القليب و القمر (الأصلية)

بارت_52_

القليب_والقمر

بقلمي::-قـمـر✍️🤍

لتنسون التصويت+تعليق بين الفقرات+متابعه لحسابي💙🥲

________________

كعدت ونزلت يم خالتي لكيتها تطبخ صبحت عليها وكعدت يمها

-يمة شبيهن عيونج

-خالة مانمت

-ليش يمة

-مااجاني نوم

-تعاي تريكي يمة

هزيت راسي ورحت حظرت ريوك تريكت وكملت شلتهن وغسلت المواعين نضفت المطبخ وطلعت للطارمة اغسلها

-تعاي يمة قمر انـة اغسلها

-لا خالة شسالفة اني اغسلها ماعندي شي

شديت شالي على راسي ورشيت مي غسلتها وكملت رحت للحديقة حطيت مي للزرع ودخلت لكيت خالتي دتريد تثرم زلاطة

-انطيني خالة اني اسويها

-لا يمة تعبتي روحي ارتاحي

-خالة ماسويت شي انطيني اسوي الزلاطة واصعد لفوك

انطتني سويت الزلاطة وصعدت لفوك سبحت ونضفت غرفتي شسورت ولميت شعري

اخذت موبايلي ودزيت رسالة للقليب طلع عندة نت شوي وشاف الرسالة كتب

-هلا گمرة

-هلا بيك شلونك

-زين بابا انتي شلونج

-زينة....شوكت ترجع

-اليوم التحقت

-القليب صليت؟

-اي بابا

-ضايجة

-ليش بوية

-ماادري بس ضايجة

-روحي يم نجمة

-مموجودة بالمدرسة

اختفة شوي وشاف الرسالة

-بوية بعدين نحجي عندي شغل

-تمام براحتك

عفت الموبايل ونزلت يم خالتي لكيتها متمددة بالغرفة طلعت للحديقة وكعدت على مرجوحة هو هذا مكاني المفضل....

كعدت وضليت صافنة بالسماء صادف يوم خميس ابتسمت وتذكرت يوم ماما تكول كل خميس يجون

الاموات لاهلهم مسحت دموعي وضليت ادعيلهم ادعية حافظتها

انفتحت الباب ودخل عمر مسحت دموعي هو شافني واجة كعد يمي

-شلونج

-زينة

-شبيج؟

-مابية

-احم اكلج

-ها

-راسلتج شسمها

-منية؟

-هجي انسي