حين تحكي أسمهان

حلقه عشرون

السلام عليكم
سلام عليكم
نازك الحمراني nazik_al_homrna

أهتمام، قلقي،غضبي،خوفي عليكِ
ألم تعي أبدًا بأنه شوقًا
بل نه حبًا.
بل  حنينًا
وعشقآ  لا يعرف كيف يترجم ..
نازك الحمراني
#حين_تحكي_أسمهان

بقيت يم نانا أسولفوخلصنة الوكت بالدمعه والضحكة

شفتهه تريد تتحرك سألتهه شنو تريد كالت تريد تروح للحمام  اخذتها ورجعنا للصاله
جسمي ارتخى شوي ومرتاحه لان فضفضت احس جبل هم جان ع صدري وانهدم احيانا الحجي والفضفضة تريح وهذا الجنت محتاجتو

ساعدتهه ومددتها على التخم حتى ترتاح غطيتهه

ـ نانا تحبين اخذج لغرفتج

ـ.لالا خليني هنا بلكي يرجعون

ـ ماعليهم شي نانا ليش هالقلق

ـ ان شالله باجر من يصير عندج اولاد راح تعرفين سبب هالقلق يابنتي الام تبقي قلقة وخايفة طالما اولادهه ما يمهه

ـ.حبيبتي الله يرجعهم بالسلامة هذا ريموت التلفزيون اتفرجي اذا تريدين

ـ يااه ويني وين التلفزيون انطيني القرآن بنتي خليني اكمل الجزء 24

ـ الله يتقبل منج يارب

ـ حبيبة روحي بنيتي تسلمن

نطيته القرآن الكريم وامنت بعد متحتاج شي وانا رحت للغرفه اغير ملابسي لان شوي اتبللت ..

غيرت هدومي وكعدت بالغرفة اكلب بالكتب .. يالله شلون راح اقراهن وانا عقلي قافل…

ردت اخلي التلفون ع الشحن وشفت مكالمات بالتلفون هواي
باوعت زين هاي مكالمات من ماسنجر
ماعندي اصدقاء باالفيس شفت الاسم ابن عمي..

رفعت التلفون ادحك بيه اشكد متصل عجييب شو هذا لطش شنو يريد اوع خلي يولي..

حطيتو ع الشحن ولزمت كتاب عندي محاضرات اخذتهن من الكروب
بعدني درست ورن موبايلي من الماسنجر همين ابن عمي

شكد لزكه يالله لا احساس لا كرامة
مجاوبتو يولي
الجو بارد ثلج و تزيد برودتو كلما يليل الليل امي الله يرحمها تحب الشتا من اسالهة ليش اشو هو البرد يصل العظم

دكلي الشتاء يحمل وياه  كل الدفء الي بهاي الدنيا  مو مثل ميروجون عنه بارد
لان لولا الشتاء ماچنه نحس بقیمة ألدفء
وبقيمة العائله من تجمع سوه بوقت المطر او البرد القارص

لبست فوك التراك بشت صوف حتى ادفى عفت التلفون صامت بالغرفة ورجعت يم نانا
ماريد ارد عليه ولا اجاوبو نزلت جوة لكيت نانا حاطة القرٱن يمهه ولازمه موبايلها
عرفت تتصل جوان ضحكت احاچيها

ـ.ها نانا عليمن تخابرين

ـ بلكي احصل واحد منهم

-نانا ترى ربع ساعه منمتي  وبعدين كلتلج توريفار وجوان سوية ليش خايفة