#القليب_والقمر
بقلمي::-قـمـر✍️🤍
لتنسون التصويت+تعليق بين الفقرات+متابعه لحسابي💙🥲
من حنيتك شگِد نبهّتني النـٰاس
بس أخجل إگلهمّ گِلبي ما يفهَم
_________________
دخلت لـ بيتنه تلكتني ماما تركض حضنتني وتبجي
حضنتها وكمنا نبجي سوية هي تبجي واني ابجي وياها
من بعد حضن طويل بعدت عنها ومسحت دموعها
-ماما حبيبتي مشتاقتلج
-يروح امج انتي اني هم مشتاقتلج يبعد عافيتي
ابتسمت وبستها
-تعالي خل ندخل ليجوا
دخلنا ليجوا الله البيت شكد مشتاقتلة
-بالعباس هستوا نور البيت ايع جان اضلم
ضحكت وكالت
حنان- هدوووووء شحلاته
-افا عليج هدوء؟ قصدج وحشة وضوجة مو
-لا ماقصدي هيج قصدي هدوء شحلاتة
-اشوفج كتلتي نفسج علية حتى ضعفانة هيج فراگي صعب
ضحكت وراحت للـ مطبخ رحت وراها اشتميت ريحه برياني
-يمممممة اليوم بريانييي عززاااا
حنان- بدت الهوسة والصياح انتي ليش كل حجيج صياح تكدرين تحجين بهدوء ترا
-طالعه عليج ماما
باوعلتي صفح وبدت تصب بالاكل
صبت الاكل وكعدنا اني وهي ناكل
-سولفيلي شصار ماصار شلون طلعتي ووين جنتي كل هل ايام؟
رفعت راسي الها صفنت بوجهه كالت
حنان- احجيلي كلشي بدون جذب لبوة
رفعتلها حاجبي وحجيت
-لبوة?هاي منو يحجي قبل اكلج اني لبوة تكولين صخمة هسة صرت لبوة
ابتسمت وكالت
حنان- لان طلعتي صدك لبوة
رفعت ياختي بـ غرور
-احجيلي ولج لا تضيعين السالفه لا اكتلج
-اهدي ماميتي شبيج خل اجر نفس بالاول
بديت احجيلها من لگو المخد** ومن طلعني
القليب حجيتلها كلشي
-يا فدوة الروحه ربي يحفظة والله ابن حلال
ضليت مدنكه اكل
حنان- الله يكثر من امثاله والله صاحب نخوة ورجال من صدك
سكتت ماجاوبتها عفتها ودخلت لغرفتي اخخ واخيرا
رجعتلها رحت فتحت كنتوري واخذت ملابس ودخلت للحمام اسبح كملت وطلعت شسورت شعري
ومشطته صاحتني ماما
-هاا ماما
-اتفقنه اني وام نرجس نروح لبيت هذا الساعدج نتشكر منة ومن اهلة لان استقبلوج
YOU ARE READING
القليب و القمر (الأصلية)
Romanceاستغليت هاي الفرصة وطلعت بعدما تأكدت انو هو راح وبعد رحت اركض للباب الخروج وطلعت واقرة دعاء بس كون ابتعد مشيت للشارع وعبرت المستشفى بعدت عنها حمدت ربي وضليت اركض وصلت لطريق مسدود غميت نفسي ليش مااخذت تكسي من يم المستشفى ضليت مستمرة امشي واحس نفسي ت...
