جمعه مباركه..ونسالكم الدعاء والفاتحه لروح اختي(سجى)وايضا لا تنسو دعم
المحاضرين المجانيين ونصرت قضيتهم فل أستنصار ليس فقط في الطف النصره في كل وقت يحتاجنا المظلوم...
......
حين تحكي أسمهان
نازك الحمراني
كأن الأرض راكمت ترابها كلّه فوق صدري،
فما عدت أستطيع التنفس أو حتى إبعاده عني لأعاود القيام والمواجهه، أحتاج يدك لتمد لي العون أحتاجها وبشدة لتكون لي وطنً.. وسلامً.. وسكينةً..
أحتاجها كما أحتاج هواء هذا الكون كله كي أعالج ضيق صدري وضعف تنفسي، أحتاجك كما أحتاج الماء كي أطفأ شعلة النيران المشتعلة في قلبي، أحتاجك وأنتظرك وماعدت أملك سوى الأنتظار… هل تعيّ؟!!!.
حاطة موبايلي جوة ايدي وكاعدة اسولف وية نانا طيبة حيت بي يهتز وبعدين بدة يرن شفتو طلع توريفار يتصل ..
تذكرت سوالفو وكرهت اجاوبو ردت انطي لنانا بس اتذكرت جوان راسا بعدت ايدي ورجعتو الي
نانا ـ منو ديخابرج توريفار
ـ ها… اي نانا
ـ انطينيا احجي وياه
ـ ها… أ ..
ـ براحتج خاله خاف متحبين احد يلزم تلفونج
ـ لالالاا والله مو هيج قصدي بالعكس ياريت تجاوبي
… شفتهه نقهرت من طلبت مني التلفون وتلكئت راسا انطيتو الهه وجاوبتو بس ايدي ع كلبي لتسمع خبر عن جوان
ـ هلا ابني شلونك وينك انت وابن عمك
ـ هـ هـلاا يمة بخير زيبار لاتخافين عليه
ـ شنو وينكم وين رحتو مريتو ع جوان
ـ أي اي عدهه شغل وراح نتأخر
ـ ها يعني انت همين متجي
ـ اي طبعا لازم ابقى يمهه .. اكلج يمة وين اسمهان
ـ هههه ايا ملعون صاير تريدهه ومتريدي يامن تعب يامن شگة ويامن على الحاظر لگة
ـ ههههه تبقين انتي الاصل ..
ـ تعاي يمة تعاي رجلج يريدج
.. ابتسمتلهه بس من ورة. كلبي اتذكرت من كلله لاتكولين زوجتي اخذت التلفون منهه وجاوبت
ـ نعم
ـ امي يمج مو
ـ.اي
ـ روحي للمطبخ اريد احجي وياج
ـ شنو شتريد
ـ.اااسمعي الكلاممم ترة اعصابي تلفانة
.. جان يحجي بعصبية بس بهمس صوتة مو عالي عرفت اكو شي مو صحيح ابتسمت لنانا و انسحبت منهه للمطبخ
ـ اني بالمطبخ
ـ ولج غير من اتصل عليج انتي تجاوبين
ـ نانا طلبتة مني يعني شسوي اكلله لاا؟
أنت تقرأ
حين تحكي أسمهان
Mystery / Thrillerأصعب أنواع الفقدان أن نشعر بفقدان شيء بداخلنا ، تفاصيلنا البسيطة ، ضحكاتنا القديمة ، شغفنا ولهفتنا اتجاه الأشياء ، ما أصعب أن نفتقد أنفسنا ونبحث عنها في أعماقنا ولا نجد لو جزء بسيط منها..هذا ماتعيشه اسمهان
