غلطة تضحيه

البارت الخامس

هَلي شَمدريني تَالي سَنيني بَس لَوعات؟

...............

واجيت وانه واختي للدنيا اختي اسمها ياسه الي اكبر مني بكم دقيقه وانه اسمي ياسمين كبرنه وشفنه الحقد والكره من ابوي واخواني البقيه ..

جنة حالنه حال اي طفل ثاني نحب نلعب نركض نصرخ نصيح بس اذا طلعنه صوت ننظرب بعنف ..

مرة انه واختي وحدة مكابله الثانيه وكاعدين نلعب بلعابات صغار وانه اكلها بنتي احلى وهي تكلي لا بنتي احلى ..

طفلات وم نفتهم فتعاركنه ع هذي السالفه الا درجة بدينه انصيح بصوت عالي م احس الى انشاليت من شعري ع رغم من صغر سني بذاك اليوم الا ان لا زلت احس بالاذيه الي حسيت بيها بذاك الوكت ..

احس شي طگ براسي من شالني التفتت وانه اشوف ابوي
نزلني وضربني راشدي وضرب اختي اختي بسرعه بجت الا انه ع كد الضرب الي جنت اتعرضله صرت م اهتم ولا اتوجع واصلا م ابجي فبقيت اباوعله بنظرات باردة اجة لزمني من شعري وعتني حيل منه ليش م تبجين؟ !!

يضرب راشدي ويكول ابجي وانه صافنه عليّ م نزلت دمعه من عيني ..

اجت امي جرتنه لزم امي كتلهاا كتله الحد م طاحت مغمي عليها واحنه كاعدين يمها نصرخ ونبجي ..

فمن هذا الموقف واحنه صرنه بس نسمع ابوي يجي اخذ اختي ونركض نلبد بغرفتنه ..

كبرت بهذي العائله وانه م شفت لا حُب ولا امان جو اسري كلش خاطئ جنت انه واختي م عدنه غير كتبنه نرجع من مدرستنه نلزمهم الحد م انام فكلش جنه شطار وجنت حيل احب دراستي جان حلمي اصير دكتورة ..

وع الرغم من الحياة المئساويه الي جنة عايشينها بس جنت راضيه ومتحمله ع مود دراستي ورافضه فكرة الزواج رفض قاطع ..

جان عندي محمد ومهيمن من ابوي مهيمن كلش هادئ ما الا دخل بالبيت وشنو صار بي يطلع م يرجع الا تالي الليل م نعرف وين يروح وشنو الي يسوي الا محمد جان مكابلنه اربعه وعشرين ساعه وفنه اذا زلينه بشي يا ويلنه وهنا انكتب موتنه ..

مرة كعدنه الصبح اختي مريضه م كدرت اداوم انه اصريت الا اداوم م اكدر اغيب واعوف دروسي وبدلت واتجوهت المدرستي من رجعت لحكوني اثنين شباب انه بسرعه نزلت راسي وامشيت بكل م عندي من سرعه م احس الا محمد جرني

محمد: ولج شعندج وي هذول ومنو همة وليش لاحكينج ..

رجفت بسرعه وانه اكله والله م اعرفهم جنت امشي وهمَ بقو يمشون وراي ..

م سمعني وسحلني سح للبيت بوقتهاا خبص البيت خبص علينه يصيح هاي بتكم الي مخلينها بكيفها اطب وتطلع تالي تواعد ولد وتمشيهم وراها ولجن ترا محسوبات عليّ تردون تنزلون راسي يصيح ويكسر رجع عليّ شبعني كتل الا درجة م اعرف شلون لوة ايدي وانكسرت بقيت اصرخ من كل كلبي من الوجع ..

ياسمين: والله م مسويه شي محمد عوفني والله م سويت شي ..

محمد: وانه انتضرج اسوين شي يالله اتحرگ ..

رجع يضرب بيَ ..

صرخت يمة راح اموت تعالي لحكيلي ..

جان مدخلني بغرفتي وساد الباب ..

رجعت اباوعله واتوسل بي كافي محمد انه مو اختگ ليش اسوي هيچ بيه ..

يمة لحكيلي يمة م اتحمل الوجع بعد ..

للحكايه بقايا

#غلطة تضحيه

شوگ