حين تحكي أسمهان

حلقه واحد وثلاثون

السلام عليكم
نازك الحمراني

حين تحكي اسمهان

الانسان يُعيق نفسه بقلبه، ويحرر نفسه بعقله..

..من وكعت قطرات المي ع وجهه طفر علية سحبني بقوه للسرير  يضحك

-هاااا حرشه واخيرااا اتحرشتيي بيةة يراد هلوولة

-لااا والله هو غير شعري مبلل وبعدني ممنشفته

ـ لاا هاي حررشة علنني تعااالي

ـ يمعود ياتعالي شبيك عجل قبل شوي شسووينة شنو القصة والله خوفتني وفززتني

- شدعووة علييج بووية

ـ مو زمخت بية يبستني

ـ بعدج متعرفيني اني نقطة ضعفي الشعر المبلل يلة تعالي اليوم ماااكو نوم

.. يعت بية وانة اعت بروحي
ـ والله خفت من حركاتك ونظراتك شنو اول مرة تشوف مرة يمك

-ايي اول مررة صارلي كومة مالامس مرة

ـ اممم لا صدكت

ـ شنو وولج عبالج اكذب علييج

ـ مو كلتلي جان عندك علاقات

ـ علاقة شي وزوجة شي ثاني العلاقة هذيج مجرد تفريغ رغبة وماجنت اسويهه بكل وقت اما الزوجة لا حياة كاملة ويتخللهه الرغبة لكن برومانسية واشتياق وشغف مو فقط تفريغ ام عقلين افهمي..

ـ اي بس همين خوفتني

ـ تعالي لج تعالي هسة اعلمج شلون يصير الخوف ع اصولة

ـ عزااا ليشش

.. ضل يضحك حضني قوي ومد ايدة جوة ايدي وانة نقطة ضعفي هالمنطقة اضل اضحك اذا احد لزمني منهه فشحال هو  يدغدغ بيه

صرت اضحك واحس الدنيا تضحك ويايه دفعتو اشرد منو لان حسيت الضحك راح يوكف كلبي

وكال

-جعت بعد هاااي المعارك الخضتهه وياج

ـ اكيد تجوع لان انة فزتو عليك

ـ هههههههههه عجبج ماعجبج الانتصار يتسجل باسمي ..

سحب التلفون خابر الرسبشن عالغدة وجابولنه الغدة كالعادة دجاج مشاوي ومقبلات وببسي  واكلنه كمت اغسل كال

-مو تنسين حبي باجر طيارتنه لتركيا 
-صدك ؟ يعني نروح 

-اي ليش متصدكين

-ماااصدك الله الله

.. كمت اكمز وهو يضحك  ..

ـ زين عفية خلي نروح لبيت عمو عجيل ..

ـ ها..مو خاف مانلكاهم

ـ ليش همة ماكدر يجون مثل ماوعدوني بسبب امتحانات بنتهم خلي احنة نروح الهم كلش مشتاقة الهم