السلام عليكم
نازك الحمراني
وبعدني انطر تدك الباب
واطلعلك واكلك ها يضيم صباي...
بعدك بية ما مهتم ؟؟
وحك عينك بعدني شما يذكرونك
شكو بهالروح يتلعثم
.........................
ـ اشلون عرفت؟
جاوبني
-لتستغربين ضابط امن وياج مو شخص عادي رغم الناس تشوفه كشخه وهيبه لكن داخل هل هيبه تفكير وافكار
وتحليل وتمحيص
كتبتلو
-مفهمت
-يعني احنا اي شخص نلتقي راح نبقى ندرس حركاته نظراته كعدته وكفته..كلامه نستنبط هل هو بريء او مدان هل هو مظلوم او ظالم متهم ام بري
يابنتي أشكال مرت علية من ناس من جناسي عربيه وغربيه،الكردي والعجمي لاعبالج بس انتي هيج وضعچ اكو ناس اکثر راحو بالرجلين حمدي الله على هيج حال
كتبتلو
-بس ماكو مثل كسرتي انا صرت يتيمه ولا اهل عندي ولاكرايب يريدوني
-شوفي اسمهان العام بنهاية الشهر الواحد طلعنا اني واصدقائي مشاهده ومعونه على خيم النازحين السوريين فعندي بمنظمة اليونسيف صديقه دخلنا حتى نساعد الناس ونجيب اكل وملابس..الخ
المشهد الي مااتخطاه الجو بارد ثلج وانا رغم لابس قمصله وكفوف وكلييته البرد واصل العظمي طفله عمرها ٩سنوات لابسه ملابس
خفيفه وترجف ولازمه بيدها بطانيه تقربنا عليها اريد أسالها ليش ماتلبسين القمصله جاوبتني بدموع مكتومه
-أختي ماتت من البرد لان منطيتها قمصلتي لان دفيت نفسي وهي بقت ملابسها
-وينها اختچ
مدت القمصله بثنین ایدیها وگالت
-هاااي مغطيتها بلقمصله حتى من يدفنوها تبقى دافيه وانااا ماافكر بيها بارده عليها لان قمصلتي ام الفرو
أجى ابوها يبچي ومنهار أخذ الطفله من ايدها وهي بقت اتشيع ابوها بنظرات قويه وبيدها اتأشر بييباااااااي
اندارت وهي تمسح ادموعها كتلها
-ليش متبچین ابچي
اندارات عليه
-لأن البچي ياذي اختي كافي أذاها البرد
راحت بخطوات يائسه بعزة نفس استلمت حصتها من الغراض ألجبناهم ومشت بعيد رغم مكدرت ابقي الطفلة ركضت وراهه ونزعت القمصلة والجفوف والكليتة ونطيتهه الهه…
محچیت شي بس تقرب عليه بطرف ابهامه دون ان يلمسني مسح بدموعي
وصفن بوجهي بنظراته مفهمتها
كال
-انتي انسانه دارسة وعشتي طفولتچ صح
کبرتي صح
يعني افضل واحسن بالف مره من هيچ طفله خطية
راح تکبر بمجتمع معاق ويجوز تبقى بلخيم وصورة اختها الماتت من البرد متفاركهه واحتمال جبير تسبب الهه ازمة نفسية وتبقي تعاني من الطفولة للمشيب..
أنت تقرأ
حين تحكي أسمهان
Mystery / Thrillerأصعب أنواع الفقدان أن نشعر بفقدان شيء بداخلنا ، تفاصيلنا البسيطة ، ضحكاتنا القديمة ، شغفنا ولهفتنا اتجاه الأشياء ، ما أصعب أن نفتقد أنفسنا ونبحث عنها في أعماقنا ولا نجد لو جزء بسيط منها..هذا ماتعيشه اسمهان
