حين تحكي أسمهان

الحلقه الثامنه ف٢

السلام عليكم
نازك الحمراني

لا يمكن للإنسان أن يتحمل الإشتياق والفقد والجرح والخذلان في نفس الوقت لا يمكن أن يكون جريحاً و فارغاً في آن واحد!

بقيت ساكته رجعت نمت ماحسيت بروحي  كعدت من النوم على صوت هوسة يمي فتحت عيوني لكيت جوان موجوده وتوريفار واكف ومزين لحيتو ابتسمتلو ودكاترة موجودين 

الدكتور....من باجر نبلش العلاج الفيزيائي وعلاج طبيعي كورسات نبديها بالقليل وشويه شويه تتكثف طالما نزف الدماغ انتهى وحركة حلكها سليمة وكلامها سليم وواضح تبقة بس رجلها عالعلاج الطبيعي ندعي الله تتحرك تكدر

اسمهان...سمعتو هيج جمدت جفلت دحكت لتوريفار

-شنوووووو يكول بعد ماامشي ؟؟؟
جاوب الدكتور

-:لااااا. بلعكس كل نشاطات الحيويه بجسمج سليمه بس بسبب غيبوبة الأربعة اشهر

الحظه انهاريت من كلشي اربع اشهر يعني احنا بسنه جديده من عمرنا هم يكولون اربع اشهر سألت الدكتور

-ليش غيبوبه وشنو هي

-الي صار بيج غيبوبه نتيجة الضربه القويه الي صارت بجبهتج وصار عندج الغيبوبه النباتية وتصير للانسان  واحد من كل مليون شخص..وتعتبر هاي الغيبوبه حاله نادره كلش

-نادره

-اي بابا نادره لان الدماغ يكون  بحالة سبات ونوم طويل ومع ذالك تبقى كل أعضاء الجسم مشتغله والموضوع رغم خطورته لكن مو مرعب لان عدنا اجهزه متطوره وكلشي

-يعني قصدك نمت نومة اهل الكهف

-عفيه نومة اهل الكهف خوش تعبير

للغيبوبه وانتي الصار الج معجزه

-اشلون!

-وزوجك ماترك علاج برفكت ماجابه لان جان جسمج يحتاج سيرومات حتى تبقين تمام
همست

-الحمد الله والشكر حتى يبلغ الحمد منتهاه وهسه امشي
وليش علاج فيزيائي

-بسبب ألصار الج مو شويه انتي بإعداد الموتى لو مازوجج الي كان الج سند ودعم زوجج سوى الي محد سواه

تخيلي امج مكانه حيكون طول وقتها تبجي وتنقهر من تكعد يمج
هووو لا جان يسولف وياج يحجي بشغله كانما انتي تجاوبيه مو بس تسمعي حقيقه زوج نادرررررر
وهسه اترككم

طلع الدكتور تقربت على اسمهان
-حبيبي اشتاقيتلج

-واني هم

ـ هو شنو صار ما اذكر شي السيارة طارت وطرت وياهه

ـ لا تفكرين بهالشي حبيبتي اهم شي هسة. انت بخير وسلامة. ورجعتيلي لهلحياة يمي اهم شي وجودج يمي

ـ شنو صار شبية  ليش متسولفولي
 
ـ اسولفلج كلشي حبيبتي  بس انطيني صبر 
طلع توريفار ويه الدكتور برة الغرفة وجوان تقربت مني