السلام عليكم...
نازك الحمراني...لاتنسو اختي من صالح دعائكم..نشرت بلا تعديل حبايب
حين تحكي اسمهان
اشعر بلحزن على حالي ف الأمُور تحدُث سريعاً حيث أشعُر بأن رُوحي تسلب تقتل ولا أستطيع المقاومة وفعل شيء"
للفجر مانمت صليت وهو ماكو نعست كلش غفيت وماحاسة على روحي اله
وصار تجيي مسجات وحده ورة الثانية فزيت بسرعه
شلت التلفون رقم عالواتساب جديد فتحته شفت صور انصدمت صدمة عمري
صور توريفار واكف والاء يمه كلش ايدها على ركبته وقريبة وصوره ورى ظهره
تخببببلت فرفحت لان هذا القميص هس
صرت ادك عليه ومغلق ركزت بالصور هاي يم المكتب لازم اروح اخذت السويج
وركبت السياره ونطلقت
طلعت من البيت مثل المخبلة فتحت باب السيارة وصعدت ورجعت بك ردك ادعم الباب
من شدهتي نسيت افتح باب البيت بالريموت
حسيت روحي احترك من الغضب فتحت باب البيت وطلعت حتى مادري سديت باب البيت او لا
طرت للشركة جانت الساعه ٤ ضبط الفجر
اكو ناس بالشارع وسيارات جنت ازبك بين السيارات حتى اوصل للشركة بسرعه
الغيره
والحيره
والقلق
والخوف
والرجفه
والتوتر
والارق
والزهكه
والرهبه
كلها نجمعت بهاي الحظه ليش يصير هيج مو هو يحبني مشاعره واضحه اليه ليش هيج حاضنته لااااا هي ماده ايدها عليه وهو لامسها وبهذا الوقت المتاخرر شنو يعني؟؟
هو يتلاعب بيه ومشاعري ويريد على كيف كيفه يعشك ويتمعشك براسي لاااا مااكدر ولا اتحمل
ضربت الستيرن من التوتر وصرت اشوف اضويه انتبهت هاي دوريه شافوني اسوق بسرعه ماهتميت عفت الدوريه وطرت
جهاز الجرس مال الشرطه بصوت عالي ورايه دحكت من المرايه نتبهت عليهم ديلاحكوني الاسايش بسيارات الشرطة
اذا ما اوكفلهم راح تصير سالفة جبيرة
خففت السرعه وطبكت ع الرصيف ونزلو الاسايش فتحت الجام كال بلغه كرديه
ـانت بسرعه هويتك اجازة السياقة مالتك
.. ماحجيت اتنهدت وراسا جريتهن من الدشبول بقى يقرا بيهن كال
ـ انت عربي
ـ اي اي عربي
ـ شعندك هنا تفتر
ـ متزوجه ضابط منكم
ـ هااااا من عدنا.. اشنو اسم زوجك
ـ.يمك مكتوب بالهوية .. الرائد توريفار
.. ضلو يتباحثون بينهم على اسم توريفار وبعدين واحد منهم عرفو منو توريفار
كال
ـ ليش تمشي سريع مو اشرنالك
أنت تقرأ
حين تحكي أسمهان
Mystery / Thrillerأصعب أنواع الفقدان أن نشعر بفقدان شيء بداخلنا ، تفاصيلنا البسيطة ، ضحكاتنا القديمة ، شغفنا ولهفتنا اتجاه الأشياء ، ما أصعب أن نفتقد أنفسنا ونبحث عنها في أعماقنا ولا نجد لو جزء بسيط منها..هذا ماتعيشه اسمهان
