غلطة تضحيه

البارت السادس

هَلي يَاهو يَشيل حَزني
ويَرسم الضحكَة أعلىٰ شَفتي؟؟

..................

اجة لزمني من شعري بقوة حسيت شعري اتكطع بيدة وهو يصيح انتِ مو اختِ وم اتشرف بيچ اخت انتِ بنت مرة ابوي ..

هنا جانت صدمتي امي ع الرغم من حجم الاذيه الي جانت محصلتها منهم خصوصا محمد بس والله اداريهم مثل ولدها عمرها م قصرت اوياهم بشي اضافه ولا مرة حجت النه وكالت هذول ولد اختي لو مو ولدي كله تصيحلهم يمة ع الرغم م محصلة منهم بس عدم الاحترام وسؤ المعامله ..

تركني وانه كل شبر بجسمي يأذيني غير وجع ايدي الي موتني ..

بقت امي واختي تمسح بوجهي ومكابلاتني ويبجن وانه اون واصرخ من وجعي الحد م شرف ابوي ههه ابوي الكلمة الصح للشخص الغلط مو كل شخص يسمى اب اكو اشخاص حرام عليهم هذي التسميه وم يستاهلوها ..

اجة اخذني للمستشفى وعالجو ايدي وطبعاا جذبت وكتلت جاي اشفط بالماسحة والكاع كلها ماي وزاهي ووكعت وجانت وكعتي ع ايدي ونكسرت حتى لا يتأذى استاذ محمد ويستمر بأذيته النه ..

من رجعنه محمد ذب عليّ سوالف انه شخصياً بقيت مصدومة منها واكول هاي شوكت بقيت اصرخ واكول والله جذاب انه م مسويي هيچ بس تتوقعون يجذبونه ويصدكوني اكيد لا هل شي الي خلاني اترك ادراستي واكعد بالبيت ..

اختي رفضت هل شي وراحت حظنت ابوي وتبوس بي وبابا وحبيبي كلش شاطرة بهل صفه وتكدر تكتسب تعاطف غيرها بثواني بحيث خلت ابوي يكول صح هيَ مو نفس ياسمين ياسه تكمل وياسمين تبطل صرخت لطمت بجيت محد سمعني وكالو تبطل يعني تبطل ..

وخلصت حياتي وانه اشوف احلامي الي جنت راسمتهاا راحت اشوف اختي تدرس وانه انظف الليل اخلصه شابكة كتبي وابجي ..

الحد م اجة اليوم الي م متوقعته ابد

جنت كاعدة وصافنه مدري شنو افكر

اجت ياسه كعدت يمي وهيَ تهمس ..

ياسه: ياسمين يمكن راح يزوجوج ..

ياسمين: يا ريت والله بلكي اخلص من اهلج والعيشه الي انا عايشتها بلكي يطلع خوش زلمة ويعوضني عن كلشي شفته بلكي يرجعلي دراستي واحقق حلمي بمساعدته ..

ياسه: دنكت راسها وهي تكول للاسف م تعرفين منو خاطبج ..

_منو ؟

للحكايه بقايا ..

#غلطة تضحيه

شوگ