#القليب_والقمر
بقلمي::-قـمـر✍️🤍
لتنسون التصويت+تعليق بين الفقرات+متابعه لحسابي💙🥲
غيرك اجه بعز الظهر
رايدني انام بفيه
رايدني ويحب من صدك
بس اني مدري شبيه
_______________
خلص العرس ورجعنا للبيت دخلت سبحت وطلعت لكيت ماما دتحجي وي بابا بس شافوني سكتو
حنان- هلا يمه قمر تعاي اكلي تردين غدة
قمر- لا
رائد- ليش بابا تعاي اكلي مااشتهي اكل وحدي
حنان- واني مو بعينك
رائد- بوية مااعرف اكل الا بنتي موجودة
ابتسمت وكتلة
-مو جوعانه بابا
خليت ورجعت للغرفة وطكيت بجي لحد مااحس راسي انفجر من كد البجي ليش يربي ليش هيج اليحب يطلع خسران؟
ضليت عل هل حالة اسبوع كامل اني بالغرفه مااكل ولا اطلع بس انام وانزل عل كد حمام وارجع اصعد
تجي ماما تتوسل وبابا تعبو من كد ماحجو وياي
تدهورت حالتي وكلما جايها بالنازل لحد مايوم تخربطت
ودوني اهلي للمستشفى كالو عندها فقر دم حاد ونقص بالحديد
رائد- ليش هيج بابا منو يفيدج غير صحتج
حنان- ولج يمه ليش تشلعين كلبي عليج والله كلبي ممرود عليج
همة يحجون واني بغير عالم ومو وياهم تعبو من الحجي شوي ودخلو جلال وخالتي ام جلال ورقية ونرمين وخالتي زهرة وخالو سلطان واحمد
رقية اجت تركض حظنتني
رقية- الف الحمداالله عل سلامتج خوفتينا عليج اجيت اركض حتى مااعرف شلبست باعي جايه بنعال
ابتسمت الها
واجو الباقي يتحمدولي بالسلامه
احمد- البرغي خوفتينا عليج اجينا نندعم من وراج وجان صار موتنا بركبتج
جلال- دنجب اهم شي هسة هية مابيها شي
ضلو يحجون وياي ويشاقون واني بس ابتسم ماحجيت ولا رديت عليهم
ام جلال- يايمه خديداتج شصاير بيهن فاشات
احمد- ايي مو هنة نفاخه وفاشات
جلال- انجب
رقية- قمور اريدج تسويلي بتيته اشتهيتها من ايدج
احمد- واني اريدج تسويلي بيض سلك
جلال- اكو لغز بالموضوع مو؟
احمد- ايي لعد شلون مرة سوتلي بيض سلك الا بالشدة يخبل تاكل الماعون ورا من كد ماطيب
جلال- والله تحمست اكل البيض منج
YOU ARE READING
القليب و القمر (الأصلية)
Romanceاستغليت هاي الفرصة وطلعت بعدما تأكدت انو هو راح وبعد رحت اركض للباب الخروج وطلعت واقرة دعاء بس كون ابتعد مشيت للشارع وعبرت المستشفى بعدت عنها حمدت ربي وضليت اركض وصلت لطريق مسدود غميت نفسي ليش مااخذت تكسي من يم المستشفى ضليت مستمرة امشي واحس نفسي ت...
