#القليب_والقمر
بقلمي::-قـمـر✍️🤍
لتنسون التصويت+تعليق بين الفقرات+متابعه لحسابي💙🥲
جنت اگلهم
نار بيَه نار بيَه
وچذبونيِ
ومنٓ بقيت رماد
گالوا ليش ماگلت احتركْ.
_________________
ضليت كاعدة يم خالتي بالمطبخ ونجمة يمنا
تفتر هم كلت لخالتي اكوم اساعدج ماقبلت وكالت
سعاد- يمة ماتعرفين بنيتي انتي وبعدج عروس
قمر- لعد انتي تشتغلين واني كاعدة ميصير
سعاد- ميخالف يمة ميخالف روحي كعدي هناك
على طبلة
ابتسمتلها وكعدت على طاولة شوي وانفتح الباب دخل الولد الي وصلنة بالعرس
سعاد- ها ولك ستوك لفيت النة
همام- اي يمة حسيت بيكم مشتاقيلي
سعاد- ولك يمة وين تروح تغط وترجع
همام- يمة وي جماعتي والله
نجمة- متأكد وي جماعتك
همام- انتي الزركة لا تدخلين والحجي مو وياج
جاي احجي وي امي
سعاد- كافي سكتو مو تبدون
همام- اكلج يمة
سعاد- هاا
همام- مشتهي دولمة من ايديج الحلوات
سعاد- صار يمة هسة اسويلكم دولمة
همام- بعد بيتي
التفت الي وابتسم
همام- مرت الاخ الغالي شلونج
ابتسمت الة وكلت
قمر- الحمدالله بخير
همام- شلونها اجواء بيتنة المخبلة عجبتج
ضحكت ونزلت راسي هو جر الكرسي وكعد
كدامي
-شوفي يا مرت اخوي انة همام ليش سموني
همام ماادري المهم اخو رجلج ماتشوفيلي مرة من يمج
قمر- وين من يمي
همام- شمدريني هناك بالمستشفى صديقاتج بس مااريد هاي ام هلهولة الصعدت ويانة بالزفة هاي ولد عمي مامحسوبة على نسوان
نجمة- قصدك نرجس؟
همام- ايي هي نرجس..هاا شتكولين كولي الهن
حماي حلو ولطيف ويصلي ويصوم ووجهه يخبل
ابتسمت الة وهزيت راسي
همام- شني ولكم هاي خرسة مابيها صوت شني خربانة
نجمة- ولك خليها هجي شيسكتها اذا حجت
همام- شو بلا كولي دار..دادا
ضحكت وكلت
قمر- شنو دار دادا
همام- اللهم صل على محمد وال محمد طلعت
تعرف تحجي
YOU ARE READING
القليب و القمر (الأصلية)
Romanceاستغليت هاي الفرصة وطلعت بعدما تأكدت انو هو راح وبعد رحت اركض للباب الخروج وطلعت واقرة دعاء بس كون ابتعد مشيت للشارع وعبرت المستشفى بعدت عنها حمدت ربي وضليت اركض وصلت لطريق مسدود غميت نفسي ليش مااخذت تكسي من يم المستشفى ضليت مستمرة امشي واحس نفسي ت...
