القليب و القمر (الأصلية)

بارت _15_

#القليب_والقمر

بقلمي: ميامين

لتنسو تصويت+تعليق بين الفقرات+متابعه لحسابي 😍♥
   

              ایهاب المالکی يگول :

            تذکر چنت من تعتنيلي بلهفتك
             مشتاك حتى تشوفني ؟
           وتلكاني روح مشكگه
          ولمسات ايديك اتروفني
          تترگني هسه قررت
         يطيك كلبك ننتهي وبس بالاحلام تشوفني😔

                        . ♡ ــــــــــــــــــــــــــ♡.

دخلت للبيت بدلت ونزلت يم ماما
ضلت ماما تمدح بيهم وتمدح بالقليب

-ماما كافي شدعوة

ردت وهي تباوعلي صفح
-انتِ ميعجبج العجب شبيج العالم زينين وخوش ناس

-ماما ترا ماكلت مو زينين اعرف زينين واعرف امهم تخبل وحبابة ونجمة صديقتي وهم كلش كلش حبابة

رفعت حاجبها وكالت
-والولد؟

سكتت مارديت عليها

-والوولد جاااي اكول

-ماما شبيج ايي والولد هم

-ايي هم عبالي بس شو جنج حجيتها من ورا خشمج ليش احسج تكرهي؟

-ماما ليش اكرهه؟اني اكرهه شخص حتى لو ضارني مااكرهه مو النوب ساعدني

-لعد ليش من احجي بي متقبلين وتگلبين وجهج وتسكتين

-ماما كافي فدوة يعني شتردين من تحجين بي تلمع عيوني وافرح ترا هم ولد وكلهم نفس الشي كلهممم كلهممم

عفتها ودخلت لغرفة مختنكة
رجعت علية ذكرياتي السيئة نمت وكعدت
على صوت ماما يمي

كالت وهي تمسد عل شعري
-ماما حبيبتي ماقصدي اضوجج

-ماما اعرف بيج بس حبيت اذكرج انو هو من جنس ادم يعني هم يخون

-ماما تفكيرج غلط مو كلهم هيج مرات احنا نغلط بـ اختيارنة يعني كلهم يخونون؟مو هذا ابوج الله يرحمة حبيتة عمر لحد مامات هو يحبني

هزيت راسي ساكتة طلعت واني كمت
نزلت وراها لكيتها بالصالة

-جعت

-روحي هناك اكو اكل بالمطبخ

هزيت راسي ورحت صبيت اكل وكعدت اكل
كملت ورحت يم ماما

-ماما اريد ارجع لـ شغل

باوعتلي وكالت
- شعندج؟

-ماما شنو شعندي اريد ارجع لـ شغل

-لا

-ماما شنو لا صدك دتحجين اني تعبت ووصلت نفسي لـ شي الي اريدة وهسة تكولين لا ليش