غلطة تضحيه

البارت الرابع

‏آنهَ الضَآعن احلامَهَ طيّور
‏آنهَ الخلصَن أسنَينهَ أنـذور.

...................

م جان خبر وفات اهلها سهل عليها لا ابد الشي الي خلاها ترفض الظلم تتمرد وم تسكت ..

كعدت بالكاع وهي تبجي وتلطم لان م شايفه اهلها وماتو بدون م اشوفهم م خلت شعر ولا وجه لا ملابس م عرفت شنو اسوي وشلون تعبر عن حزنها

كامت وراحت تركض ع فارس وهي تكلله كله منگ كلهه منك انت السبب انت م خليتني اشوف اهلي ..

بقت تضرب ع صدرة وتصرخ بأعلى صوتها سرعان م انسحبت ايدها بقوة

التفتت وجان اشوف ابن اختها محمد

محمد: هي انتِ ترا دوختينه اهلج ماتو روحي ابجي ابيتكم وبعد اذا مديتي ايدچ ع ابوي اكسرها ..

وخرت من فارس وبقت تباوعله بصدمة

بيداء: ولك انه امك شلون تحجي اوياي هيچ ..

محمد: انتِ مو امي امييي ماتت

بيداء: ولك انه ضحيت بحياتي وشبابي ومستقبلي ودفنت روحي ع مودكم هيج اجازوني ..

محمد: هههههه ع مودنه صدكتج ..

ببداء: تفووو عليك وع الساعه الي شفتگ بيها يا حسافه والله ع التعب ..

راد يطكها لزمة فارس وهو يكله لا لا بابا عوفهاا خطيه متأذيه ع اهلها نربيها بعد الفاتحة كومي بسرعه بدلي خلي اخذچ ..

خلصت فاتحة اهلها وهنا بيداء شافت الضيم جانت بوقتها حامل من غير شغل البيت وتطلبات محمد ومهيمن وفارس بحيث من التعب تبقى تون من رجليهاا ..

هذا وكله اي خطأ تسوي لازم تحصل المقسوم من فارس ..

صبرت لان م بقالها بهذي الحياة غيرة ..

بيوم وجع مو طبيعي لزمها اول مرة تحبل لا تطلع لا اطب حتى تسأل وتتعلم من غيرها مكابله اربع حيطان وكاعده م جانت تعرف انُ جاي تطلك فخلصتها خطيه بس تفتر لو تنام لو تكعد تريد ترتاح ماكو وفارس بالشغل وم عدها تلفون حتى تخابرة الحد م اجة هيَ روحها طالعه ..

فارس: بسرعه صبي غدة جوعان

ركضت ولزمت ايدة وهي تبجي الله عليك ساعدني راح اموت ..

لزم وجها لفه يمين يسار وكلها لا بعدچ مو يومچ ..

بيداء: فارس يمكن راح اجيب اخذتي للمستشفى صرخت من الوجع فارس الحكلي ..

فارس: اي صبري الحد م اتغدة ..

بقت تبجي وهي تكله هو يا غدة حتى م مسويه ..

اجة وعت شعرها شنو م مسويه غدة  ع شنو مخليچ هنا ست ..

بيداء: بس اخذني خلي ارتاح من الوجع وارجع اسويلك غدة ..

نتر بيها وهو يصكعها ع راسها شوكت تموتين وارتاح منج روحي بسرعه لبسي خلي اخذچ ..

راحت امي وصدمتها الي جانت م متوقتها هو ان الله رزقها بتوم واثنيهم بنات ..

اول م عرف ابوي

كال شنوو بنات م اريدهم رجعوهم ..

للحكايه بقايا ..

#غلطة تضحيه

شوگ