القليب و القمر (الأصلية)

بارت _3_

#القليب_والقمر

بقلمي::-قـمـر✍️🤍

لتنسون التصويت+تعليق بين الفقرات+متابعه لحسابي💙🥲

يتابوتي الدمع چذاب لا توكف اذا يبچون

اسعد الدفاعي

---------------------

جاب العشة وطلع كال هسة اجيب امي تبات وياكم

كعدنا ناكل شوي ودخلت خاالتي علينا

-هاا خالة شلونها بيبي

زهرة- زينه يخاله وضعها استقر احسن من قبل شوي

رقية- زهيرة منو اجة وياج

زهرة- يمفلوكه زهيرة شنو العب وياج اني

ضحكنا وكالت

زهرة-اجة احمد وياي دخل يبدل

سكتنا فرشنا اني ورقية بالغرفة وكعدنا نسولف شوي ونفتح الباب ومد راسة

احمد- يا ايها القوم هل انتم نائمون ام قاعدون؟

رقية-قاعدون؟؟

ضحكت وكتله

-تعال قاعدون شتريد

-ولجن كون طابوكه تنام عليجن محد سئل علية جوعان عطشان رحت لامي اريدها تسويلي اكل لكيتها تشخر

ضحكنا وكتله

-خطيه اكيد تعبانه

-ديلا جوعان كومن سولي اكل

رقية- ولي ابو البنات وين النا خلك نسويلك اكل روح اخدم نفسك بنفسك

احمد- مو اجيج ام عطوب الخايسة

كامو يتعاركون واني فاطسة ضحك عليهم كال احمد

-كومي قمورة سويلي اكل

- ههههههههههههههههههههههههههههههه صدك ضحكتني ولك هاي بتيته مادبرت نفسها وحركت ايدها شلون تريدها تسويلك عشة

ضحك احمد وكال

-ولجج الفاهية صدك معرفتي تسوين بتيته

قمر- الهايشه فضحتيني ماخليتي واحد. يعتب عليج تمشين وتصيحين متعرف تسوي بتيته ترا صوج الزيت خربان

-انجبي شعلي الزيت لو هو الميعرف يركص يكول الكاع عوجه

ضحكنا وكلت لاحمد

-كوم اسويلك اطيب عشة عل عناد بعض الناس

رقية- نتلاكه بجادر الفاتحه

قمر- بس سدي حلكج وا حنا بخير

نزلنا اني واحمد فتحت الثلاجه لكيت بيض كتله

-اسويلك بيض طك

-الحمدلله والشكر بس بيض خاف تعبتج

-هسة مو زين كمت اسويلك هذيج اختك انطمرت ومو بحالك صدك لو كالو سوي زين وذب الشط