غلطة تضحيه

البارت الاخير

اريد ارتاح لو ليله..
ياهو اليخسر حجايه ..
ويكلي شبيك واحجيله ..
ياهو اليشتهي عيوني ..
وافرغ ضيمي واحجيله ..

......................................

بقيت اصرخ باعلى صوتي احسان ماما بابا ساعدوني محد يسمعني ..

لزمني من جتفي ورماني ع الجربايه قاومت ضربت بكل م عندي من قوة بس كان اقوة مني م كدرلتله م احس الا ونشال من عندي

احسان جان مصدوم يباوعلي ويباوع الابنه حجة بصوت عالي فهموني شنو جاي يصير هنا ..

عيسى: بابا والله هي صاحتلي اجي الغرفتها ومن اجيت شفتها بهل منضر م كدرت اقاوم هيَ اصلا طلبت مني هل شي ..

بقه يياوعلي وهو يشوف انه بملابس بعمري م لابستهم كباله بترتيب ومكياج م يوم رتبت نفسي هيچ اكيد يصدك ابنه وكل الادله تثبت صحة كلامة جر ابنه خارج الغرفه قفل الباب نزع الحزام وبدة يضربني من كل كلبه اصرخ اتوسل احلف مالي دخل م يسمع مني ..

جرني مدري شنو لبسني وذباني اباب اهلي وراح ..

دخلت الاهلي منتيهة من الضرب بقيت اتوسل حتى نزلت ع رجل ابوي بستها يخلصني منه م قبل يطلكني منه م اعرف شنو الي صار وشلون اقتنع بعد اسبوع اجة رجعني رجعت غصبن عني شسوي م باليد حيله ..

اول م دخلت الغرفتي سحبني يريد يتقرب مني دفعته وانه ابجي ..

احسان:لزمني من شعري ويكلي ابني يعجبج بس انه لا ..

دفعته وانه ابجي اكرهك واكره ابنگ خلصني م احبگ م اطيقك لو انت رجال طلكني ..

رجع يضربني ملخني تملخ جانت عندة قاصه مخلي بيها مسدس انه شايفته ركضت عليهاا طلعته وكتله والله اذا م تبتعد مني اكتلك واكتل نفسي ..

بقة يهدي بيه وياسمين عوفي ياسمين تعوذي من الشيطان ياسمين الي بيدج خطر مو لعبه ..

اطلكني ..

يجارالج بس عوفي ..

عفته اجة شبكني ويمسح ع ضهري ..

شنو الي تردي يا بويه ..

بجيت وانه اكله اطلك ..

_م اكدر احبچ والله حبيتج ياسمين ..

_كافي صارلي تلث سنوات وانه م مرتاحة وم كادرة احبگ واعيش اوياك طلكني ..

_راح اتغير والله ع مودج شنو تردين اصير ..

_عادي ابقى بس بشروط ..

كلهن اوامر ..

تكعدني ابيت وحدي م اريد ولا واحد من ولدك يمي ..

رفع وجهي مسح ادموعي وهو يكول اصلا انه قررت ازوج عيسى واكعدة هو واخو بغير بيت  بس يبقى محسن يمي اصغير م اكدر ابعدنه ..

_تمام ...

_بعد؟

_و ارجع ادرس ..

_من عيني من باجر ادورلج مدرسه اهليه وداخلج بيها بعد شنو تامرين ..

_تترك شرب ..

هاي هيَ بعد م اشرب بعد؟

نزلت عيوني وانه ابجي هاي هيَ م اريد شي ..

_بس انه هم عندي شرط ..

_شنو ؟

_اريد طفل منچ هو اخذله فترة يلح عليّ ع مود طفل حسباله من احبل اجر عدل بس جنت رافضه كلت مستحيل اورط نفسي اكثر بطفل ..

باوعتله وكتله اخلص سادس واطلع معدل وتدلل ..

لمني الحظنه وهو يكول كافي لا تبجين ..

وفعلا بعد اسبوع ازوج ابنه م اعرف شلون سواها بحيث خطبه وعرس بأسبوع وطلعو وحدهم ابيت وبقيت انه اويا ومحسن ارتاحيت اوياهم بديت اعود نفسي حتى اتقبله م اكدر لازم ارضى بواقعي حتى اعيش ..

سجلت وقدمت خارجي سادس وبقيت ادرس من كل كلبي م افوت ثانيه بدون م ادرس والحمدلله حاليا انه طب مرحله ثالثه ..

هاا نسيت اكلكم صارت عندي بنوته سميتها حوراء والحمدلله ع كل حال ...

مرات احنه نضحي بنفسنه وبسعادتنه ع مود غيرنه ومرات الضروف والحياة هيَ الي تجبرنه انكون مضحين بالحالتين ممنوع الاستسلام حاولو تغيرون قدركم وتحققون احلامكم ..

ودمتكم بخير

النهايه ...