غلطة تضحيه

البارت التاسع

وهلي كل ظيم كلبي هذا منكم ..

...................

اعتذر الشيخ عن العقد وكال الابوي بنتك م تريد تزوج وحرام اذا تجبرها ..

بقي ابوي واحسان مصدومين طلع الشيخ التفت احسان وهو يكول الابوي مو هيج اتفاقنه فارس ..

فارس: لا الظاهر م عرفت اربي انطيني كم يوم وانه اتصل عليك ..

باوعلي بنظرات م عرفت افسرها حك لحيته وهو يكول تمام بس مو تتأخر ..

طلع شردت البد بغرفتي ..

بس لاسف لزمني محمد قبل ابوي م عرفت الضرب منين يجيني متت بيدهم اجت ياسه وامي يفكني طبكوهن اوياي وكتلوهن خطيه جان مهيمن م موجود فدخل شاف بشاعه الجريمة الي جاي يسووها بحقنه بدون اي سبب حتى يبرر فعلتهم وكف يدافع عنه وتعارك وي ابوي ومحمد صح حصل المقسوم منهم بس الحمدلله كدر ينقذنه من ايدهم ورحنه تلاثتنه دخلنه الغرفه امي شابكينها وهي تبجي واحنه نبجي ..

شهر كامل احتارو شلون يأذوني شهر عشت بي من اسؤ الشهور بحياتي وكل هذا انه مقاومة ورافضه هل زواج الحد م تعبت تعبت نفسيتي جسمي كام م يأذيني ع كد م تعودت ع الضرب بس شفت اختي وامي تأذو اوياي انطيت موافقتي وانه اعرف بهل موافقه وقعت ع موتي ..

اليوم اخر يوم عند اهلي وباجر لازم اودعهم وانتقل الى حياة ثانيه حياة زوجيه همَ يسموها بس انه سميتها الموت البطيء كاعدة بغرفتي وبس ادموعي تشرح ضعف حالي وحزني نامو كل اهلي قررت انهي حياتي ولا ازوج ع الاقل اموت وارتاح ولا ابقى كل يوم اموت من الوجع وانه عايشه ..

رحت للمطبخ فتحت ثلاجة اهلي وجمعت شكو حبوب موجود بيها وشربته شربت كميه كلش جبيرة اثناء م جاي اشرب اجت امي وشافتني ..

صرخت بعلو صوتها ع اثرها اجة ابوي يركض ..

انه من خوفي والتوتر الي جنت عايشته وانه اعرف راح اموت وانهي حياتي بفعل يغضب ربي ويخسرني مو بس دنيتي حتى اخرتي اضافه ان اهلي عرفو صار الخوف مضاعف عندي الى درجة من التوتر سقطت مغمى عليّ ..

للحكايه بقايا

#غلطة تضحية

شوگ