود نزل راسه يم اذني وهمس ..

دكيتلج بكلبي وشم

حجيت بداخلي رحمتك ربي بدة التمسلت

حسيت عليّ تقرب راد يبوسني بسرعه بعدته ودرت وجهي لزمني من شعري وباسني غصب بعدته مني وروحي لعبانه بسرعه ركضت اتقيء

اول م طلعت من الحمام لكيته واكف منتضرني لزمني من شعري وهو يكول تلعب نفسج مني والله اليوم انعل عشيرتچ

انكتلت كتلة محترمة تناسب هل يوم العضيم باوعتله وكتله مو توگ وشم وبكلبي شو خربنه

تفل عليّ وطلع

رجعت نمت ولا كأنو توة مكتوله وجايه من المستشفى وايدي محروكة ..

امانه الله حيل اهتم بيه وخطيه م خله دكتور وهو موديني الا حتى يعالجها وم يبقي اثر كان تعامله كلش زين اوياي وشنو تردين وامري بس انه جنت م اطيقه ..

يوم صار عدهم عرس وانه م قبلت اروح كلهم راحو م بقى احد بالبيت فكل ضني انه وحدي فأخذت راحتي لبست ملابس م مستورة فتحت شعري مكيجت نفسيتي تعبانه احاول اغير مودي واطلع نفسي من الكابه الي ماليه روحي ..

م احس الا الباب انفتح ويدخل ابن زوجي الثاني بقيت مصدومة وهذا يباوعلي بنظرات خبيثه بسرعه صرخت وكتله اطلع برا

سد الباب وتقدم بأتجاهي ..

للحكايه بقايا ..

#غلطة تضحيه

شوگ